سنه يديده كل عام وانتو بخير
بقول كلام قبل لا اقولكم الروايه
(اول شي كل عام وانتو بخير علي السنه اليديده ثاني شي اللهم ارحم ميثه واغفر لها يارب هالسنه بدونها يارب انك تغفر لذنوبها)
وبارت طويل عشان السنه اليديدهه
زايد و هو يرمس مياري : ميره تسلم عليج رورو و سيري ييبيلي عشا
مياري هني ما قدرت تتحمل سكرت التيفي بعصبيه و قربت صوبه مطت التلفون و سكرت الكالمه و قالت بصوت عالي : بس بس ما اقدراتحمل انت شو من البشر ما تحس ما تحس ان في حيوانه قدامك يسمونها حرمتك ما تحس
في وحده فاول ايام عرسها لا تظهر و لا تشم هوا و لا فوق هذا تسمع ريلها يتغزل ببنات ثانيه الله يلعن السااعه اللي خذتك فيها انزين اووف
زـآآيد : أول شي يدج بكسرها ان سويتي نفس الحركه و سكرتي عويه البنت و ثاانيا يالشيخه اذا كنتي محترمه و شريف كان حنينا عليج و عيشناج بحياه ما تتمنينها لاكن يوم انتي صايعه و ما خليتي ريال ما رمستيهـ فارعي انه هذا بيكون مستواااج اللين ما اطلقج فاهمه
ميااري سكرت اذنها بيدها و صارخت ودموعها تطيح من النرفزه : انا مب صايعه مب صايعه انت ما تفهم و الله العظيم اني ما رمست شباب غير محارمي فالفون و الله العظيم و انا حلفت باسم ربي
و ربعت لغرفتها المكان الوحيد اللي يريحها وتمت تصيح ما ساتها مع زايد اللي ما تخلص
أما عند زايد
" أشوف الصدق بعيونها ياناس صاادقه صاااااااادقه بس كييف كييف اتاكد كيييف "
و تذكر الرقم اللي كان مسيفنه عنده رقم [[[[[ علي ]]]]]
:: مالي الا هالحل أنا لازم اتاكد من صاحب الرقم و اعرف لااازم
و اتصل بربيعه فالاتصالات
حامد : هلا و الله مرحبا السااع بزايد
زايد : مرحبا فيك الشيخ
حامد : ووييينك يالقاطع ما صرنا نشوفك و لا تتصل و لا تسأل
زايد : و الله تعرف صرنا فالقفص الزوجي خخخ
حامد : لاااه مبرووك مبرووك منك المال و منها العيال
زآآيد : ههه الله يبارك فيك
زآآيد : أممـ حامد بغيت منك خدمه
حامد : آمر الشيخ أنا كلي لك
زـآآآيد : ههههه و الله تذكرني فيني يوم اقردن الحريم اخاف شايفني حرمه قدامك هع
حامد : لا لا محشووم خخخخ
زايد : أممممـ حامد أبا اعرف من صاحب هالرقم في اسرع وقت لو سمحت
حامد : حااضرين للطيبين انت بس عطني الرقم و لك اللي تبا
زايد : سجل عندك 050#######
حامد : خلاص تم و قريب بتعرف راعي الرقم
زايد : تسلم و الله ما عليك قصور يالغالي
حامد :احم استحيت خخخخخخخ
زايد : هههه و الله اليلسه معااك ما تنمل بس اسمحلي مشغول شويهـ
حامد : هههههه مسموح مسموح
زايد : يالله عيل فداعهـ الله
حامد : فحفظ الرحمن شيخي
