عائلة زايد
زايد: هو شديد عكس زوجته بدريه متعصب جدا ويهتم في تراثه و حلاله وعزبته واهم شي عنده قبيلته مايحب يطلع بنتها الا في الحالات ضروريه يحب متعب لان يشبهه مره وذا قال كلمه تمشي على الكل
اخوان زايد مشعل- عايض- عويض
مشعل: اكبر واحد مو مثل زايد متسلط ولا هو عصبي متفهم جدا وخلوق وطيب زوجته عايضه ولده فيصل
عايضه: كمان حنونه وخلوقه ولا تشيل فخاطرها شي واهم شي عندها ولدها
عايض: الابن الثاني خلوق جدا حاله حال نفسه زوجته ورده ولده سعود كانوا عندهم بنت لكن توفت
ورده: حنونه جدا لكن اثر عليها موت بنتها ( ديم) ومتمسكه ف ولدها سعود
عويض: شخص حنون جدا جدا جدا وخلوق ومطوع ف مسجد زوجته مرزوقه ولده مطلق
مرزوقه: حنونه جدا لكنها تمرض كثير
الجد زايد متزوج بدريه ومطلق صينيه وعندها ولد كبير فهد
فهد: حاله حال نفسه ويحب زوجته عمره ٤٥ زوجته شروق جابت ولد وبنت
سيف- دلال
شروق : متحب عايله ال زايد تكرهم وحقوده
دلال: مثل امها تكرهه عماتها و اعمامها لكن تحب متعب وتعشقه
سيف: يحب اعمامه عكس اخته لكن يكرهه متعب و مصعب ويحب ميلان
بدريه : حنونه عكس زوجها زايد طيبه جدا وحنونه مع عيالها وعيال عيالها جابت منه ٣ بنات و ٣عيال
الاكبر عبدالله- عبدالعزيز- عزيز - تهاني - الهنوف -مشاعل
عبدالله : الابن الاكبر اخذ حنيه امه طيب واشوي متعصب متزوج عمره٤٣ زوجته اشواق وعنده ولد واحد متعب
اشواق: طيبه وعسوله ومحترمه حالها حال نفسها ماتشيل في قلبها ابدا
عبدالعزيز: الابن الثاني يختلف عن عبدالله كثيرر بالاخلاق والاطباع ومتفتح جدا ويحب بنته وحيدته عمره٤٠ متزوج مها وعنده بنت واحده ميلان
مها : عسوله وطيبه لكن ماتحب ديرتها مثل بنتها تماما
عزيز: الابن الثالث متوفي وعنده زوجه صالحه معها ولد واحد بس مصعب
تهاني: تحب ديرتها متزوجة وتعيش ف الشمال (تبوك ) وعمرها ٣٣ عندها بنت ولد توام وحامل
ديم وعزيز
زوجها (نواف)
الديره
الجد زايد : يا عبدالله تراني ارسلت لعيالي وبنتي يجوني ف الاجازه ابي اسوي عزيمه كبيره وعزمت اصحابي كمان بيجون با عيالهم
عبدالله: تمام يا ابوي الحين ارسل متعب يشوف لنا ناقه ولا تبي غنمه؟
الجد زايد: لا لا نبي ناقه لانها كبيره
عبدالله تمام بقول لمتعب يشوف لنا من النياق الي عندنا
الجده بدريه: وهي جايه بالفطور نياق وشو يا عبدالله؟
عبدالله: ابوي بيسوي عزيمه كبيره ف الاجازه و بيجون اخواني
الجده بدريه: والله اشتقت لعيالي الله يصلحهم مايجونا كثير وبذات عبدالعزيز
جات مشاعل و متعب معها مشاعل: يوهه اغسلوا يدكم من عبدالعزيز لان يمكن ما يجي ميلان ماراح تخليهم تتقرف من الديره
متعب ناظرها وقال: مو على كيفها ذي تتحكم باعمي شايفه نفسها على وشو
الجد زايد: وليه ان شاء الله ما يجي انا كلمته يجي هو و عياله يلا تعالوا اجلسوا افطروا
——————————————————————————
الرياض
ميلان: طلعت من الحمام بعد ما اخذت دوش سريع فتحت جوالها شافت رسالة من ايلين (بنت خالتها ) بنات شرايكم نطلع نروح الماليه؟ ردت عليها ميلان: تمام نروح اشوي بفطر شويات وانا عندكم قفلت الجوال
عبدالعزيز: فاطمه ابوي ارسل لي انه نجي ف الاجازه
فاطمه: تمام بس ميلان يمكن ما تجي معنا لان تعرف ماتحب الديره
عبدالعزيز: ماعليك بكلمها ابوي يبينا كلنا لازم نروح له وانا اشتقت اشوفهم
فاطمه: تمام انا بكلم ميلان
عبدالعزيز: انا طالع بروح الشركة
فاطمه: تمام الله يفتح لك
ميلان: مامي بروح اشوف صحباتي وبتاخر اشوي
فاطمه: تمام يا امي روحي بس انتبهي ف طريقك
ميلان: اذا تبين شي ارسلي لي
فاطمه:تمام
————————————————————————
الديره
الجد زايد: يلا يا عيال هيا المحل
عبدالله: يلا هيا
متعب: بروح اشوف النياق
مصعب : بروح معك
الجد زايد: بعدين تعالو
متعب: ان شاء الله
الجده بدريه: مشاعل يلا قومي رتبي البيت انتي والهنوف
مشاعل: ليه؟
الهنوف: يبا دق على عبدالعزيز وتهاني بيجونا
مشاعل: امااا
الهنوف: اي
اشواق: يالله منزمان عن مها وتهاني
مشاعل: ايي والله وبذات الكلبه ميلان
الهنوف: يوهه اشتقت لديم وعزيز اهخ
الجده بدريه: لهم فقده والله يلا رتبوا
مشاعل: يلاا هيا
————————————————————————-
ميلان: يوهه الحين مافي موقف سيارات اوف ياربي
ايلين: كانها تاخرت ميلان بدق عليها وينها
ميلان: هلا ايلين
ايلين: يماما وين وصلتي طولتي
ميلان: جالسه ادو... خلاصص واخير لقيت موقف
ايلين : يلا تعالي حنا عند ستاربكس جوا تعالي
ميلان: تمام جايه
العنود: وينها
ايلين : خلاص جايه بس كانت تدرو موقف سيارات
ميلان: هلاا والله بنات جلست معهم ويسولفون
ميلان: اوف بنات طفشت وحنا جالسين هيا نطلع نتمشى الجو حلو مراا
العنود: اي والله يجنن هياا قوموا
————————————————————————
الديره
مشاعل: وربي اشتقت لميلان الكلبه
هنوف: اي والله اشتقنا لها يارب انها تجي مع اخوي لو ماجات بموت
مشاعل: نرسل عليها تجي شرايك؟
هنوف: قددممم
مشاعل: ميلان تعالي مع اخوي و امك تكفين اشتقت لك يا كلبه وربي لو ما تجي نزعل منك انا و الهنوف والبنات سامعه!
هنوف: برسل للبنات انهم بيجون عندنا ف الاجازة
مشاعل : لا نخليها مفاجاة عاد يارب ما تخربها ميلان
—————————————————————————
عند العيال
متعب: وهو عند النياق يا مصعب تعال ابيك تعلف معي النياق
مصعب: طيب حاي جاي شفيك معصب انت
متعب: لا والله ماني معصب بس تعال لا تكثر معي سوالف لان مصدع
مصعب: خذ حليب الناقه يروح الصداع
متعب: ايه ايه باخذ وراي اشغال كثيره الله يعين
مصعب : ليه شعندكم؟
متعب : بتجي عمتي و عمي عبدالعزيز و عمي فهد
مصعب: يوه عمي فهد منزمان عنه وعياله كريهين محد يبيهم
متعب: شنسوي زايد (متعب مايقول جدي )يقول كذا يلا قم قم ورانا اشغال قد شعر راسك
مصعب: انا اصلع
متعب: اعطاه نظره وراح
———————————————————————
ميلان: يلا بنات برجع البيت عند مامي
ايلين:يلا انقلعي ياضفعه
العنود:ههههههههههه
ميلان: انقلعوا انتم
العنود:ايي صح بنات ماما تقولي بنروح الديره عند اعمامك يازقا جدك عزمنا
ايلين: اييههه ماما تقولي كذا اوف مابي اروح
ميلان: كذابيين متى جدي قال كذا ماما ماقلت لي ولا بابا!! اوفف ياربي مابيي اروح يع هنام ريحه نياق اوف يعع مراا
العنود: ايهه يععع ريحه نياق متحمل القرف ذا اوف
ايلين : ياليل شنسوي طيب نجلس مع بعض !ف بيتنا وهم يروحون
ميلان: اي والله لازم اكلم ماما مابي اروح هناك قرف مراا
ميلان وصلت البيت: ماماا وينك
مها: تعالي يابنتي ف الصاله
ميلان: ماما مابي اروح الديره
مها: كيف دريتييي!
ميلان: ماعليك كيف دريت بس مابي اروح يع هناك ريحه نياق متحمل القرف ذا
مها: يماما لازم نروح هناك ولا جدك يزعل عليك مطولين لنا ٧سنوات مارحتي عندهم عيب ابوك راح يزعل منك
ميلان: اوف اوف اوف مابي طيب متى نروح عندهم؟
مها: بعد بكرا
ميلان: فالاجازة؟
مها: ايه
ميلان اوف يعع كمان ف الاجازه صح اني اشتقت لجدتي و جدي و عماتي واعمامي بس متعب مرا يغثني شايف نفسه
مها: عيب يماما لا تقولي كذا ماراح نطول نجلس يومين ونرجع
ميلان: طيب
طلعت الغرفه فتحت جوالها بقيت اشعار من مشاعل ابتسمت يوم قرت الكلام
ميلان: منيعونيي عشانك بس جايتك
ردت عليها مشاعل :ياشيخه جعلس التوفيق قولي امين
ميلان: اميييينننن
ضحكتت وقفلت الجوال وراحت ترتب شنطتها ونامت
————————————————————————
الديره
متعب: مصعب جيعان؟
مصعب : اي والله اني جيعان
متعب: بروح اقولهم يسووا لنا
وهو ماشي بيروح المطبخ سمع ابوه و جده ف مجلس الرياجيل
الجد زايد: اسمع يا عبدالله ابيك تخطب متعب لبنت اخوك عبدالعزيز
عبدالله: لي الشرف لكن بكلم متعب
الجد زايد: انا قلت كلمه يعني خلاص اذا جاء تكلمه وخلاص
عبدالله: ابشر ابشر
متعب الي عصب وراح عند مصعب يقول مو على كيفهم يزوجني وانا مو راضي ولا ينشدوني ( يسالوني ) ويبوني اتزوج ذيك الدلوعه تخسيي وتعقب
مصعب: شفيك انت وش تقول تتزوج مين؟
متعب: يبوني اتزوج ميلان بنت عمي عبدالعزيز
مصعب : احلففف !!!!!
متعب: اكذبب عليك انااا
مصعب: جدي اذا قال كلمه تمشي غصبن عليك
متعب: انطم انت الثاني انا مابيها
مصعب : طيب خذ نفس واجلس خلي عمي يجي يتفاهم معك
متعب: يالليلللللل مااابيهاا افهمم انتت
دخلت اشواق: شفيك شفيك يا متعب ليه تصارخ كذا!!!
متعب : امي مافي شي انا خارج برا
اشواق: انتظرررر
مصعب : ياخاله ( ام مصعب تكون اخت ام متعب) اتركيه خليها يروح
اشواق: وش فيه وش صار ليه يصارخ عليك كذا لا يكون متهاوشين ؟
مصعب ضحك: لا ياخاله وشو حنا بزارين نتهاوش عمي بيقولك وش صار
اشواق : تمام روح شوفه
مصعب : لو بروح يمكن يذبحني ويطبخني مثل بدال الناقه
اشواق : ضحكت الله يصلحك
جات مشاعل: شسالفه ليه ذا الصارخ؟ وش فيه متعب
مصعب : لا تدخلين يا عمتي الحلوه
مشاعل : اقول انطم بس
مصعب: ابشري
مشاعل: ونااسهه بتجي ميلان
مصعب: ليه كل ذي الفرحه
مشاعل: مالك دخل
مصعب : اجل انقلعي عشان ما اصفقك
مشاعل:وه وه شوفوا مين يتكلم
مصعب: بنت روحي سوي لي اكل جوعان
مشاعل: وشتبي ياولد اخويي انتتت
مصعب : ابيك
مشاعل : طيب نطت ف حظنه وهي تضحك
مصعب : بسم الله صدقت ذي بعدي بس
مشاعل: طيب وش تبي سريع ولا اقول بسوي لك على مزاجي
مصعب : الي ودك فيه
————————
عند متعب : وهو يولع الدخان وجالس جنب النار وهو يتذكر ايام زمان
فلاش باك( متعب: يالدلوعه امسكي اغراضك الي جبتها لك
ميلان: لا مابي ابي اروح انا اجيب لنفسي مو انت يا المتوحش
متعب: ماعندنا بنات يروحون البقاله امسكي ولا ترا اعطيها الناقه كان يقولها كذا عشان هي تكرهه الناقه ولا تحبها
ميلان: لا هاتي اغراضي لا تعطيها ام الكرش
متعب: ضحك ام الكرش هههههههههه
ميلان: ام الكرش لان عندها كرششهه كبيرهه
متعب: روحي عند امك سريع
ميلان: مابروح بجلس هنا
متعب : ذا مجلس الرياجيل انت بنت انقلعي عند الحريم
ميلان: مابروح وهي تتربع وتاكل الحلاوه انننن مابقوم وش بتسوي يالمتوحش متعب: ترا بضربك
ميلان: تعال اضربي عشان اعلم بابا
متعب: دلوعه البابا
ميلان: وانت المتوحش يلا انقلع ) نرجع للحاضر)
وهو يضحك يوم تناديه المتوحش وسمع صوت مصعب وهو يناديه
مصعب: يامتعب تعال العشى جهز
متعب: يلا انا مقبل عليك
بعد ما تعشوا وناموا
YOU ARE READING
هل لنا لقاء بعد هالبعد ولا مستحيل
Historical Fictionيزوجونه اجباري الجد زايد يزوجهم غصب ومتعب مايعرفها منذ ٧ سنوات وكان يحبها بس ما اعترف لها ويلقبها ( الدلوعه ) وهي تلقبه ( المتوحش) متعب يحب ديرته ويرعى نياق ولا يحب اجواء المدن ولا هو فيها لكن يوم من الايام يجبره جده يتزوج بنت عمه وهو عارفها انه...
