Unicode
" ငါပြောချင်တာ အဲ့ဒါကွာ သိလား။သူကကို စီနီယာဆိုပြီး power ပြချင်နေတာ"
ကောင်းကင်ရောင်၏ စကားကို ခေါင်းတညိမ့်ညိမ့် နားထောင်ကာ ကားမောင်းနေသူကနက္ခတ်ခြယ်။
မနေ့ညနေက ကောင်းကင်ရောင် အပြင်ထွက်မည် လုပ်တော့ သူ့ကားက စက်နှိုး၍မရတော့။
ထို့ကြောင့်ပင် Workshop ကို ကားလာသယ်ခိုင်းရကာ ကားပြန်မရမချင်း နက္ခတ်ခြယ်က ဆေးရုံနှင့် အပို့အကြို လုပ်ပေးဖို့ တာဝန်ကျသွားသည်လေ။
ကောင်းကင်ရောင်ပေးတဲ့တာဝန်တော့မဟုတ်ပါ။
မယ်မင်းကြီးမ က Taxi နှင့်အသွားအပြန်လုပ်မည်ဆို၍ ငြင်းထားရသေးသည်။
အောင်ထူးခြားရဲ့ အနာဂတ်ပိုင်ရှင်က Taxi နဲ့ Duty လာတာ ကြားကောင်းရဲ့လားလေ။
ပြောမဲ့သာပြောတာပါ။
ကောင်းကင်ရောင်ကို အောင်ထူးခြားရဲ့ပိုင်ရှင်မှန်းသိကြမှာတောင်မဟုတ်။
ဒက်ဒီက တရားဝင်မိတ်မဆက်ပေးသေးသလို
ကောင်းကင်ရောင် ကိုယ်တိုင်က ထုတ်ပြောမည့်လူမှ မဟုတ်တာ။
ကောင်းကင်ရောင်က နက္ခတ်ခြယ်နှင့်ယှဉ်လျှင် အနေပိုတည်ပြီး မိန်းမ ပိုဆန်သည်။
သူလုပ်နေရသည့်အလုပ်ကြောင့်လည်း ပါမည်ပေါ့။
" ဟဲ့.... ရှေ့မှာ accident ဖြစ်တာလားမသိဘူး"
ကောင်းကင်ရောင်၏ စကားကြောင့်
နက္ခတ်ခြယ်တစ်ယောက် အတွေးတွေ များနေရာက ကားကို ကမန်းကတန်း အရှိန်လျှော့ရသည်။
ရပ်ထားသည့် ကားတစ်စီးဘေးမှာ ကြေမွနေပြီဖြစ်သည့် ဆိုင်ကယ်တစ်စီး။
" လူတွေ အုံနေတယ်ဟ။ ဆင်းကြည့်ရအောင် ခြယ်.."
ပြောပြောဆိုဆို အရင်ဆင်းသွားသူက ကောင်းကင်ရောင်။
နက္ခတ်ခြယ်လည်း မနေနိုင်တော့ နောက်မှ အပြေး လိုက်ဆင်းရသည်။
" မထိနဲ့ မထိနဲ့... ဆေးရုံကား ခေါ်ထားတယ်"
လူအုပ်ထဲမှ အော်သံတချို့။ ဆေးရုံကားက ဘယ်အချိန်မှ ရောက်မည်မသိ။
လူနာက အများကြီးထိသွားသလား။
လူအုပ်ထဲ ဖြဲရဲတိုးဝင်ကာ ကြည့်မိတော့ သားအမိနှစ်ယောက်ဖြစ်ဟန်တူသည်။
ခေါင်းမှာ ဦးထုတ်ဆောင်းထား၍သာတော်တော့သည်။မဟုတ်လျှင်မတွေးရဲစရာ။
YOU ARE READING
နက္ခတ်ခြယ် ကောင်းကင်
Romanceကောင်းကင်က ဘာလို့ လှနေတာလဲ သိလား။ သူ့ကို အလှဆင်ပေးတဲ့ နက္ခတ်တွေကြောင့်လေ။ ေကာင္းကင္က ဘာလို႔ လွေနတာလဲ သိလား။ သူ႔ကို အလွဆင္ေပးတဲ့ နကၡတ္ေတြေၾကာင့္ေလ။
