السلام عليكم🍀
الكاتبة زهراء المحمد💗
"باچر تلمنا الشَوارع ، ونصير عين بعين"
المشهد الأول
_____________
... أركض بكل سرعتي بس أريد اوصل للبيت
اريد اوصل الحضن امي واشكيلهة
اريد انسى الشفتة واچذب عيوني اريد امي تهون علية
وگفت فجأة واني أتذكر امي !!!
! امي ماهية امي ماكو عافتني
گعدت بالگاع روحي رايحة بدت تمطر والدنيا ضلمت
اباوع بالگاع وگلبي يوجعني سمعت صوت خطوات تقرب مني وگف گدامي رفعت راسي شفتة نفسة
! هوا نفسة هوا السبب بكلشي
دنگ المستواي وحچة بنبرة صوتة التخوف
... انتِ بخير؟
... لا
... اساعدچ ؟ أحميچ انا
... ما اريد مساعدتك
... مو بكيفچ!!
المشهد الثاني
_____________
... طبيت الغرفتة سمعت صوت الدوش يعني جاي يسبح استغليت الفرصة ودورت بالغرفة وأخيرا لگيت المفتاح
طلعت من الغرفة وايدي ترجف
خايفة ! خايفة كلش
نزلت أمشي على طرف اصابعي خاف احد يحس فتحت الباب الخلفي بالمفتاح چان الحارس نايم
تنفست براحة وكملت مشي للباب الخارجية
خليت المفتاح وفتحتهة
وأخيرا راح اخلص راح اصير حرة!
فتحت الباب وطلعت الشارع اضلم ومابي اي بشر ركضت بكل سرعتي نحو المجهول اركض واركض واحس واخيرا خلصت
ماكملت فرحتي من شفت سيارتة تمشي بصفي نزل منهة واجة يركض وراي ركضت بكل سرعتي
بس للأسف چان هوا أسرع مني
لزمني من ايدي ودارني عليه يتنفس سريع وانفاسة الحارة تلفح بوجهي عيونة حمر وشرايينة طاگة
همست بصوت ناصي ونزلت دمعة حارة على خدي
...حباب عوفني
همس يم أذني بصوت يخوف ونبرة تهديد
... وفري دموعچ للبيت راح أبچيچ دم
يتبع .....
