عبدالعزيز: وش فيها يا دكتور !!!
الدكتور: اسمع اجلس واشرب مويه
عبدالعزيز: تكلم سريع
الدكتور: طيب اجلس
جلس عبدالعزيز ومعه الدكتور
عبدالعزيز: ايي تكلم
الدكتور: انكسرت رجل ميلان وسوينا لها عمليه ف العمود الفقري ويمكن يسبب لها إعاقة لان الحادث كان قوي واضح
عبدالعزيز: وششش! وش قلت انت صادق ولا تستهبل
الدكتور: اذكر الله
جاء متعب ومصعب يركضون
متعب: عمي وش فيها ميلان!!!
عبدالعزيز الي طاح
متعب الي مسك الدكتور ويصارخ في وجهه: وش فيها ميلانن !!! تكلم
الدكتور: مين انت
متعب: مو شغلك تكلم
الدكتور الي شرح له ومتعب الي ماسك راسه ومصعب الي راح ينادي الدكاتره يشوفون عبدالعزيز الي مغمى عليه
مصعب: تعالو هنا شوفوه
متعب: طيب اقدر ادخل عليها الحين !
الدكتور: لا اشوي خلوها ترتاح
مصعب: وش فيها يا متعب!!
متعب: انكسرت رجلها و سوا لها عمليه ف العمود الفقري ويمكن يسبب لها اعاقه
مصعب: احلفف
متعب الي جلس على الكرسي ولا هو مستوعب
________________________________
الديره
الجد زايد: دق عليهم وش فيهم ذولي!!! دق على مصعب
عبدالله: طيب بدق
مشاعل: يارب ان مو صاير لها شي خطير
الهنوف: ان شاء الله
الجده بدريه الي ترفع السجاده : ادعو لها تكون بخير
اشواق: يالله الحين مين مع مها والله اني شايله همها
مشاعل: اكيد اخوتها معها
اشواق: ان شاء الله
الجد زايد: هاه كيف ميلان؟
عبدالله الي شاحب وجهه: والله يقول ان انكسرت رجلها و سوو لها عمليه ف العمود الفقري ويمكن يسبب لها إعاقة بسبب العمليه
الجد زايد: لا اله إلا الله
مشاعل الي راحت الغرفه تبكي
والهنوف الي مو مستوعبه وبس تناظر فيهم
الجده بدريه: انت صادق يا عبدالله !!!
اشواق: يا ويلي يا ميلان
عبدالله: اي والله ولازم اروح عند عبدالعزيز
اشواق: بروح معك اشوف مها وش صاير لها يعمري عليها بس الله يصبرها بس
عبدالله: لا مايحتاج تروحين اخوتها اكيد معها انتي اجلسي هنا
الجد زايد: يلا روح واذا وصلت دق علينا
عبدالله: ابشر
عبدالله الي حرك للرياض
واهل الديره الي مستغربين من زايد الي مو فاتح العزبه والعيال ماهم موجودين والبيت حقهم هاجد بالعاده يكون في صجه وازعاج ومتعب الي ماهو عند النياق حقته
___________________________
الرياض
مها الي تدق على عبدالعزيز ولا يرد وتبكي وتصيح وميلان الي ماهي موجوده معها
في المستشفى
متعب: انت روح عند مها وانا بجلس معها
عبدالعزيز: اي والله الحين تلقيها تصيح
متعب: روح عندها وانا بجلس معها
الدكتور جاء : مين الي بيرفق مع المريض؟
متعب: انا
عبدالعزيز الي ناظر فيه : لا انت روح تعبان جاي من السفر
متعب: لا انت روح مها تنتظرك وتحتاجك الحين وانا بجلس مع ميلان اذا احتاجت شي انا بكون معها
عبدالعزيز: اجل امت يامصعب تعال معي البيت ترتاح وتنام يلا مابي اسمع ولا عذر تعال
مصعب الي انحرج منه : ابشر ياعمي
عبدالعزيز الي راح هو مصعب و متعب الي دخل على ميلان
متعب الي يناظرها ويتامل فيها وهي نايمه
ميلان الي بدت تتحرك وتفتح عيونها وتناظر وانخرشت من متعب الي قدامها : يمهه بسم الله مين انت وكيف جيت هنا وين بابا وماما !!!!
متعب: سمي بالله ابوك راح عند امك وانا معك الحين
ميلان: كيف بابا تركني معك هنا !! انت تكذب علي
متعب: ترا مخطوبين لا تنسين وبعدين ما اكذب واذا تحتاجين شي قولي لي
ميلان: ترا مخطوبين مو كاتبين الكتاب لا تنسى وبابا كيف خلني معك صدق لو سمحت اخرج مابيك معي هنا في الغرفه
متعب الي تذكر الي صار ف الديره: ميلان
ميلان: خير!
متعب: انا اسف على الكلام الي قلته لك ذاك اليوم بس كنت معصب من سيف ويلا انا خارج
ميلان الي تناظر وهي ودها تروح تحظنه : متعب
متعب الي لف عليها: هلا
ميلان: ابغا اكل جوعانه تكفى
متعب الي ضحك : تمام وش تبين
ميلان : لا تضحك علي تراني جوعانه عادي اي شي جيبه
متعب: تمام
ميلان الي استوعبت وكيف قالت له كذا : انا غبيه و بجيحه فوق اني طاردته اقوله يجيب لي اكل اهخخ يالغبيهه
________________________
عند عبدالعزيز
عبدالعزيز الي وصل ونزلوا
عبدالعزيز: ادخل هنا قسم الرجال بروح اجيب لك بطانيه و مخده عشان تنام فيها
مصعب: تمام
عبدالعزيز الي دخل البيت ولقى مها الي تبكي : علامك تبكين !!
مها: خير ان شاء الله ماتدرون علي وين ميلان!!
عبدالعزيز: اول اهدي انتي الحين
مها: تكلم سريع يا عبدالعزيز ميلان وش صار فيها ووينها والكل يتصل فيني !!!
عبدالعزيز : اسمعي مابيك تصارخين ولا شي ميلان صار لها حادث
مها: وش ! وششش تقول انتتتتتت عبدالعزيز تستهبل عليي انتتت!!!!!
عبدالعزيز: ماعليك الحين هي بخير ومافيها شي وبسطه الاصابه الي جاتها
مها الي اغمى عليها من الصدمه
عبدالعزيز الي اخد كوب مويه ويرش عليها : مها قوميي
مها الي صحيت وتناظر فيه: علامك انت ما ترد علي ووين ميلان ماجات نايمه مع ايلين!
عبدالعزيز الي يناظر فيها و مو عارف وش يقولها
مها الي تذكرت وجلست تصيح
عبدالعزيز: مها اذكري الله
مها: مين الي جالس معها الحين
عبدالعزيز: متعب
مها: كيفف !!
عبدالعزيز: ماقصر جاي من الديره وخلاني اجي هنا ومصعب هنا ف البيت
مها: الله يعطيه العافيه بس كيف تخليه معها وهم باقي مخطوبين !!
عبدالعزيز: يا حرمه والله اني ناسي وبعدين متعب ماراح يسوي لها شي
مها: عارفه انه ماراح يسوي لها شي بس كيف تخليهم كذا مع بعض وهو يشوف ميلان؟
عبدالعزيز: يعني ميلان تتغطى هنا بالرياض تكشف بس بالديره تتغطى
مها: تمام بكرا ماراح نخليهم لوحدهم
عبدالعزيز: والله اني مستحي منه اقوله كذا
مها: لا عادي وبعدين صح هيا عند ميلان ليش جالسين هنا
عبدالعزيز: مقفله الزياره الحين بكرا اوديك عندها
مها: تكفى ابي اروح لها الحين
عبدالعزيز: والله لوديك عندها شوفي جوالك دق
مها: يدقون علي من اول وانا كنت اتروش وفاطمه تدق علي بقولهم
عبدالعزيز: تمام بطلب كبسه اكيد مصعب جوعان
______________________________
عند متعب و ميلان
متعب الي دخل الغرفه: امسكي اكلك
ميلان: شكرا
متعب الي جلس ويناظرها
ميلان الي خلصت اكل وجات بتقوم ولا قدرت : متعب ليش مقدر اتحرك !!
متعب الي يناظرها وهو ساكت و مو عارف كيف يقولها
ميلان: خيررر ليه ما احس فيها متعب وش فيك تناظرني كذا !! تكلم ليه ماقدر احرك رجولي
متعب: ياميلان اهدي وش فيك تصارخين ترا انكسرت رجلك من الحادث عشان كذا
ميلان: طيب ما احس فيها!
متعب: من الكسر
ميلان: يعني مقدر امشي للابد؟
متعب:لا مو للابد بتمشين بس انتي انسدحي الحين
ميلان الي حطت ظهرها على الكرسي وتناظره
متعب: يلا نامي بكرا بيجونك من الصباح
ميلان: تمام
متعب الي دق جواله : هلا
عبدالله: ارسل لي الموقع
متعب: ليه جيت؟
عبدالله: ايه
متعب: الحين مقفلين الزياره روح عند عبدالعزيز البيت
عبدالله: تمام خله يرسل لي موقع بيته
متعب: طيب
عبدالله: ياولد وش ذا الزحمه والاغاني استغفرالله
متعب الي ضحك : اي والله زحمه ماعليك الحين برسل لك الموقع
عبدالله: يلا
ميلان: من؟
متعب: عبدالله
ميلان: اها
متعب الي دق على مصعب يرسل لابوه الموقع
____________________________
الديره
الجده بدريه: وش قالك عبدالعزيز كيف مها
الجد زايد: الحمدلله بخير يقولون وبكرا تفتح الزياره وبيروحون عندها
الجده بدريه: زين ماراح يجبونها عندنا طيب
اشواق: لا متوقع دوبهم جايين من الديره
مشاعل: ليه وش فيه ميلان ماتقدر تمشي على الاقل يجيبونها عندنا تتسلى معنا
الهنوف: اي والله
اشواق: طيب وشغل عبدالعزيز؟
مشاعل: مدري ياخذ له عذر او يداوم هو
الهنوف: اي صح ماتوقع يجون عشان الشغل
الجد زايد: ياحريم علامكم العشى وينه ؟
مشاعل: الحين بنجيهم
الجد زايد: زين يلا
الجد زايد الي يدق جواله من اهل الديره
الجده بدريه: علامهم ذولي يدقون عليك وش يبون منك؟
الجد زايد: خليهم ماعليس منهم ابي اتعشى واروح انام
اشواق: اتوقع مستغربين لان محد راح العزبه
الجد زايد: الا راحوا العيال الصباح
الجده بدريه: بالعاده يجون المغرب من العزبه
اشواق: ايه بالعاده يجون المغرب
مشاعل:يلا يا هنوف حطي السفره
الهنوف: طيب
__________________________
الرياض
ايلين: كيفف سوت كذا الحادث !!
فاطمه: بكرا ان شاء الله نروح وبشوف مها اذا تحتاج شي
ايلين: ايي شوفيها يعمري على خاله
_________
المستشفى
متعب الي يناظر ميلان النايمه وهو وده يروح بها وبعيد عن الناس
YOU ARE READING
هل لنا لقاء بعد هالبعد ولا مستحيل
Historical Fictionيزوجونه اجباري الجد زايد يزوجهم غصب ومتعب مايعرفها منذ ٧ سنوات وكان يحبها بس ما اعترف لها ويلقبها ( الدلوعه ) وهي تلقبه ( المتوحش) متعب يحب ديرته ويرعى نياق ولا يحب اجواء المدن ولا هو فيها لكن يوم من الايام يجبره جده يتزوج بنت عمه وهو عارفها انه...
