محمد:ياخي لميس ليش تنرفزيني
أنا بصدمه:وش سويت ليك
محمد:احسج تتعمدي صح؟
أنا :لا والله شدخل
محمد بصراخ :عيل ليش قلتي كيذا حق اخوي قدامهم وليش اتصارخي وشعرك يطلع وتضحكي وايد ليييييييش
أنا بصدمه وتوتر والدموع متجمعه فعيني واقول تو ذا يراقبني ولا شو :اسفه بس ما أتعمد..
محمد شاف الدموع فعيني وصد عشان ما يشوف دموعي :خلاص سيري داخل يطيح مطر عن اتبردي
أنا سرت ولا رديت عليه وخلاص اتجمعوا العصر كلهم وقالوا وش رأيكم
نطلع البحر
كلنا بحمااااس:ايوا نبغى نسيرالجو حلو ومطر
وكلهم يجهزوا الأغراض الحريم يطلعوا الأشياء الي نحتاجهم حق العشى وانا والبنات نساعدهم الرجال والأولاد يحملوا الأغراض داخل السياره
أنا كنت طالعه وفي أيدي كرتون ماي صغيره وسرت اخليه في السياره شافني وقال جيبيه عنج وما صديت عليه وقلت حق سالم :شله عني لو سمحت...
سالم ولد عموني وأكبر مني بسنه وهوه الي كان يلحقني ويلحق ساره اختي
قال ليي محمد وهوه معصب :تراني اكلمج ليش تسفهيني
أنا:ما سمعتك
محمد:سبحان الله يعني وما كمل إلا قال سالم :خلاص خلها وش تباها تصارخ عليها تعرفها اتصيح بسرعه
أنا قلت حق سالم واضحك :محد يصيحني ودموعي ما تنزل قدام اي شخص
محمد صد عليي :حسابج معي في البحر
أنا سرت ولا صديت عليه اسمع سالم يقول ليه:قول ليها شي لو فيك خير
محمد:بسالك أنت وش تباها
سالم:احبها عندك شي ؟؟؟
محمد بصدمه:هه ضحكتني الصراحه تعرفها تكره راعين البنات
سالم وبتشتت:أصلا ودرت ذا الشي وتبت
محمد:ما تفرق ولو
يدي بصراخ تعالوا يلا بنسير
وكل واحد ركب سيارته وسرنا البحر ونسولف ونضحك ونغني
وصلنا البحر وترتبنا الأغراض وياهم وقلنا يلا بنسير نتمشى شوي
قالت امي :تمام حبيبتي انتبهي وانا أمج
أنا:إن شاء الله أماه
وسرنا ساره وبصراخ:ايهههههههه
أنا وميثه وامون:الله ياخذج أذنينا انصمت
ساره :تعالوا نسوي جبل
أنا :يلا
ميثه:إيه ترنا كبرنا وحده 18 والثانيه 15 تستهبلوا شو؟
أنا :لا صدق خلنا نلعب ما كل يوم نجي
ميثه :لعبي انتي وياها أنا ما بلعب
انا وبضحك :براحتج ورحت اركض صوب البحر بحمااااس وصدت عليه يلعب كوره مع مجموعه أولاد
صد عليي وطالعني بنظره انه سيري من هنا ربيعي
سفهته وكملت لعب وشيلتي تطير وطاحت على كتفي
وما انتبهت واسمع صرخههه:لميسسسسس
أنا بخوف :بسم الله علام،؟
جا يصارخ :شيلتج طايحه ما تشوفيها
ترا عيني عليج من مساعه وانتي إلا تضحكي ولا تصارخي ولا شي
أنا وبعصبيه وصراخ اكثر عنه:ما ليك خصصص فيني فاهم
محمد مسكي أيدي قدامهم:......
باي💔.
أنت تقرأ
الي بيني وبينك اكبر من كذا!.
ChickLitليه انت بالذات .. لا مريت في بالي انسى جميع الناس واسرح بطاريك🤍. (روايه إماراتيه) اول شي بقوله طبعاً اول مره في حياتي اكتب روايه ف أتمنى تكون روايه حلو وخفيفه عليكم وبس والله أتمنى ليكم قراءه جميله🤍. ----------------------- الروايه من تأليفي وحقيق...
