لك شوق من قلبن معه حس وشعور ... باسلوبك الجذاب مع نوع تشويق🤍

28

اليوم الثاني في الرياض
صحى عزوز كالعاده بدري على الساعه 4:30 الفجر
واخذ له شاور وبدل ملابسه طلع من غرفته الساعه 5الفجر ودخل غرفة طلال وصحاه
وراح لغرفة حور
عزوز: صايره تصحين بدري ماشاءالله
حور: ماابي اضيقك وازعجك
كانت حور تمشط شعرها عزوز : لبى الجميله والله
حورالتفتت عليه وقامت وراحت له وضمته
عزوز بادلها الحضن وباس راسها وقال : ابيك كل يوم كذا
حور: تم تم تم
عزوز: يلا بروح اصلي
حور:طيب
عزوز وهو مار من غرفة طلال :يلا خالي
طلال : يلا يلا
طلع طلال وهو يقفل ازرار ثوبه وراحو يصلون بالمسجد
حور جلست تتجهز وتزين شعرها طبعاً اخذت لها شور وخلت شعرها طبيعي مااستشورته بس فكته ولبست بندانه بيضا وحطت تنت وبلشر  واخذت شنطتها ونزلت وافطرت
شافت خالها  يسوي بلاك كوفي : السلام عليكم صباح الخيرر
طلال : وعليكم السلام صباح النور
حور: خالو وين عزوز
طلال: شوفيه جالس برا بالحديقه
حور : تمام بروح له
طلعت حور برا شافت عزوز واقف قدام سياج المسبح
راحت له
حور: صباح الخير
عزوز: صباح النور
وحاوط يده رقبتها
حور شافت ساعه  اول مره تشوف عزوز لابسها وقالت : عزوز من متى عندك ذي الساعه ؟
عزوز: تو امس جاتني هديه من صاحبي
حور: من صاحبك ؟؟
عزوز : ايوه
حور: اكيد ؟؟
عزوز: ايوه
بعد يده ورا رقبتها وقال :افطرتي
حور: ايوه
حور:عزوز بطلبك طلب بس ماترفضني ؟
عزوز: اطلبي طلبات مو طلب
حور: عندك شي اليوم يعني بتروح لأخوياك او شي
عزوز: لا ليه
حور:ابي تجلس معي بتابع فلم وابيك تتابع معي
عزوز:تم
حور: الحمدلله ربي رزقني بأخ زيك
عزوز: شرايك ارميك بالمسبح
حور: تم بس مااداوم
عزوز: بتداومين لوك غرقانه
حور: اسحب كلامي
عزوز حاوط يده برقبتها حور وضمها
جا طلال ومعه قهوته
طلال : سلام
حور عزوز: وعليكم السلام
طلال : يلا على المدرسه ياشاطره الساعه 7
حور: سبحان الله تحب تنكد علي
وراحت تلبس عبايتها ونقابها
واخذت شنطتها
وطلعت كان ظهرها يألمها من الشنطه لأنها كانت ثقيلة
طلال شافها واخذ الشنطه منها وقال : وجع حور ذا كله على ظهرك
عزوز: جيب اشوف
شال الشنطه وقال : احح وش ذا وش حاطه فيها انتِ
حور: كتب وش بحط فيها يعني
عزوز: يلا اركبي تأخرتي
حور ركبت
وراحت المدرسه
* بسرع الاحداث علشان لا تصير البارتات طويله وتملون **
تسريع للأحداث >>>>>>>
منصور ذيك الفتره كان خاطب مناير بنت ام سها صديقه الجده مريم الروح بالروح
واليوم زواجه (كان بالاجازه )
في قصر الجد فارس الظهر الساعه 1
كانوا الحريم جايبين عاملات مساج وبدكير ومناكير
اثير : حور قلبي روحي للشباب وقولي لهم لا يطلعون لجناحنا او ينزلون تحت فيه حريم وعاملات اذا بيطلعون يطلعون مع باب الديوانيه
حور:ابشري بتصل على عزوز وبقول له يقول للشباب
اتصلت على عزوز
عند الشباب
كانوا متسدحين بالديوانيه بعد الغدا واغلبهم ناموا الا فيصل ومنصور وفارس ومحمد وراكان وعبدالله صاحين وجالسين على جوالاتهم
جا عزوز اتصال حور
فيصل كان جنبه شاف الاسم فز قلبه وقال :عزوز قوم جوالك يرن
عزوز: رد فكني
فيصل :اختك حور
عزوز:رد فكني
فيصل حط سبكر
حور:هلا عزوز
فيصل :عزوز نايم
حورارتبكت اول ماسمعت صوت فيصل: طيب قل للشباب لا يطلعون لجناحنا ولا ينزلون تحت فيه عاملات وحريم اذا بتطلعون اطلعوا من باب الديوانيه تمام
فيصل:تمام (وبصوت خفيف ماسمعه الا حور لأنه قرب الجوال من فمه. )ياحبيبتي
حور قفلت اول ماسمعت الكلمه انخرشت مسكينه
فيصل شاق الابتسامه من بعد ماقال الكلمه