انهي إيان توقيع الورق أمامه تزامناً مع إمساك شخص ما لياقة قميصه لينظر بطرف عينيه لذلك الشخص ليجد أنه شقيق خالد
"انت نصاب و حرامي و شكلك مطبخها (متفق مع) مع المحامي الزبالة اللي هناك ده فاحسنلك كده تاخد بعضك و تمشي و تقطع الورق ده بدل ما مش هخجرك من هنا علي رجلك اصلا"
ظل إيان يناظره ببرود و فجأة أمسك بيده الممسكة بياقة قميصه و ثناها خلف ظهره و وجه إليه ضربة عنيفة بقدمه أسقطته علي المكتب خلفه من ثم أمسك بشعره يرفع رأسه إليه قليلاً و يهمس بهدوء مرعب كذلك الهدوء الذي يسبق العاصفة
"قبل ما تتكلم لازم تفكر و تعرف انت بتكلم مين الاول و لولا اخوك الله يرحمه اللي احنا في عزاه صدقني كان زماني طالبلك الاسعاف بنفسي"
انهي إيان كلماته ليعتدل في وقفته و ينفض الغبار عن ثيابه و يهندم ملابسه و بعدها عاد أدراجه إلي مقعد بهدوء ينظر لوجوه باقي أشقاء خالد
"أظن إن كلكم سمعتم الوصية و شفتم اللي حصل أنا هنفذ وصية خالد الله يرحمه واللي مشكك في الوصية يقدر يتفضل و يرفع عليا دعوة قضائية زي ما تحبوا مفهوم؟"
لا رد
"حلو السكوت علامة الرضا برضو حيث كده بقي اتفضل أنا"
أنهي كلماته و اتجه ناحية الباب في محاولة منه للخروج لكن للمرة الثانية أوقفه المحامي
"أستاذ إيان استني"
"خير يا متر في حاجة تاني؟"
"هو في الحقيقة نفس الموضوع الاولاني"
عقد إيان حاجبيه دلالة علي عدم فهمه لمغزي المحامي
"موضوع اولاني ايه؟ انا مش خلصت و مضيت علي الورق خلاص"
"بالفعل و بكده انت الوصي القانوني و ولي أمر مروان"
"طيب يبقي عايز ايه تاني؟"
"مش انا اللي عايز يا فندم بس انت ازاي هتمشي لوحدك؟"
"يعني ايه ازاي همشي لوحدي همشي عا…"
صمت إيان في منتصف كلامه بعد أن أدرك ما يرمي إليه المحامي كيف له أن يخرج و يرحل ببساطة وحده دون إحضار الفتي معه يا له من أخرق كيف نسي أمراً كهذا
"انا نسيت خالص طيب معلش يا متر ممكن تطلع تنده عشان نمشي؟"
"انا بعت المربية بتاعته تروح تجيبه بالفعل و تلم له شنطته يعني المفروض ينزل في أي لحظة دلوقتي"
أومأ إيان برأسه بينما ظل واقفاً مكانه منتظراً مجيء الفتي و تفكيره مشغول بعددة أشياء بالفعل أولها أمر المربية تلك هو لا يستطيع أن يوظف مربية ذلك لأن منزله و منزل أبويه مملوؤين بالأسرار الخاصة بالدولة لذا لا يستطيع ببساطة أن يثق بأي أحد ليبقي في منزله لذا هو سيطردها من عملها مع تعويض مادي لها بالطبع و لكن كيف سيكون الأمر يا تري إن كان الفتي متعلقاً بها؟ هل سيجعله يخسر كل من يحب؟
