#ترجع الحقوق للكاتبه اسراء هيكل
البارت السادس
جريمتي هي حُبِك
الدكتور: استاذ مدحت البقاء لله
ليلى: مدحت مين
فين مصطفى يا دكتور الله يكرمك
الدكتور: لا انا معرفش مين مصطفى بس هو لسه في عمليه جوا
روح: الحمد لله استرها يا رب
~خرج الدكتور من غرفة رهف~
الدكتور: الحمد لله رهف فاقت
سيد: ممكن اشوفها يا دكتور
الدكتور: تقدروا تشوفوها لما تتنقل اوضتها
~خرجت رهف وراحت غرفتها
سيد: حبيبة قلبي حمد لله على سلامتك يا حببتي
رهف: بابا وحشتني هو اي اللي حصل
انا مش فاكره حاجه
سيد: اتخبطي على دماغك
رهف: ايوه صح مين بقا ابن المجنونه اللي عمل كدا اشوفو بس وربنا ما هسكت
ليل: ممكن ادخل يا عم سيد
سيد : اتفضل يا ابني
رهف: مين اللولي بوب دا يا بابا اي الحلاوه دي
سيد: رهف اي انتي اتهبلتي
ليل: هههه شكلك فقتي الحمد لله انا ابن المجنونه
رهف بعدم فهم: دا اسمك ازاي اسمك في البطاقه كدا بجد how
ليل: لا انا اللي خبطتك
رهف : فدااك يا زميلي انت زعلان لي كدا انت تعمل اللي يريحك انت مش شايف نفسك اي المرايه ولا اي
سيد : معلش يا ليل يا ابني بس بنتي مجنونه حبتين
ليل : ولا يهمك يا عم سيد ما اكيد معروفه مش صاحبة روح و عشق
بس قولي انت ابوها ازاي
عمي مصطفى قال انها بنت جارتو
سيد: بص انا طول عمري شغال مع مصطفى
ايدو اليمين وكنت متجوز ام رهف بس حصل مشاكل و اتطلقنا بس كنت عايش عادي لوحدي و رهف و مامتها كانوا عايشين عند مصطفى
لحد ما رهف جالها شغل في القاهره ومنها سافرت برا مصر ف امها راحت معاها وهي دلوقتي رجعت عشان شغلها برضو
ليل: امم
طب يلا نروح نتطمن على عمي مصطفى
سيد : يلا
رهف : عمو مصطفى مالو
سيد: جالو جلطه اي القلب وهو في العمليات بقالو اكتر من ٣ ساعات
رهف بدموع وخوف: عمو مصطفى طلعوني معاكوا
ليل: لا استني انتي لسه تعبانه
رهف: والله لطلع
ليل : طب اصبري اقعدي على الكرسي دا
~كرسي عجل~
رهف: هو انا اتكسحت ولا اي
ليل : يا بنتي بقا اسكتي
~خرجوا عند البنات و ليلى و مروان~
البنات جريوا على رهف : حمد لله على سلامتك يا حببتي خضيتينا
رهف بحزن فشلت تداريه: عمو مصطفى اخبارو اي
ليلى: العمليه خلصت بس لسه الخطر موجود ادعيلو يا بنتي
رهف : إن شاء الله يقوم بالسلامه يا رب إن شاء الله
روح و عشق : يا رب
الدكتور: العمليه خلصت اه بس للاسف استاذ مصطفى دخل في غيبوبه و غالبا اللي بيدخل في غيبوبه سببها القلب اما بيتوفى أو بيقعد بالسنين
كل اللي نقدر عليه دلوقتي إننا ندعيلوا
ليل: انا ممكن انقلو مستشفى برا مصر
الدكتور : مفيش حاجه تتعمل احنا عملنا كل حاجه وعلى فكره احنا عندنا نفس الإمكانيات وعندنا دكاتره كويسه كتير جدا مش ديما برا مصر احسن عموما ربنا يقومو بالسلامه
~بعد شهرين~
ليلى راحت تزور مصطفى : مصطفى فوق بقا بقالك شهرين على الحال دا عشان خاطري
انا مش قادره اعيش وانت مش معايا البيت ملوش طعم تعرف احنا معتش بنقعد ناكل مع بعض زي الاول دلوقتي كل واحد في اوضتو اغلب الوقت حتى البنات معتش بيروحوا الشغل و رهف بقت كويسه الحمد لله بس اخدت اجازه من الشغل فاضل انك تفوقلينا فوق ابوس ايدك احنا ملناش غيرك تعرف احنا من ساعة ما جينا معاك واحنا مروحناش على البيت
بيتنا ولع يا مصطفى كلو راح قاعدين في الشقه القديمه فوقلنا يا مصطفى بالله عليك
~في مكان تاني~
مروان: بابا انت ازاي تعمل كدا بجد
سليم: وانت مالك
مروان: بابا متعصبنيش يعني اي تولع في بيت الراجل اي الجبروت دا
سليم : انت اتجننت ازاي بتقف قدامي و تقولي كدا
مروان : انا وماما رايحين لطنط ليلى النهارده يا بابا سلام
~بالليل~
مروان: ازي حضرتك يا طنط ليلى
ليلى : بخير يا حبيبي الحمد لله اتفضل
مروان : امي معايا
ساميه: ازيك يا حببتي انا ساميه
ليلى: اهلا بيكوا اتفضلوا البيت نور
معلش بقا البيت مش قد المقام
ساميه : اي اللي بتقولي دا والله المكان هنا جميل و بعدين مروان حكالي على اللي حصلكوا
بجد كان الله في عونكوا يا رب
و ربنا يقوم مصطفى بالسلامه هو بقالوا قد اي في الغيبوبة
ليلى بحزن : بقالو شهرين
ساميه : يا الله
مروان : بصي يا طنط ليلى انا عارف انو مش وقتو وانا بعتذر طبعا بس انا عايز نعمل خطوبه تانيه
ليلى: بص يا مروان مصطفى لما عمل الخطوبه دي عملها تعارف برضو مش دبسكوا في بعض
وانت الحمد لله ربنا عفاك و الذاكره رجعت و رجعت لأهلك اي يجبرك على الجوازه دي
مروان : انا بحب روح يا طنط
ليلى: دا من امتا يا ابني
مروان : من اول يوم اشوفها والله وهي سحرتني انا فعلا متيم بيها وبطلب منك نلبس دبل بس دلوقتي ولما عمو مصطفى يقوم بالسلامه نعمل فرح
~وطبعا روح كانت واقفه وسمعت كل الكلام وقلبها مكنش على الأرض كان طاير في السما~
ليلى: نشوف صاحبت الشأن الاول طيب
يا روح يا روح تعالي يا حببتي
روح: نعم يا ماما
مروان بغمزه وهو اصلا شايفها من ساعة ما دخل : اي السرعه دي اللي اعرفو إن اوضتك بعيده عن هنا
ساميه: بس يا رخم سيب عروستي براحتها تعالي يا حببتي اقعدي جنبي
اي القمر دا يا بختك يا عم مروان
روح بكسوف ووشها بقا طمطمايه: تسلمي يا طنط ربنا يخليكي
ساميه: انا هبقا ماما يا روح اي طنط دي
ما تقوللها يا ليلى
ليلى: مروان طالب ايدك يا روح
روح : انا مش موافقه
مروان: ايه لي يا روح
روح بدموع: ازاي هفكر افرح وابويا اللي كان متمني اللحظه دي في المستشفى انا مش هقدر
مروان : روح احنا مش هنعمل اي حاجه بس خطوبه صغيره بينا تكوني ليا وغير كدا انا مش طالب دلوقتي والله
روح: فين ابوك يا مروان حتى باباك رافضني
سيبها دلوقتي تمشي زي ما ربنا كاتب يا مروان
مروان بحزن: حاضر يا روح يلا يا ماما
ساميه: مكنش دا العشم يا روح سلام يا ليلى
~طبعا ليلى مقدرتش تتكلم هي عارفه بنتها حاسه بي اي وقد اي هي متحسره وعارفه أنها بتحب مروان ففضلت السكوت~
~في بيت مروان~
سليم : برضو عملتوا اللي في دماغكوا وعصيتوني ماشي يا مروان والله لربيك
ساميه: اي يا سليم هتقتل ابنك
سليم: لا يختي هربيهولك بدل تربيتك الناقصه دي
ساميه: طب وريني هتعمل اي وديني انا اللي هقتلك لو فكرت تعمل حاجه ل ابني
سليم: طيب هنشوف
~في القاهره~
معتز: طب انا كدا مش هقدر اجي عشان مصطفى مش موجود
ليل: طب ما انا موجود 🙂 يا جدي
هو انا من ضمن الستات يعني
وبعدين انت جدهم انما انا اي
معتز: بس انت مش عايش معاهم انت عايش مع سيد صح
ليل: ايوه طب تعال وهتقعد معانا يلا
معتز : طيب هصفي هنا وهاجي
ليل: هتصفي اي !؟انت مش نازل زياره عادي
معتز: لا مش انا قولتلك اني هصفي الشغل لي القاهره وهنقل اسكندريه
ليل : لا مقولتش يا جدي
معتز : اي دا بجد معلش بقا نسيت
ليل: ماشي يا جدي
~عند سليم~
سليم : تمم بص هو برضو مش اي حد ف خفف يعني
.. تحت امرك
سليم : يلا سلام
~بعد يومين~
عند عشق في الاوضه
عشق: فين الفون دا بيرن بس مش لقياه
اهو اخيرا الو ايوه مين
..حد بيحبك اكتر من نفسو يا عشق
عشق في نفسها : جاسر !؟
.. الو روحتي فين
عشق : مين حضرتك وتعرفني منين برضو
..انا المتيم بيكي يا عشق
عشق : لو مش هتقول مين انا هقفل على فكره
.. حد انتي مش عرفاه اصلا يا عشق بس انا عرفك كويس و بكلمك عشان اقولك انك ليا انا وبس متفكريش تحبي حد غيري يا عشق انتي بتاعتي انا بس مستني عمو مصطفى تمم
تبقي بس تفكري في حد غيري وانا وديني ما هسكن
عشق :انت مجنون بجد اي دا
بعد ما عشق خلصت المكالمه طبعا كانت مرعوبه من اللي حصل ومين الشخص دا
~بعد اسبوع~
عشق : يادي النيله رقم غريب تاني طب مردش ولا اي
لا هرد ولو هو هشتمو
الو ايوه مين
.. طب بتزعقي لي
عشق : اخلص انت مين
.. انا جاسر
عشق بفرحه وصدمه: جاسر مين
جاسر: يعني مش عرفاني
عشق : عايز اي يا جاسر مش انتقمت فيا وطلقتني
جاسر: مش طالب غير إننا نتقابل ممكن هستناكي في ... الساعه ٥م
عشق : سلام
~الساعه٥الاريع~
عشق: انا خارجه يا ليلى رايحه مشوار
ليلى بخضه مش عارفه سببها: لي بلاش تخرجي
خليها وقت تاني
عشق : معلش مشوار لازم اروحو يلا لا اله الا الله
ليلى: محمد رسول الله استرها يا رب قلبي مقبوض
في الشارع
..يا بنت ال مش قولتلك متفكريش في حد غيري وديني لموتهولك الو تجيب الرجاله وتجي وهات عربيه منغير نمر بسرعه
~بعد ربع ساعة~
عشق : حاسب يا جاسر
اااااااه
#يتبع🫶🏻🫶🏻
يمنع منعاً باتاً النقل والا التعرض للمساءلة القانونيه
