السلام عليكم 🍀
زهراء المحمد 💗
" يا أَيُها الأنِسان لِماذا القلق أليسَ ربُكَ تَكَلف بِما خَلق "
____________
اجاني اشعار على تِلفوني من رقم غريب فتحت الرسالة وتجمدت بمكاني واني اقراهة
... هالمرة عاندتي وحرگت المحل المرة الثانية احرگ البيت وامچ هم
گمت ارجف وطاح المُبايل من ايدي ما عرفت شسوي من الخوف گعدت ابچي كاتمة صوتي بالمخدة اخاف امي تسمعني
يا ربي ساعدني !!!
ماعندي غير امي ماعندي غيرهة اضيع انا والله اضيع اذا صارلهة شي
مسحت دموعي وگمت گدام المراية
!!! كافي ترف كافي بچي وخوف لازم أفكر لازم اخلص نفسي من هالمصيبة
أخذت المبايل من الگاع ودخلت على الرقم دزيتلة رسالة
... أنتَ منو؟؟ شنو تريد مني
خلال دقايق وشاف رسالتي بَس ما جاوبني
رجعت مرة ثانية كتبتلة
... اني حاضرة الأي شي تريدة بس امي خط احمر
هم شاف الرسالة وما جاوب شمرت المبايل ضايجة
هسة هذا شيريد گمت صليت ودعيت الله يخلصني من هالمصيبة
صار الليل واجت رسالة على تلفوني من نفس الرقم
... تعاي العنوان **** الساعة ب 12:00 بالليل
قبل لا اجاوب رجع دز رسالة ثانية
... لتتأخرين
باوعت للساعة چانت بالعشرة ونص اخخ گلبي شراح يصير
گمت وگفت متشجعة ما خايفة اني مو وحدي وياي الله واهل البيت
طلعت للصالة اشوف امي حالتهة هالأيام كلش متدهورة وتعبانة
أنتضرتهة تنام واتأكدت منهة نايمة
گمت بدلت وطلعت چانت هم تمطر والجو يخوف ما اسمع بس صوت الچلاب
أخذت تكسي وانطيتة العنوان باوعلي وحچة بلغتة (الأيطالية)
:- Perché vuoi andare lì?
(لماذا تريدين الذهاب هناك)
جاوبتة متنرفزة
:- Non hai nulla da fare mentre sei in silenzio
(ليس لك شأن تحرك وانتَ صامت)
اني عايشة بأيطاليا اني وامي بعيدا عن ابوي
وصلنة للمكان چان غابة ويخوف مكان مظلم
بي بس صوت ذيابة
نزلت من السيارة وتمشيت النص الغابة تقريبا بقيت واگفة بمكاني تقريبا ساعة محد اجة
درت وجهي ردت ارجع
