مشكله من تريد تبجي بس دمعتك تعترض مشكله من دنيا توكف والعمر يركض ركض مشكله من تريد تنسى وذكرياتك تنتفض
"""""""""""""""""""""""""،❤️
زهور
جنة كاعدين نحجي اني وغدير ونسولف علة حبيبها وهية مندمجة وعيونها يلمعن ماحبيت الح ويها بلحجي وكللهة خلي يجي خطبج ومنهل شي لان بعدهة متعرفني ف كملنة سوالف كالت راح اروح شوية واجي ضليت وحدي افتر سالفة تجيبني وسالفة توديني جتي غدير جايبة ملابس وهواي غراض كالت هاي من احمد دزهن تشكرت منها وكالت اذا تردين تسبحين
كتلهة اي والله ولو راح صير زحمة تعبتج وياي هواي اردفت
غدير: كلساع تعيدهة كلساع يمعودة اني كيفت صارت وحدة وياي بلبيت نفس الخبلة من الغرفة للمطبخ شبيججج دخلي نسولف نتعرف ههههه
زهور: صح ماجنت اعرفج بس هسة احمد ربي لأن عرفتج نزلنة جوة كالت هذاك الحمام طبي سبحي
غدير:طبي سبحي واني راح اروح اشوف شغلة بلمطبخ أسويها ولتستحين البيت بيتج وأحمد طالع ترة تفرعي ميجي غير لليل.
زهور : من يجي احمد فدوة كليلي عندي شغلة وياا
غدير .تمام يروحي يلا اسبحي اني حروح
زهور
طبيت سبحت شكد رتاحيت وشسورت شعري ولفيت المنشفة علة شعري وطلعت رحت للغرفة لبست من الملابس الجابهن احمد ومشطتت شعري لبست شالي ورحت كعدت يم امهم كلش حنينةة كلش تشبك بية وتبوس واحنة وكاعدين جتي غدير اردفت
غدير: اي عيني ماخذة بكلني ها ماما بعتيني راح ازعل
سعاد..لا حبيبتي انتي الغالية وهاي الروح مافرق بيناتجن
حضنتنة ثنينة طب احمد تحمحم وسلم ردينة السلام
احمد.اي عيني حجية واني مالي بكان
سعاد .يمة انتة الروح وارية وخرن وخرن تعال بحضني تعال
زهور.ادحك عليهم شلون عائلة تجنن وكلش مريحين تمنيت لو عندي هيج عائلة طيبة وكلبهم علثاني
كمت ويا غزل النسوي عشة ماقبلت بس اني اصريت كتلة مادام عايشة وياكم حالي من حالج كيفت وضحكت سوينة دجاج بالفرن وتكلا طماطة وبتيتة وبيتنجان ومقبلات وزلاطة سوينة خير من الله فرشنة السفرة ورتبنها وصحنالهم يجون التمينة كلنة علسفرة أردف احمد
احمد:عاشت اديجن
غدير:اشكر زهور هبة سوت الدجاج لضل علية لوتمونت
سعاد:بسج بسج غدير تدعين علة ولدي للموت اكلي وانتي ساكتة
احمد: لا يمة تشاقة شبيج تعالي حبيبتي
غدير:يمة انتي تدرين بية اشاقة شبيج
سعاد:يلا حصل خير بس يما لحد يدعي
زهور :اباوع عليهم شلون واحد علة كلب الثاني انتبه احمد علية واردف
احمد :يابة زهور عاشت ايدج عا اكل اني ادري بغدير مسويها ههه تتعاجز
زهور: يابة اني شمسوية قابل بلعافية
بتسم وكمل اكل اردفت غزل ماما اني رايحة انام وانتي زهور من تكملون صيحلي اغسل المواعين
زهور: ماشي روحي نامي نوم العوافي
سعاد:يلمصكوعة هم عافت المواعين فلا اغسلهن
غدير: ماما يلا انتي مو ماما لعد بس بلسم ام ههه يلا اني صاعدة اشاقة بس تخلصون صيحولي كاعدة
راحت واني ضليت مدنجة واكل اترخصت خالتي وراحت تنام لأن تعبانة شوية بقينة اني وأحمد واحد يباوع لثاني ستحيت منة كلش كلت الحمدالله أردف
احمد:شلونج زهور لتستحين مني لأن راح دامن تشوفيني كدامج تعودي علية يابة ولتخافين من شي بس تردين شي بس صيحيلي
زهور:متقصر والله بس وكفتك وياي ماعرف شلون اجازيك
احمد:أبوية انتي اني موجود انشالله اذا مصير زحمة اكلاص جاي اني كاعد بلحديقة وتعالي نسولف شوية
زهور: تمام ثواني والجاي يمك بابتسامة
احمد:احلة من يسوي جاي
راح للحديقة ابوعلة من الشباك ورث جكارة وذب نفس منها كملت الجاي وحطيت هيل علية وحطتة بلكلاص ويا بسكوت شفتة بلكونتر هم حطيت ورحت كعدت قدمتلة الجاي أردف
احمد: عاشت ايدج مبين الجاي من ريحتة طيبة
شربة وردف لا من صدك طيب تسلمين تعالي اكعدي خلي نسولف
كعدت واني مرتبة شوية أردف
احمد:اي يابة زهور احجيلي علة حياتج اعتبرني اخو صديق اي شيئ
زهور:ماعرف من شنو ابلش وخاف ادوخ راسك والله
احمد: لا يبا فضفضيلي وسولفيلي اسمعج اني كاعد هنا منا لصبح
بلشت احجيلة من صرت لحد هذ يومي وهوة يهز برئاسة ويكول سهلة تهون
احمد: البيت يرجع الج وكلشي من حقج يرجع الج
زهور: انشالله اني ماريد شي من هاي الدنيا. غير راحت البال وانتو ماقصرتو وياية الى متى تتحملوني واني بنية غريبة
احمد:لا يابة شنو هلحجي انتي عيشي ويا غدير حالج حالهة وميجيسج تعب الله موجود وكت ميرجعلج البيت انتي تختارين ضلين هينا لو هناك
زهور: شكرا الك منا وهيج ماستحي منك
احمد: لا ابد ماكو مستحى كال بضحكة اي حتة اجي الضهر للبت مو من وراج هاج للشوارع هه
زهور: هههه اسفة والله لا ماستحي منك اني بعد طب واطلع براحتك
ترخصت منا اريد أخذ اكلاص الجاي جان تروح ايدي علة ايدة ضل واحد صافن بعيون الثاني
احمد:هاي عيونج لو ساحت التحرير لو بيتي
زهور: ضميت شفتي بنص حلكي وخرت ايدي مستحية منا كلش
احمد: زهور كلاص ثاني وروحي نامي راح اتعبج
زهور: لا عادي تدلل
احمد: منا وهيج حالج حال غزل هم اشلع كلبي
زهور: اباوع علية يحول يغير الموضوع يتغضى جفصتة واني همين مانطيت اهمية للموضوع
رحت سويتلة جاي ونطبتهيا ونضفت المطبخ وصعدت لكيت غدير جاي تخابر كتلهة تصبحين علة خير وهية بتسمت الي وغمزتلي بستهة ولفيت راسي ونمت
هلا حبايب اعذروني علة قصر البارت لان مريضة❤️
أنت تقرأ
منقذي من الجحيم🕊️
Mystery / Thrillerتحكي هذه القصة عن فتات عاشت في حزن وصراع مع مرت ابيها وسوف تتغير حيتها تدريجيا
