سمر : صقر
صقر : عيونه
سمر وخرت من حضنا
صقر : خيرك
سمر : علاش مقلتليش
صقر : لئني نسحابك متحبينيش
سمر : منحبكش كيف تصير
صقر دار ومشي لي طاولتا جاب سنسلا الي طايحه منها وهوا واخدها داسها
سمر : شني هادا
صقر فتح يده : هادي سنسلتك خليتها مره لفاتت قعدت عندي وكل يوم نشوفلها
سمر : يحليلي
صقر قرب : دوري
سمر : عادي خلاها عندك
صقر : لا نبي نشوفك باها مش عندي
سمر : تمام دارت وحولت شعرها علي جنب
صقر قرب لبسهلها
سمر دارت تشوف لسنسال : الله نسيتا عندك علم راحت فتا
صقر : حلو
سمر : ولي حلو فيه انها طير
صقر : اي صح شوفي نفس رسمه الي فلحديدا
سمر : حي صح تعرف
صقر يشبح لعيونها الي يلمعو من الفرحه
سمر حط يدها فنصها : خيرك
صقر : شي قتلوني عيونك
سمر : امم هي نطلعو لا دورنا رندا متلقناش
صقر جبدها فحضنا
سمر : قاعدا أنا
صقر : عارف
___________
مكالمه 👇🏻❤
أصيل : وينك من مبكري
رندا : مش قتلك درنا البيتسه صقر جي حطيتلا
أصيل : سلم يدياتك غر امتا بس تولي دييلي انتي
رندا تحشمت : ان شاءلله
أصيل : غدوا بتجي بتقري
رندا تفكرت لهديه الي بتجيبها
رندا : اي اي ان شاءلله
أصيل : تمام هي بري كملي قرايتك غدوا نراجعلك
رندا : تمام تصبح
______
حور متكيه علي سريرها
غراب : حبهاا نوضي كولي حاجه
حور : معنديش نيه وتفكرت لما حسن
.
.
فلاش باك❤
.
.
حور دوشت وتكت علي سريرها
حسن تق تق تق
حور تفضل
حسن : جيت جبت شاهي وحليب وبسكوت
حور : نجهيهولي تعالا قعمز
حسن عطاها وقعمز علي الأرض ساند ضهرا علي سرير
حسن : حور
حور : نعم
حسن : قرارك رسمي
حور : اي نبي نهج معاي ولا
حسن : اي مع أختي وين اختي وين أني
حور حطاته بوسه علي خده
حسن : فمك ملبز
حور : يخليك ليا
حسن : دار تلج نجيب دفايه وطلع
حور تتكلم بينا وبين نفسها صح معنديش خوت ولا عيلا لكن ربي عوضني بي أخ ............
نهايت لفلاش باك❤
غراب : غر هيا وجبد يبي يطلعها
حور بدت تبكي
غراب نفجع : خيرك شني بكاك
حور تبكي وغرست راصها فلمخده
عين نسر : حور خيرك وجاها
غراب : انتي حور ره لو ناسيه
حور وخرت لمخده ومسحت دموعا
حور : حور نكسرت من خوها
عين نسر : عندك زوز غيره متبكيش وتعالي كولي شوفي شيف شني دارنا
حور من وصط دموعها تبتسم
غراب : نعجبك مالا شني درتلك دحي علي شكل غولا
حور : هههه
عين نسر : اي هكي أضحكي منبيش نشوفك تبكي
حور مسحت دموعها
غرتب شد يدها وقفها وجبدها ويهدرز
غراب : غولا لكن غولا مليحه مع زيتون وهريسه انسيت الخبزه حتي هيا ندير باها الغزل متع الغولا
حور ورا وميتا ضحك
عين نسر ناض من سرير ولحقهم
_______________
سمر : نيا وطلعو مشت للمطبخ وصقر وراها
سمر : قهوا
صقر قعمز ويشبحلها بحب ومن غير ما حواجبه يكونو خاشين بعض ومكشر
سمر تلفتتلا : خيرك متردش
صقر : اي ديري
سمر : به طلعت اابكرج وبدت دير
رندا : حبي احسبيني عندي هلبا قرايا
صقر : هديت أصيل
رندا : غدوا بنعطيهالا وبنقولا يسلم عليك الصقر لكبير
سمر : 😂😂قويا
رندا : هوا الي ختارها بنقولا وهوا الي طلعنا
صقر : مش ضروري عادي
رندا : نرجع لقرايتي ونتي الحقيني
سمر : به ندير القهوا ونجيك
رندا طلعت وهيا تتكلم : تمام
سمر حطت لميا علي ناروجت قعمزت قدام صقر
وصقر وضعيت حاط يدها علي خده ويتفرج علاها
سمر : خيرك صقور
صقر : بتولي ليا اني بس
سمر تحمشت
صقر قعمز ورجع لي طبيعتا
سمر : خيرك
صقر : متبيش انتي
سمر : من قال
صقر : جيبيلي مشروب تلقي فتلاجه أسود لونه
سمر : تمام ناضت جابت وحطهولا هادا متع طاقه
صقر : اي لئنه ندرب كل يون محتاجه
سمر : اي به وناضت لقهوتها
______
سعه 1 ليلن🌌🖤
رندا : وأخيرآ تميت افف مصعبه
سمر : ربي يوفقك نتصلو بلقرب
رندا : هي وتصلت
سمر مشت سكرت الباب ورجعتلها
أصيل : ايوا
رندا : أصيلو
أصيل : عيونه
رندا : كيف كملت سعتين بزبط
أصيل : بتوفيق يا رب غدوا نكمل نراجعلك وبدن الله تسكريه لمتحان
معتصم : يا هلا
أيهم : اهلين بيك عصومي حبيبي ان ارا عشقن هنا
ااكل😂😂😂
أصيل : أهلين شباب
أيهم : اهلين بيك حبي شلمور
أصيل : مليح وين مغتصين
أيهم : مع مرتي قصدي شي
الكل😂😂
سمر : غر امتا نزوجوك تركح
أيهم : دورينا
سمر : خلاص من غدوا نبدا
أيهم : لالا حشاني اني الباهي نتزوج لالا فوتي منبيش صغار وجيب ورفع ونبي قفطان تفلس بيا مهو توا متنخ فسيارتي علي لبحر جوي مليح ارجل من وحدا تزن عليه امتا نروح
سمر : ههه هلبا هكي
أصيل : بلعكس حلوا تستقر ويبدا بحوشك ومرتك
أيهم : لالا محلاني عزابي خلي مزال
معتصم : راهو هادا اشبح خيره راصه كل مره راي غدوا توا يقولك سمر دوريلي
رندا : ههه عادي ندورولا شني بيصير
سمر : اي عاتي عاتي
قصر : سمررر
سمر : صقوري ينادي خلي نمشيلا
أيهم : صقورك
مشت سمر لي صقر
رندا : اي خيرك
أيهم : صقورها صار من امتا صقوري متحباش هيا
رندا : عادي زي ما انتا ولد عمها هيا بنت عمه برغم هيا ويا ميتافهموش لكن توا ليش قاعدا بايتا عندنا غصبن عنهم تفاهمو ويحضرو في أفلام ومكسدين مع بعض
أيهم : مشاءلله وحني عاطيتنا تيرو
أصيل : جمعه نتلاقو يا نكد
أيهم : اي ان ساءلله
معتصم : احكيلهم شني صار اليوم
رندا بحماس : اي هي
ايهم بدي يحكي
______
سمر : خيرك
صقر : وين مغتصه
سمر : مع رندا كملت قرايا تهدرزلي
صقر شبح.يمين ويسار امه بابها مسكر رندا كدالك جبدها من يدها طاحت فحضنه
سمر : يشبحنا حد
صقر : لالا خليك
سمر حضناته كويس وقعدت تتفرج معاه علي تلفزيون
سمر : صقوري
صقر شبحلها
سمر : جعانه
صقر: هه قصدك جعانه بعد البيتسه هديكه
سمر : اي
صقر : تعالي وشد.يدها مشو للمطبخ
سمر : شني نديرو
صقر : امم شني خاطرك
سمر : مش عارفه
صقر : بطاطه قام يديه لابس فلنيت صوف رقبه لون ازرق ملكي وسروال أسود شخصيه بلبسه ومع العضلات قام يديه لنص قبل كعبت يده طلع تلاتا فرادي بطاطه وبدي يغسل فيهم
سمر : يحليلي صقوري بيطيبلي قربة وتكت علي كتفه
صقر : هي وبدي يقشر ورجع نقعهم
سمر : علاش حطيتها فميه من جديد
صقر : سر البطاطه هادا طلع خل وحط كشيك وشويت ملح
سمر : كيف هكي
صقر : اسرار ميعرفهاش هلبا
سمر : الله يعني تجيك زي شبس امتع المحلات
صقر : وأحلا منها
سمر : هي نشوفو
صقر بدي يقطع ويرجع البطاطه فلميه من جديد
سمر : امم حلو الباين
صقر: اي أكيد.وكمل سقطر حط زيت علي نار
سمر : اي وشن تاني
صقر واقف يسقطر فلبطاطه
صقر : توا رشت ملح بسيطه وحطها علي جنب
سمر : شني بدير معاها
صقر : شني تحبي
سمر : كتشف وميونيز
صقر : تم وطلعهم من تلاجه ومع مشروب وهيا عصير
صقر : تعالي ساعديني
سمر : شني هي
صقر : قطعي لخيار
سمر : به وببدت دير معاه
صقر واقف يقلي سمر تشبحلا بحب كيف قايم لكمام ويديرلا في بطاطه
صقر تلفتلها : خيرك
سمر : يحليلي اني بندوب معاش تشبحلي
صقر ضحك من وصط قلبه علي كلمتها
سمر : نجيهولي يا ربي
صقر : وربي بتعبيني قصدك بنقعد اني نطيبلك
سمر : مره اني مره انتا
صقر : به حتي هادا راي وقعمز جنبها
سمر تساويلا فرقبت الفنيليا : اي قولي بتحط زي المحلات فوقها ولا لا
صقر : كيف متحبي انتي
سمر : به حطها فصونيه وفوقها حط الكشب ولمنويز لكن حركها بشويت هريسه
صقر : تمام
سمر شدت خدودا : خيتي نجيهولي وناضت حطت لخيار فصونيه وحطت علي طاولا وتت طاولا وصقر يدير فلبطاطه
_________
أنت تقرأ
حوش جدي ❤
ChickLitعلي راصهم جدهم هاشم وحناهم خيريه عيلا متكونه من 5 عمات و5 عمام عيلا كبيره وكل حد مشاءلله عندا كدس صغار مهم نقولو اساميهم عمهم لكبير فتحي عندا زوز ولاد وزوز بنات هشام1994 وصقر1995 ورناد 200ورنا2006. سعاد عمهتهم سعاد تلاتا ولاد وزوز بنات خالد1995 إها...
