Nate,
අපි ලයිට් ගියහම මොකද කරන්නේ, ඉටිපන්දමක් පත්තු කරනවා එහෙම නේද Nate. ඒකෙන් අපිට එළියත් ලැබෙනවා. ඒනිසා අපි සතුටුත් වෙනවා.
ඒත් Nate, නොහිතපු තැනක් තියෙනවා.
අපිට එලිය ගන්න හිතාගෙන ගිනි තියපු ඉටිපන්දම ගැන අපි හිතුවද Nate? අපේ අරමුණු වෙනුවෙන් එයා උණු වෙලා වැගිරෙනවා. එහෙම වෙනවා දැක දැකත් අපි මොකද කලේ Nate? මුතුත්ම නෑ. මොකද අපිට අහිංසක ඉටිපන්දමට වඩා අපේ අරමුණ ලොකු උනා.
මමත් හරියට ඉටිපන්දමක් වගේ Nate. මගේ හීන අතෑරලා වෙනත් අයගේ හීන වෙනුවෙන් මට වෙහෙසෙන්න වෙලා. ඒත් කාටවත් මං ගැන පොඩිම හරි අනුකම්පාවක් නෑ Nate. එයාලට ඉටුකරගන්න බැරි උන දේවල් මගෙන් ඉටු වෙනවා බලන එකයි එයාලගේ එකම අරමුණ. මම එයාලගෙන් ඇහුවා Nate.
"ඇයි ඔයාලා මට මෙහෙම කරන්නේ?"
එයාලා හරි අසාධාරණ උත්තරයක් දුන්නා Nate.
"උඹේම හොඳටයි අපි මේවා කරන්නෙ ඒක තේරුම් ගනින්"
ඒ පාරෙ ගියොත් මම සාර්ථක වෙයි, ඒක මම දන්නවා. ඒත් මට මගේ හිනාව අමතක වෙයි Nate.
මට කවදා වෙනකන් මගේ හීන වලදාලා වෙන අයගේ හීන වෙනුවෙන් වෙහෙසෙන්න වෙයිද Nate?
සමහර විට ඔක්කොම ඉටි ටික දියවෙලා යනකන් ඉටිපන්දමට දැවෙන්න වෙයි Nate.
නිකන්ම නිකන්,
Clyde
YOU ARE READING
From Clyde to Nate
Poetryසිසිරයේ අතරමං උන හදවතකින්, දෙවියන් දුන් මිතුරෙකු වෙත.... Letters from Clyde to Nate ♡