السلام عليكم🍀
زهراء المحمد 💗
" الأماكنُ بريئة، الغربة بداخلِنا "
______
" فِي أحدى ليالي ديسمبر "
... أمشي بالشارع ورجلية وحدة تطگ بالثانية من شدة البرد عاصرة ال 25 الف بأيدي فرحانة بيهن لان راح اجيب دوة الأمي
رحت للصيدلية طبيت وابتسمت من شفتة نفسة الولد اللي اخذ منة الدوة كل مرة
ابتسملي وگال
... شلونچ ترف شلونهة أمچ
أبتسمت ورديتلة
...الحمدالله اني بخير وامي بخير
هلولد كلش خلوق وابتسامتة مريحة
أخذت الدوة ورحت للبيت فرحانة
طلعت من الصيدلية والدنية بدت تمطر خفيف توجهت البيتنة وصار المطر اقوة
بديت اركض اريد اوصل للبيت ما منتبهة على شي گدامي
توقفت من سمعت صوت مخنوگ يگول
...عوفني
تراجعت بخطواتي للمكان اللي سمعت منة الصوت توسعت عيوني من المنضر الشفتة
ولد نايم بالكاع وفوگا واحد يخنگ بي
الحد ما وجهة صار ازرگ ورخة جسمة وبعد ما تحرك
خالة ايدي على حلگي من المنضر اللي گدامي
فجأة اندار علية الولد وجهة ملثم وبس عيونة طالعات چانن يخوفن شكلهن كلش يخوف چان خازرني وعيونة تجدح
صاح بصوت خوفني أكثر من خوفي
... تعاييييي
ركضت بكل سرعتي اريد اشرد منة بس ما گدرت هوا چان اسرع مني وصلني
و لزمني من معصم ايدي ودارني عليه بكل قوتة بحيث حسيت چتفي انخلع
سحبني وراا بقوة واني ابچي واسحب بأيدي منة بس هوا اقوة ما گدرت شمرني بسيارة جانت مركونة يم المكان الچان بي وصعد بصفي ليورة
خليت ايدي على الباب اريد انزل لزم ايدي لواهة ورة ضهري بقوة حسيتهة نكسرت
روحي فرفحت اريدة بس يعوفني
قرب وجهة يم وجهي شهگت بصوت عالي وبسرعة رفع ايدة خلاهة على حلگي مانع صوتي يطلع
يباوع بعيوني بتركيز وخزرة
حچة بهمس
... منو دزچ
ما گدرت احچي لأن مقيدني وايدة خالهة على حلگي
انتبه ووخر ايدة ورجع حچة
...منو دزچ
...حباب والله محد دزني والله
... هوا دزچ مو ؟
...شتحچي انتَ منو عوفني اروح فدوة والله كلشي ما شفت والله
ضحك بصوت عالي شكلة چان مرعب مامبين منة شي بس عيونة وچانن يخوفن وبحاجبة طبرة
باوعلي وتقرب اكثر قشعر جسمي من قربة الزايد
