🌸 Youth 🌸

10. අහිංසක ඇස්...🌸

🌸 Youth 🌸

"ප්‍රතිවාධී පිලේ බාධක මැඩගෙන ලින්ග් ඉදිරියටම ඇදෙනවා... ඔව් දැන් ලින්ග් සමඟ සටනට එන්නේ හීනි උස පිලේ ක්‍රීඩක යීබෝ... ඔව් දැන් පන්දුව ඇන ඇන දිවයන ලින්ග්ගෙන් පන්දුව උදුරාගන්නට යීබෝ උත්සාහ කරනවා... එකම පන්දුවකට රණ්ඩු වෙන හැටි දැක්කම මුන්ට බෝල ගහන්න පන්දු ගෙනත් දෙන්න මට හිතෙනවා ප්‍රේක්ශක හිතවතුනි... ඔව් දැන් යීබෝ ලින්ග් සතුව තිබූ පන්දුව ලබා ගන්..."
                               "අප්පට... පොළව සිපගෙන ඇදගෙන වැටුනා නේද ගෙම්බා පොලේ ගැහුවා වගේ... යකෝ මුට කකුල් පන නැද්ද හිටගෙන ඉන්න... ආ නෑ දුවන්න... යමං බලන්න... වැටුන වැටිල්ලට අර කිරි සුදු මූණෙ පතුරු ගැලවුනාද දන්නෙ නෑ..."
.
.
ශානුත් චෙනුත් බාස්කට් බෝල් ප්‍රැක්ටිස් කරන තැනට දුවගෙන යද්දී ටීම් එකේ අනිත් අය යීබෝට නැඟිටින්න උදව් කරා.

"මගෙ අතින් බෝලෙ අතෑරුනු වෙලාවෙ උබට ඒක ගන්න වෙලාව තිබුනනේ මචං... අද මොකද උනේ උබට..."

ශානුත් චෙනුත් යීබෝ ඉන්න තැනට ලං වෙද්දී එකම කණ්ඩායමේ උනත් ටීම් දෙකකට බෙදිලා යීබෝට විරුද්ධ පිලේ සෙල්ලම් කරපු කොල්ලෙක් යීබෝගෙන් අහන හැටි ශාන්ටත් චෙන්ටත් ඇහුනා. වම් අත්ලෙන් දකුණු අතේ උරහිස ලඟ අල්ලගෙන ඉදපු යීබෝ ශානුත් චෙනුත් එතනට එද්දී ඒ දිහා බලලා මුකුත් නොකියම බිම බලාගත්තා.

"උබේ කකුල් පන නැද්ද පගෝ... ප්‍රාථමිකේ ළඳරුවෙක් වගේ පිට්ටනිය මැද්දේ ඇදගෙන වැටුනේ..."

යීබෝ ඉන්න තැනට ලං වෙද්දීම චෙන් යීබෝට බනින්න පටන් ගත්තත් ශාන් පරීක්ශාකාරීව යීබෝ දිහා බැලුවා. 

යීබෝගේ දණිස්සක් තුවාල වෙලා සුදු පාට කකුල දිගේ රතු පාට ලේ පාරක් ගලාගෙන ගිහින් තිබුනා. යීබෝ තාමත් දකුණු අතේ උරහිස ලඟ මිරිකගෙන හිටියත්, යීබෝගේ මැලවිලා ගිය මූණ දක්කම යීබෝ දුකින් ඉන්නේ තුවාල උන කකුලවත් උරහිසවත් නිසා නෙමෙයි කියලා ශාන්ට හිතුනා.