#خوافتي 6💕
بعد شهرين من العرس❤
وليد : ريان هيا راه بنطلع بيش نوصلك
ريان: هذا كله والحوش مقابلنا🌚
وليد: حسك شن قلتي
ريان: قلتلك هي طالعه ❤
وليد: بلاش طوله اللسان وهيا
نزلو خشو سلمو ع حنان وطلعو
ريان عدت ل هلها
محمد : فيه حاجه دسينها عليكم من سنين وجا وقتها بيش تعرفو وامكم تعرف
عبد الله: إن شاء الله خير ي باتي شن
محمد : انا كنت مجوز قبل امكم وطلقتها وعندي منها تلات عيال وبنتين وامهم توفت وتوا نبي نجيبهم وعبدالله نبيك تمشي تجيبهم
عبدالله : وليش تبي تاخدهم بعد ماتت امهم
محمد : خوال العيال كانو رفضين وصارن مشاكل ومواضيع ملهنش اهميه ولا سنه ولا اتنين نجري ع عيالي بيش نجيبهم وبعد ماتت امهم خوالهم خدو الورته ورنو قالو خود عيالك معد يلزمزنه
ريان: لاحول الله ولا قوه الا بالله
سلوي : انتو كبار ومتبو وصيه خوتكم حطوهم ف عيونكم ورد بالكم ع بعضكم تعاملكم معاهم كيف ماتعملو مع بعضكم نقصهم حاجه تجيبوها لهم ونا واتقه فيكم
عبدالله : وين العنوان ياباتي
محمد : تبي تمشي تجيبهم توا
عبدالله: والله مانأمن ب خوالهم الي يبو يعزقوهم
وعدا عبد الله وخش للمربوعه وطلعله خالهم الكبير
خالهم : تفضل شن تبي
عبدالله : جاي ناخد ف خوتي
خالهم : انت ولد محمد
عبدالله : كان صخر ربي منبيش نكتر معاك دوه كلم خوتي بنطلع
خش أسامه
اسامه : السلام عليكم
عبدالله جابه طول من الشبه: وعليكم السلام ي خي
وضبطو بعضهم
وخش صالح سلم ع عبدالله وخش بعدها بشير
وسلمو ع بعضهم
أسامه كلم خواته وخشن انصدمن
صالح سلمن
جوري : بحتت فيهم ومستغربه
صالح : هذا خونا من باتي
جوري : سلمت عليه خير ي عزوتي
عبدالله حضنها : كيف حالك خيتي
ورفع وفاء وحبها
عبدالله يدوي ل أسامه هيا ياريت تطلعو توا
أسامه: خلاص تمام انضمو الامور بس
عبدالله: ناخد جوري ووفاء وانتو الحقوني
صالح : منور مقصرت
عبد الله: عيب الكلام هذا مش بينا
صالح : عدن البسن ع سريع
جوري : ملمينش دبشنا
عبد الله : قاللكم باتي ماتخدو شي من هنا
أسامه: حسبي الله ونعم الوكيل
عبد الله: هيا ونحكو ف حوش
طلع عبدالله ب خواته وخوته لحقوهم
معلومه محمد طلق مراته من اربع سنين بس
وصلو للحوش خشو
عبدالله : السلام عليكم
محمد : وعليكم السلام
جوري: بابا وجاته تجري حضناته
محمد : سامحيني ي بنتي
جوري : مسمحتك ي بابا
سلوي : نورتو الحوش حوشكم
جوري : منور بوجودكم ي عميمه
سلوي: اعتبريني امك ي بنتي ومتقوليش عميمه
ريان : اضبطت جوري كيف حالك ي خيتي
وسلمت جوري ع باقي
ووفاء خافت لاكن انطلقت لما لقت باتها
