ابوخالد:
"انا اشتغل حمال اشيل و اودي و اوصل وصدفه قابلتك وانا مخلص وين تبيني اوصلك"شهمان:
"شف يابو خالد، انا بساعدك بشغلك وبوقف معك بس احتاج منك شي واحد"ابوخالد:
"لا تطلبني فلوس وانا ما اضمن عشاي"شهمان:
"اخسي يابو خالد وانت بحسبت الوالد انا بس بروح معك لبيتك وبشتغل عنك وانت خل مرتاح وبس علمني عن جزاع كل شي تعرفه غير موضوع المزرعه"ابوخالد:
"وش؟"سكت ابوخالد لان الموضوع كان مغري له ولاحظ شهمان عليه السكوت
شهمان:
"اقدر اسوي كل شي تبيه، الله معافيني واطلب وتمنى ولا عندك عيال يساندونك"ابوخالد:
"ولدي خالد بـ.."شهمان:
"وينه خالد ليش مخليك بشموس ذي تشتغل؟"ابوخالد:
"ها؟"شهمان:
"معليه اجل نزلني هنا ويعطيك العـ.."ابوخالد:
"لا لا، بس تبي معلومات عن جزاع؟"هز راسه شهمان بـ ايه و وافق ابوخالد لما تصافحوا واخذه لديرته وهو يسولف له عنها
ابوخالد:
"هذي ديرة الشيخ ابوداعج صح انه قليل خاتمه بس على الاقل معطيني بيت من بيوته عشان انقل له عفشه بدون فلوس"شهمان:
"الله يرزقك يابو خالد، هذا بيتك ما شاء الله"ابوخالد:
"اي ولله حاولت اعدله بأخر الفلوس الي معي من فلوس جزاع ونسيت اقولك عندي اربع بنيات بالبيت انتبه تدرعم عليهم"شهمان:
"ماراح ادخل للبيت خلني بأخر غرفة معزوله من البيت"ابوخالد:
"الملحق صح انه وصخ وبقول للبنات ينضفونه لك"نزل شهمان وكان عند باب الشارع ينزل اغراضه ودخل ابوخالد عند بناته لما تأففوا وكان الدلع طالع من عيونهم
ابوخالد:
"منيره نادي خواتك شادن وفرح ونظفوا الملحق فيه رجال بيقعد عندنا فتره يلا!"نادا بناته الثلاثه الكبار اما بنته الصغيره الي كانت مع امهم في الصاله
ام خالد:
"تعال يابوخالد من ذا؟"ابو خالد:
"هذا واحد بيساعدني بأشغالي دام ولدك خالد مافيه خير لبوه"ام خالد:
"وبتدفع له فلوس!"ابوخالد:
"حاسده الرجل؟"
أنت تقرأ
الفقيده ميرال | 𝐌𝐈𝐒𝐒𝐈𝐍𝐆 𝐌𝐈𝐑𝐀𝐋
Actionلما قالت المرحومه ' سلوى ' : "ان الطبع اللي بالبدن ما يغيره إلا الكفن وهذي حفيدة جزاع"