ورحنا عند الحريم وكل وحده تضحك من صوب
امي : لميس وين ساره اختج
أنا :مدري ما شفتها دقيقه بتصل عليها
ميثه بخوف: وينها وين اختفت لميس عن يكون شي صاير ليها ؟؟
أنا بتوتر:لا تخوفيني والله اقتلج
واتصلت على ساره:ساره انتي وين ؟
ساره برجفه:الله ياخذج انتي وين
ميثه:علامها قولي ليها انتي وين
أنا بعصبيه : تو علامج اقول ليج انتي وين ؟
ساره:أنا ورا الخيمه مال الحريم تعالوا بسرعه
وركضنا بسرعه أنا وميثه صوب خيمه الحريم
ساره: تعالو أنا هنا
أنا بصراخ:علامج ترتجفي وش صاير
ميثه بخوف وتوتر:حسبي الله يمكن التبست شي
أنا واضحك :والله ما وقتج ميثه
ساره برجفه:اتخيلو طلع يحبني !!!
أنا وميثه بنفس النبره والصراخ :مننننننن
ساره:حسبي الله كلهم سمعو
أنا :قولي من عن أقتلج
ميثه بتوتر:راشد صح ؟
ساره بصدمه:هيه كيف عرفتي
ميثه بخيبه أمل لانه أحمد اخوها يحب امون :ما اعرف
أنا وحسيت انه ميثه فيها شي :اها حلو
ساره:بنات بموت والله وش اسوي طول الأسبوع بشوف وجهه
أنا :عادي عادي
وسرنا أنا وميثه وساره استغربت من تصرفنا
أنا :ميثه علامج اتغيرت ملامحج
ميثه:لميس اتعرفي انه اخوي يحب اختج احس حرام كيف بقول ليه وبصارحه
أنا وبحزن على أحمد:ما ادري والله بس لا تقولي لين حد وخلي الإسبوع ذا
يعدي على خير
ميثه:ان شاء الله خير
وسرنا عند الحريم نساعدهم على العشى وكانت 6 مخيمات
2 حق الحريم و2 حق الرجاجيل 1 كبيره حق الجميع مقابله كل الخيم 1 حق العاملات والوسط مجموعه اضواء ف خيمتنا احنا البنات مقابله خيمه الأولاد والحريم عدال خيمتنا العاملات عدال خيمه الحريم والرجاجيل عدال خيمه الأولاد ف لما نطلع يمدينا نشوفهم بوضوح
أنت تقرأ
الي بيني وبينك اكبر من كذا!.
ChickLitليه انت بالذات .. لا مريت في بالي انسى جميع الناس واسرح بطاريك🤍. (روايه إماراتيه) اول شي بقوله طبعاً اول مره في حياتي اكتب روايه ف أتمنى تكون روايه حلو وخفيفه عليكم وبس والله أتمنى ليكم قراءه جميله🤍. ----------------------- الروايه من تأليفي وحقيق...
