الكاتب : يزن ماهر
قصة حقيقة بالحـرف الواحد .
انـا زهراء ولدت عام 1996 في عائلة مليئة في الحب نحنو 4 بنـات الكبيرة ريام مواليدها 1993 وهي خريجة ادلة جنائية وتشتغل في المخابرات في قسم الاجرام بعدها نور مواليدها 1995 وهي خريجة طب اسنان صاحبة افضل مركز تجميل في بغداد اما بعدها اني زهراء خريجة صيدلة ولدي صيدلية خاصة بية بعدها مريم مواليدها 2005 مرحلة اولى طب عام وامي جراحة وابي فريق ركن في الداخلية يعني احنا عائلة مُتمكنة علمياً ومادياً .... في يوم من الايام في سن 15 عشر من عمري كانت هناك احداث مؤلمة في بلدي وقتل الكثير من الابرياء حتى اصبحت اليتامى عدد يفوق الخيال وارى ان اعداد الايتام والارامل كثير في تلك الليل عاهدت نفسي ان اكون كافلة لتلك الايتام والارامل فـ انا اسمي زهراء يجب ان اعطي حق هذا الاسم ....
مرت السنين وصرت سادس بديت في الدراسة واجتهدت وتعبت وسهرت كدرت احصل معدل 98 نقبلت طب بغداد لكن ماجان حلمي هالشي حولت على الصيدلة ... داومت مرحلة اولى بكل حماس ونشاط لأجل الشيء الي راسماتة في بالي وهذا اني عمري هنا 18 سنة مره شهر على دوام الجامعة تقريباً اعترف لي شخص بحبه لكن رفضت لهذا الشي لان اني هنا لاجل شي واحد وهو الدراسة .... خل احجيلكم شكلي شوية ومواصفاتي اني طولي 160 تقريباً صاحبة وجه ابيض كالقطن واسعة العين زرقاء اللون كـل شخص يشوفنـي اسمع هاي الجملـة منه (( اذا انتِ هيج لعد حور العين شلون )) ....
اني شاطرة حيل ادرس واتعب طلعت الاولى على القسم في المرحلة الاولى فـي المرحلة الثانية شافنـي واحد طولة 192 ابيض احمراني العيون مكحلة الجسم معضل عيونه سود فحم اسمة علي هو مو بالجامعة هو متخرج طب عام ودارس اختصاص ببريطانيا وجاي للجامعة حتى يعادل الشهادة مالته او يجي يصير دكتور في الجامعة هو اسمة علي فا ضل يلحكني راد يندل بيتنا ماكدر راد يوصل لشي خاص بية ماكدر مو اني رافضة لا بس مدايحصل شي وضل يحاول يوصلني الى ان مره شاف صديقتي زينب تمشي وياي وانتظرني اروح وحاجاها
علـي : مرحبا
زينب : تفضل
علي : هاي البنية الي جانت وياج شسمها ؟
زينب : قصدك زهراء ؟؟
علي : ماعرف بس هاي ام عيون الزرك
زينب : اي زهراء شبيها ؟
علي : هي مرتبطة او مزوجة ؟
زينب : لا مامرتبطة ولامزوجة ... ليش ؟؟!!
علي : لا بس ممكن تنطيني رقمها اريد احاجيها
زينب : بخصوص شنو ؟؟
علي : اني اريد البنية زواج على سنة الله ورسوله وتعبت لحد ماحصلت شي يوصلها
زينب : ماكدر انطيك رقمها اله احاجيها واشوفها
علي : تمام انطيني رقمج انتي علمود ما اتيهج وما الكاج بعد
زينب : تمام سجلة
اجة ثاني يوم والتقيت اني وزينب وفتحت وياي الموضوع وكالتلي اكو واحد يحبني ورايدني وضال يدور علىية وانو هو شون تعبت وحاول يريد شي يوصله الها وهو يريدني على سنة الله ورسوله الصراحة اني جذبني هالشخص حسيت بشعور ماعرف شنوه فا كتلها
زهراء : يي شنو الي راده منج
زينب : راد رقمج حتى يتواصل وياج
زهراء : لا لتنطي رقمي كليله خل يجي باجر بالعشرة بالسنتر مال جامعة
زينب : تمام
اتصلت زينب بعلي كدامي
زينب : الو مرحبا علي
علي : اهلاً اختي ... بشري شكلتلج زهراء
زينب وزهراء : يضحكن
زينب : زهراء تسمع صوتك تكولي لاتنطي رقمي بس خل يجي باجر للسنتر مال جامعة
علي : من عيوني باجر جاي ( حجة هالجملة بلهفة وفرح )
اجة باجر وزهراء راحت للسنتر مال جامعة هي وزينب وانتظروا علي يجي فـ اجة علي وشايل باقة ورد بيدة تجنن الباقة اجة علي كعد على الكرسي
علي : السلام عليكم
زهراء وزينب : وعليكم السلام تفضل
زينب : اني اروح وانتو اخذوا راحتكم
كامت زينب والتقينا اني وعلي وطلبنا عصير برتقال
علي : شلونج شخبارج
زهراء : انـي زينه انتَ شلونك
علي : صرت زين بشوفتج
زهراء : ابتسمت ابتسامة خفيفة... كتلة سمعت كالب الدنيا علية رايد رقمي ورايد توصلني بلكوه محصلني
علي : والله تعبت يلة كدرت اوصلج ... زهراء اني من اول نظره حبيتج واني مستعد باجر اتقدملج ورايدج على سنة الله ورسولة واني اول مرة انجذب لبنية بهاي الدرجة صرت افكر بيج بكل وقت وجان عندي امل التقي بيج ...
زهراء : ماعرف شكلك .. بس اني ممفكرة بالزواج هسة عندي هواي امور اريد اسويها
علي : عادي نسويها سوه اني اسندج
زهراء : لا هالشي اريدة الي بنفسي اسوي اني
علي : اممممم زين شنو هسة
زهراء : انتَ مستعد تنتظرني وتضحي علمودي ؟
علي : يي طبعاً ... بس اريد اعرف سبب الانتظار شنوه يعني شنو هي الشغلة
زهراء : باوع اني اريد اكفل الايتام والفقراء واريد اخليهم بيت وحد خاص بيهم واني اتكفل بكل مصاريفهم
علي : مستعد انتظرج العمر كلة
زهراء : تمام لعد هذا رقمي اخذة ونضل على تواصل دائماً
علي : تمام عمري
زهراء : زين ممكن تحجيلي عن حياتك
علي : يي ليش لا اني علي من بغداد الاميرات مواليدي 1986 خريج طب عام بورد بريطاني ومستقر باريطانيا بس اني اجي للعراق وعساس اكمل هنا اصير دكتور بالجامعة بس ماقبلوا فا حضل على شغلي هناك
زهراء : اهاا ... زين شوكت تروح لبريطانيا ؟
علي : بعد شهر
زهراء : زين شوكت ترجع ؟
علي : من تكليلي تعال اخطبني
زهراء : هااا تمام
صار حديث بيناتنا وانتهى وكلمن راح لبيتهم وضلينا على تواصل دائماً اجة مرت الايام واجت الايام صرت مرحلة رابعة جامعة كدرت اتوظف بصيدلية براتب 800 الف كمت اشتغل وادرس في سبيل الايتام الي اريد اساعدهم وهاي الفترة كلها على تواصل مع علي صار الي سند الي امشي وما التفت ادري بي هو وراية ماخايفة من كلشي رغم علاقتنا فقط مراسلة ومكالمات اجة اليوم الي تخرجت بي وجنت لامة مبلغ مالي لأجل الصيدلية ردت افتح صيدلية ماكدرت فلوسي ماكفن اداينت من اختي ومن سمع علي بية حول الي مبلغ كلش جبير من الفلوس حوالي 35 مليون هنا تأكدت هو هذا الرجال الصح .
اشتغلت الصيدلية وصار عندي وارد كلش قوي كدرت ارجع المبلغ لاختي الي هو تقريباً 10 ملايين وكدرت ارجع 35 مليون لعلي وكدرت الم مبلغ 95 مليون خلال 5 سنوات ....
اجة اليوم الي اكتمل مبلغ 100 مليون عندي واجة اليوم الي احقق حلمي الي جنت احلم بي من 12 سنة بديت بالعمل وهالشي جان كلة توثيق ويا حبيب روحي علي
أجرت بيت ودفعت إيجار 5 سنوات ليكدام وكدرت اسحب خط مولد ونطيت مال 5 سنوات ليكدام وابو المولد كلي عمو ليش دفعتي مال 5 سنوات كتلة علمودهم خطيه ايتام وارامل راح يكعدون هنا جان كال هاي الفلوس الي نطيتيها الي مال مدى الحياه كهرباء الهم مجاناً ...
متت من الفرح اني نزلت بست ايدة كلي الله يحفظج عمو ويقدرج على فعل الخير
بعدها كملت اثاث البيت وجبت 5 ثلاجات و5 طباخات و5 غسالات وغرف نوم والاستقبال فرشته وعلى اتم وجه سويته والاطفال حطيتلهم العاب بالحديقة وزحليكانا وكلشي يونسهم كملت البيت خلال 6 اشهر بدون علم اي احد من اهلي غير فقط اختي نور جنت ارجع للبيت متربة وملابسي مخربطة وكلي تراب جانوا يسئلوني شنو هاي التراب كتلهم مره نظفت الصيدلية مره دانظف الادوية
حسيت محد صدك بس ماحجيت شي عفتهم ..... كل فتره جان يجيني خطابة وارفض دائماً بحيث كعد وياي بابا عصبي كلي
بابا : السبب الي يخليج متزوجين شنو خواتج كلهن نخطبن وراح يزوجن
زهراء : بابا مو جاهزة اني
بابا : بشنو موجاهزة
زهراء : بابا ماريد وعيوني غركانة دموع
بابا : احجيلي اكو احد وياج خايفة من شي
هنا بابا شك بشرفي وشك انو داسوي علاقات
زهراء : لا بابا ماعندي شي ماريد ازوج هسة بعدني
عفتة وكمت صار عصبي بابا وضاج اني مالي علاقة بكلشي عندي هدف بالي ولازم احققة ....
كملت اثاث البيت ورحت للانبار للمخيمات جبت الايتام والارامل بكوستر وخليتهم بالبيت اخذت النسوان للدكتور وجبتلهم علاج من صيدليتي والاطفال سويتلهم تحاليل وفيتامينات جبتلهم خلصنا كلشي
اخذت اشتريتلهم ملابس وحظرت كلشي الهم .....
سويتلهم كلشي ودائماً اروحلهم بطريقي دارجع منهم لكيت رجال جبير بالشارع جان شفته يبيع مي ويجدي جان نزلت اخذت منه بطل مي وسولفت ويا حجالي حالته ... حيل صعبة جانت صعدته بالسيارة ورحنا لبيتهم جان بمنطقة الحسينية لكيت مرته تبيع خبز وبيتهم تعبان وكلت لازم اساعدهم كدرت اشتري سوبر ماركت اله وكلشي جهزته كلي لازم اوفي دينه كتلة وفي الي بالدعاء بس ...
افتريت بمنطقة الحسينية لكيت حالاتهم تعبانه وبيوتهم فد مره ماعرف شسوي بس كدرت اوزع على كل بيت هناك 4 كيلوات لحم وانطيت ظرف بي 50 الف اللحم والـفلوس تداينت من علي وسويت هالشي .... كل هـاي وصرفت 120 مليون هالشي سويته لله بـس مو لبشر ولا لأي احد فقط لرب العالمين ....
اول مارجعت للبيت نمت وكعدت الصبح بكل نشاطي رحت للصيدلية فتحتها وتصلت بـ علي
زهراء : هلاو علي شلونك
علي : هلا حياتي بخير انتي شلونج
زهراء : اني زينة .... اكلك علاوي
علي : كولي حبيبي
زهراء : انتَ بعدك تريدني ... يعني هم الك نية تزوجني
علي : شلون لعد عمريي منتظرج اني
زهراء : علي اني جاهزة اذا تريد تخطبني تكدر تجي انتَ واهلك
علي : صدككككك والله كللللللللللللللووووووووششش
واخيراً راح انجمع بحب حياتي بعد 8 سنوات هسة اروح افيز واحجز والشهر الخ يمكم
زهراء : ههههه تمام قلبي
مرت الايام واجتي الايام اجة واحد من اهلة انطة خبر انو جاين خطابة على زهراء فا كلولي الي اني كتلهم اريد رؤية شرعية كالو خل يجون الجمعة
بابا كلي هم راح ترفضين موو اعرف بسوالفج
زهراء : جوز يعجبني بابا
بابا : تمام نشوف
اجة يوم الجمعة الصبح كعدنا دانتريك كالو النة نجيكم ساعة 7 المغرب كلنالهم هلابيكم ....
احنا وعلى الريوك بابا فتح موضوع ويانا
بابا : بناتي شكد عدجن فلوس ولامات علمود اذا لامات اكثر من 50 مليون كل وحدة افتح الها حساب بالبنك
ريام : عندي 58 مليون
نور : عندي 70 مليون
بابا : تمام بناتي الاحد نروح نفتح حساب الجن ... وانتي بابا زهراء شكد عندج
زهراء : ماعندي ولاربع
بابا وريام ومريم وماما : ولاربع !!!!!!!!!!
بابا : وين فلوسج لعد انتي اقل شي هسة عندج 75 مليون !!!
وين فلوسج بابا
زهراء : ماعندي
بابا : احجييييييي لتخلينيييي اصير اعصاب اكو احد مهددج وماخذ فلوسج ؟؟؟
زهراء : لا بابا ماعندي هيج سوالف اني
بابا : لعد وين فلوووووووووسججج ؟؟؟؟؟؟!!!!
زهراء : بابا فلوسي للايتام راحت سويت ........
حجيتلة كل الي سويتة وشرحته الة بس ماصدك
بابا : اوك ودينا للمكان
شغلنا السيارة ورحنا كل البيت شافوني وشون رحبوا ببابا وماما وكل عائلتي بابا بجة وباسني من راسي ورفع ايده دعالي هو وماما ورحنا وديتهم للحسينية شافوا العالم من يكولولي الله يوفقج دكتورة الله يطول بعمرج بابا دموعة ماوكفت هو وماما وهواي باسني وضل يدعيلي ..... رجعنا بالسيارة وبطريقنا للبيت صار حديث بيني وبين بابا
زهراء : بابا تعرف من جنت تلح علية على الزواج
بابا : يي
زهراء : لهذا السبب اني جنت رافضة الزواجة لأجل هالشي اسوي يلة ازوج واني هسة اكدر اكلك مستعدة للزواج بس للشخص الي يستاهلني
بابا : بارك الله بيج اليوم اكو واحد راح يجيج اسمه علي
زهراء : يي بابا هو هذا الشخص الي يستاهلني
صارت هنا لحظة صمت
بابا : شنو تعرفين هذا الولد
زهراء : بابا هو هذا الي داعمني خلال 8 سنوات وسندني هو هذا الي راح يوكفلي بكلشي وماخاف بيوم
بابا : الله كريم
حسيت بابا ضاج لان ماعنده شي اسمة علاقة
وصلنا للبيت ....
عدلت الاستقبال حضرت العصير وبدلت وكملت اجوي العالم
قدمت الهم العصير وسولفنا وياهم
حجو بالموضوع جان بابا كال الهم البنية ماعدها مشكلة وموافقة
اهل علي كالو يالله كل الخير ان شاء الله شكد الحاضر والغايب ؟
بابا : الحاضر 75 مليون والغايب 100 مليون علي تكدر على هالشي
علي : عمو شكد وزنك
بابا : 85
علي : خالة شكد وزنج
ماما : 70
علي : زهراء شكد وزنج
زهراء : 60
علي : عمو اجمع هاي الارقام الي نذكرت وسجلة حاضر الها والغايب شكد متريد ... مو انتقاصاً منكم بس اني شاريها ورايدها دوم مو يوم
بابا : لعد لا هذا ولاهذا الحاضر والغايب على اللسان زهراء .... بنتي شكد تردين نخلي
زهراء : بابا الحاضر خلي الي همة يردوا بس الغايب اريدة قرآن الغلاف مالتة ذهب والكلمات المكتوبة بي هم ذهب
الكل هنا دخل لحظة صمت
علي : باوع على اهلة واهلي كال اشكر الله على هالنعمة الي اجتني
تمت الخطبة اجوي شيوخ وعالم كومة وتمت الخطبة بنجاح وكمنا دائماً نزور الدار ....
راح نكمل القصة باللسان مريم اخت زهراء .
بعد فترة والي هي 3 اشهر من خطوبة علي وزهراء جانت زهراء بالبيت الي موجود بي الايتام جان هناك احد مريض راحت توديلة دواء وهـي راجعة من البيت خابرتها كتلها تعالي تعشي جان تكولي تمام بس اجيبلكم مسواك حالياً اني على سريع محمد القاسم ما اسمع اله فجأه صار صوت عالي والصوت هو صار حادث ويا زهراء فاتت بعامود كهرباء ومن قوه الضربة فات الستيرن بضلع زهراء ونكـسر ضلعها صار عد زهراء نزيف داخلي ... خابرت بابا كبل اخذ دورياته وراح للمكان الي صار بي الحادث نقلوها للمستشفى اجانة علي ملهوث منتهي وبعد 4 ساعات طلع النة الدكتور
كال الباقية بحياتكم الله يصبركم
نور : دقيقة دقيقة شنوو هالحجي اختيي وين
الدكتور : سوينا الي علينة
ماعرف اوصف ذاك الموقف العياط كمنا نهلس بشعرنا كمنا نبجييييييييي ونكمززززز طلعوها لزهراء احنا بس نصيح ونعييييطططط
علي وكفهم يحجي وياها يكول زوزة كومي لتعوفينيييي زوزة منوو الي بعد زوزوة دمرتينييييييييي زوزة كسرتيييييي ظهريييييييي كوميييييي
سوينا الاجراءات ورحنـا للدفنـا غسلناها ووجه زهراء كلة ضوء
جفنوها وراحنا داندفنها جان علي كال عوفني احاجيها شوية من بعيد كال الها حبيبتي اني اعرف تسمعينيي كومي والله هديتي حيليييي
كوميلي ياروحيييي ندار على طريق الامام علي عليه السلام جان كال دخيلك ياعلييي صارن علية هوااااي وحيل ماضل عندي خليت زهراء يمك حبي الها جان مثل حبك للزهراء ديربالك عليها ويبجيييي ...
امـي جانت تبجيييي وتصيح ولج كومييي ولج اني امج ولج لازم اني اموووت مو انتي
اختي نور : تصيح ياصديقةةةة عمرييييي ياعزيزة كلبيييييي ولج كوميييي
اختي ريام : زهورة حبيبتي الايتام منو الهم زهورة ولججج النسوان يريدنج شون اكول الهن ماتت ولج كوميلي كومييييي كوميييييي
كملنا الدفنة ورجعنا للبيت والبيت هوسة جان العالم والناس اجني النسوان الي متكفله بيهن يصيحن وينطن كولات
ام اثير تكول : عليج اليوم يابيرغ معلكينا ياحلوه والغسلة تعجبت بيها
خواتي وامي واني ملخنا نفسنا انتهينا راحت من ايدنا شمعة بيتنا حلوة بيتنا راحت ...
علي ابد مانزل علي لمدة 3 ايام بغرفة زهراء يشم بملابسها المشط بي شعرها فاتح الشعر يصفط بي علي تخبل صار مخبل كسر جام الغرفة ويصيح لحد ما قررنا ناخذة لطبيب فـ اكتشفنا انو احنا واهلة علي فاقد عقلة ولازم يدخل مصح نفسي ... تأذينا علية وتعبنا وودينا للمصح بابا ونور واهلة
خلو يمهم جانت نور دائماً تروحلة يكللها زهراء وينها شو عايفتني وره نص ساعة يحضن نور يكول الها ها زهراء وينج قبل شوية جانت نور هنا يعني علي راح انتهى عافتة نور ورجعت كلتله حروح بعدين اجيك كللها لتتأخرين انتظرج اني ... بعد 3 ايام علي شارد من المصح جان بلغ بابا كل السيطرات وبلغ كل الموجودين ببغداد ومخارج بغداد ما لكينـا جان الدفان خابر ابوية ساعة 4 الفجر
الدفان : السلام عليكم
بابا : عليكم السلام تفضل
الدفان : حجي اكو ولد اشكراني نايم فوك قبر بنتك
بابا : كلة رحمة الله والديك عينك علية هسة جايين
رحنا اني وبابا ونور
وصلنا للمقبرة
نور : علي علي علي يلة حبيبي كوم لتسوي هيج بنفسك
علي ميجاوب
بابا : عمو علاوي كوم زهراء ماتريدك هيج
علي ميجاوب
تقربت نور علية لزمتة علي وكع من القبر
هنا الصدمةة !!!!!!!!
علي مات فوك قبر زهراء علي توفة بعد 14 يوم من وفاه زهراء علي راح يم زهراء توفى علي هنـا خسرنـا زهراء وراح علي الها
اهل علي تخبلو بس هالولد عدهـم وراح منهم
علي ندفن يم زهراء
علي ارتاح وهذا الي جان يريدة
علي مات من حبـة لزهراء وتوفى
لهنا وتنتهي القصة ....
ذبلت الزهرة ومات علي حباً بها ونسئل الله ان يرزقهم الفردوس الاعلى
