معزوفتي الأولى:رغم هَوسي بالإتزان إلاَّ أن قلبي لك يَميل

بارت 3

بسم الله الرحمن الرحيم

تقدم منها وشد شعرها وقال لها : لما تتكلمين معي تكلمي بأحترام وإلا والله اسوي شي ما يعجبك فاهمه
دموع:اترك شعري يوجعني اتركني
جراح: وهذا المطلوب انك تتوجعين لأن جيتك بالطيب ما نفع معك وجا ليكمل كلامه بس رن تلفونه وشاف اسم معشوقته وتغيرت ملامحه وصار يبتسم
أما دموع انصدمت من تغيره وابتسامته وقالت بنفسها اكيد  حبيبته فتح جراح الخط وقال : هلا والله بعيوني
ريناد بدلع خايس: هلا حبيبي اخبارك وحشتني
جراح : الحمدالله بخير يا عيوني انتي اخبارك
ريناد : بخير دامك بخير اي وش صار معك تزوجت ذيك الغثيثه عند دموع كانت بجانب جراح وسمعتها وش قالت وجت للتتكلم بس سبقها جراح وقال : مع الاسف تزوجته
هنا دموع كتمت دموعها وحاولت تبين له انها قويه وتركته خلفها وخذت لها غطا ومخده واتجهت تنام على الكنبه بعد مرور ساعه خلص جراح مكالمته مع ريناد وتقدم نحو دموع وشافها نايمه ودموعها بعينها مد أنامله على عيونها يمسح دموعها وقال : العيون الجميله ذي ما يزبط لها الدموع بس انتي الي أجبرتيني وبعدين استوعب وش قاعد يتكلم  وصار يقول : تذكر يا جراح بسببها ما تزوجت ريناد هي الي دمرت مستقبلك وقام من عندها وتوجه لسريره ينام ودخل بسبات عميق
فلاش باك قبل شهر
نزلت دموع على أهلها وتقدمت منهم وباست كل واحد من رأسه
دموع:صباح الخير لأحلا ام واب بالعالم
تالا وفارس: صباح النور يا بنتي
سعود: افا يا دموع ونا ما لي بوسه تقدمت منه دموع وباسته على خده
وقالت له : ذي احلا بوسه لأحلى اخ بلعالم
فارس: وش عندك اليوم مروقه وفرحانه
دموع: اليوم عندي حفله بلمدرسه
سعود:بمناسبه ايش
دموع:حفله لعيد ميلادي لأنه ما قدرت يحتفلو فيه قبل بسبب الامتحانات فا قرروا يعوضني اليوم
سعود: حلو الله يبسطكم
تالا  يلا يا بنتي تعالي افطري الحين تتأخرين على المدرسه وفطرت وخلصت وصلها سعود للمدرسه وراح للشركه
عند عائله فارس :
تالا تقدمت من فارس وقالت له: فارس وش رأيك نروح للسوق اليوم من زمان ما طلعنا سوا
فارس بحب : من عيوني كم تالا عندي بس الحين ابي اروح للشركه عندي كم شغله اخلصهم واجي
تالا : تمام بس لا تتأخر
فارس: ابشري
وطلع من البيت متوجه للشركه دخل على مكتبه وجلس وفي شعور بداخله ما يطمن فجئه دق الباب ودخل فيصل
فيصل: علامك يا ابو سعود وش الي مضايقك
فارس :ما اعرف احس في شي غريب بداخلي شعور ما يطمن
فيصل : ما عليك إنشاء الله كل شيء بخير
فارس : ابي اطلب منك طلب لو ما اثق فيك ما طلبته
فيصل: ابشر وش هو
فارس: اذا صار فيني شيء دموع وسعود امانه عندك ودموع ابيك تزوجها لجراح
فيصل : وش قاعد تقول انت بعيد الشر عنك
فارس : للأحتياط قولي وش قلت
فيصل: ابشر يا الغالي وانشاء الله تشوف عرس دموع بعيونك
بعد ما خلص كل شيء عنده توجه للبيت وقال لتالا تجهز
وبالفعل جهزت واول ما وصل دق عليها تطلع له
عند دموع
نرجس تقدمت منها وسحبتها يلا تعالي الحفله تبدأ الحين
دموع بضحك: ليه كل ذا الحماس
نرجس: لأن بدنا نحتفل بعيد ميلاد شبيهتي لأنه من الصعب تلاقوا شبيهين مني
دموع: الثقه الي الله لا يحرمنا منها
نرجس : يلا الحين جمان تجي تنكد علينا
وراحن كان اليوم بالنسبه للبناتنا ممتع بعد ما خلصت الحفله دقت على سعود وقالت يجي ياخذها وبالفعل بعد مده قصيره وصل سعود وراحت تركب من الخلف بس منعها سعود وش شايفتني سواق عندك وركبها من قدام
عند تالا وفارس بالطريق
فارس كان يشوف الساعه وفجئه بلمحمه البصر اصتدم بسياره وانقلبت السياره فيهم واجتمعو الناس فوقهم عند سعود ودموع
دموع:بسم الله وش فيه ليش الناس مجتمعين عسى ما شر
سعود:شكله صاير حادث استني بلسياره انتي ونا انزل اشوف ونزل من السياره وتقدم نحو الحادث وكانت الشرطه والاسعاف مجتمعه تقدم يشوف مين وانصدم من الي شافه رجوله ما عاد تقدر تشيله وقع على الأرض أما دموع لما شافت شكل سعود احتل الخوف قلبها ونزلت من السياره مسرعه اتجاه سعود تقدمت وشافت شيء كل انسان يتمنى ما يشوفه شافت امها وأبوها متمددين على الأرض والدم بكل مكان تقدمت ومسكت ايد امها وقالت: يما لا تمزحين قومي كل الناس تطالع فينا وانت يا يبا ما هقيتها منكم كانت الناس تناضر المشهد ذا واغلبهم تبكي دموع بدأت تبكي وتصارخ بهستريه وتقدمت من اخوها
دموع: وش فيك ساكت قول لهم خلص صدقنا مقلبهم
أما سعود فا بدأ يبكي بهستيريه وحضن اخته
دموع: وش فيك يا سعود ليه تبكي ذا مقلب الحين بيصحو وراحت تزحف عند اهلها وبدأت تصارخ وتبكي تقدم منها سعود وصار يهدي فيها تقدم منها الممرضين واعطوها أبره مهدء بعد مرور أسبوع من الأحداث ذي دق الباب وتوجه سعود يفتح
سعود : حياك الله يا ابو جراح تفضل
ابو جراح: اهلا يا وليدي بس جيت انا ابي اتكلم مع دموع بموضوع
سعود: تفضل والحين اقول لها
صعد سعود لغرفه دموع صار لها اسبوع ما تطلع منها دخل ولقاها جالسه وملامحها خاليه من الحياه
انتهى 💞