All About My Love

*တင်*

Phone messenger ကနေ noti သံကြားလို့လက်ထဲကခဲတံကိုချ ဆွဲလက်စပန်းချီကိုထားကာစားပွဲကနေထလာလိုက်သည်.....။ညဘက်ကြီးသူ့ဆီ စာပို့မဲ့သူမရှိဘူးထင်တာပဲ...။ ဘယ်သူကများဘာအရေးကြီးလို့ပါလိမ့်ဆိုတဲ့အတွေးနဲ့ phone lock ဖွင့်ပြီး messenger ထဲဝင်လိုက်သည်...။

*ဟယ်လို *

*မမ*

*မွေးနေ့မှာပျော်ရွှင်ပါစေ *

*ဒီနှစ်မွေးနေ့လေးကစ ပျော်ရွှင်ဖွယ်ဘဝလေးအမြဲထာဝရပိုင်ဆိုင်ပါစေ မမရေ ကျွန်တော့်ကိုလည်း ပိုပိုချစ်ပေးပါနော် *

Chatbox မှာပို့ထားတဲ့စာကိုဖတ်ပြီး သူကြောင်သွားမိတယ် ....။သူ့မွေးနေ့မှမရောက်သေးတာ...။ပြီးတော့ ဒီမွေးနေ့ဆုတောင်းပို့တဲ့သူကိုလည်းသူမှမသိတာ...။ဘယ်သူကများမှားပို့လိုက်တာပါလိမ့်ဆိုတဲ့ အတွေးနဲ့ စာပို့လာတဲ့ account ထဲကိုဝင်ကြည့်လိုက်မိသည်....။ပထမဆုံး account ထဲဝင်ဝင်ချင်းမှာတင် မြင်ရတဲ့ profile မှာတင်ထားတဲ့ပုံက မိန်းကလေးတစ်ယောက် ရဲ့ ပြုံးနေတဲ့မျက်နှာလှလှလေး ......။ဆံပင်ရှည်တွေက ကပိုကရိုကျနေပြီး မေးအောက်မှာလက်ဖဝါးထောက်လို့ ချိုမြမြအပြုံးတစ်ပွင့်စွန့်ကျဲနေတဲ့ကောင်မလေး.....။

ချစ်စရာလေးပဲလို့ စိတ်ထဲကတွေးပြီး အဲ့ကလေးမ account ထဲက post တွေလိုက်ကြည့်နေမိသည်...။ messenger မှာပို့ထားတဲ့စာကိုဖတ်တုန်းက ကောင်လေးတစ်ယောက်ယောက်က လာကြောင်တယ်လို့တွေးလိုက်မိတာ...။ဒါပေမဲ့မထင်မှတ်ထားဘဲ ကလေးမလေးတစ်ယောက်ဖြစ်နေသည်...။မျက်နှာလေးကတော့ချစ်စရာလေးပါဘဲ ပြီးတော့ တော်တော်လည်းငယ်ဦးမဲ့ပုံပေါ်သည်...။internet တွေသုံးနေတာအသက်တောင်ပြည့်သေးရဲ့လားမသိ....။

*မမ *

*ကျွန်တော့်ကိုစာပြန်ဦးလေဗျာ*

ဝင်လာတဲ့စာနှစ်စောင်ကိုကြည့်ပြီး သူမျက်ခုံးပင့်လိုက်မိသည်...။ခပ်မြန်မြန်ပဲ သူ့လက်တွေကို လှုပ်ရှားပြီးအဲ့ကလေးမကိုစာပြန်လိုက်သည်...။

*ကလေးမ တို့နဲ့သိလို့လား...?*

*တို့မွေးနေ့လည်းမရောက်သေးဘူးနော်..*