سمر : اممممم
ارهابي : تسكتي الهم جيب شوف خيرها
ارهابي 2 نحه لسقه
سمر : يدي توجع وتبكي
ارهابي : مهو كانا مهربتيش راهو مش هكي صاير
سمر : افف اااه يا يدي
ارهابي : تي وااك لسقلها فمها ولفلها يديها
سمر : لا لا خلاص خليني
ارهابي : مالا اسكتي
سمر : به
________
صقر : ملقو من ياخدو سمر سمر بدات خط احمر
نضال يشبحلا ومش فاهم
صقر : ورني بسرعه حطه قدامي لبتوب
نضال : غر كمل كمل مقعدش هلباا
______
أصيل : يا ربي رد الهم رد
أيهم : وينا خيره ميردش
أصيل : وين نندري ميردش اهو
أيهم : يا ربي يا ربي اصبر يا ربي استر
فدوا : يا ربي يحليلي علي بنيتي يا ربي وينها اخخ يا قلبي مهو قعدت فلحوش وقرت قرايتها
أحلام ام صقر : اهدي اهدي وكلي الله اهدي
فدوا : لا حول لا قوتا الا بالله
________
صقر : يسحابوني بدير تبادل مستحيل ع جتي
نضال هيا الكل ع خطه التفو ع مكان
صقر يجبد فسلاح ونزل وشغلا ونزل بكل هيبتا وبدي فها اضرب
نضال حدف رمانه جابت 5 ميتين
____
أرهابي : خش يجري
ارهابي 1 : جيب البنت بسرعه
سمر : سيبني سيبني
ارهابي : اسكتي وقدامي وجبدها رفعها معاه
صقر : وخر من علاها
ارهابي حط سلاح ع راص سمر
سمر تبكي : ص ص صقر :
صقر : جيتك
ارهابي : وخر ولا نفجرهولها برصاصه
صقر : الكل سلاح لوطه
نضال : تكيف يا صقر كيف
صقر شبحلا ع جنب وئشرلا بمعن يسمع لكلام
صقر : خلاها وبرا
ارهابي: يوخر وشاد سمر لين وصل فلباب طلقها وطلع يجري لسياره
سمر : تبكي وجرت فحضن صقر
صقر : اشش خلاص مصار شي جيبوهولي
نضال : فارس خالد وطلعو
صقر : كيف كيف شدوك قوليلي
سمر تبكي ومتبيش ترد
صقر شدها من يدها وطلع ركبو سياره ونطلق
_____
أصيل : ميبيش يرد الهم لحرف لا يطمنا لا شي
رندا جت
رندا : شني صار وجها رايح اصفر
أصيل : لتوا مفيش شي انتي بري كولي حاجه
رندا : منبيش الي نبيه سمر وين
أصيل : اهدي ومدوريش صقر خش فلموضوع خلاص
رندا : ان شاءلله يا ربي ترجع
أصيل : ان شاءلله خلاص مدوريش
_______
صقر يجري بسياره وقف في شقه وركب وشادها فيدها دخلها وسكر الباب
سمر : ايي يدي
صقر : لحقتيني ولا لحقتيني قولييي ويعيط
سمر تبكي ومنزلا راصها ...
صقر : هكي هكي تريحتي هكي ستخيلي دارو فيك حاجه تكلميي
سمر ...
صقر قرب ويتكلم : توا انتي ليش طالعه ولحقتيني ليش شني تبي مني
سمر : اا اسفاء وبدت تبكي
صقر : اوووف اوفف وخبط طاولا
سمر نهارت تبكي وقعمزت ع كنبه
صقر : انتي بس كيف بس قصدي معاش عرفت شني نقول
سمر حاطه يدها ع وجها وتبكي
سمر : ص ص صقر اا ا هدا
صقر : هكي معقولا لين خطفوك هكي تريحتي معقولا وريني كتفك
سمر : مرت رصاصه خدشتني بس
صقر : قلت ورييني انا
سمر : نزلت ورتلا كتفها
صقر : زحح هكي باهي تبي خياطه نوضي
سمر ....
صقر : قلت نوضي هيا
سمر ناضت مشت للحمام
صقر : ايوا نضال
نضال :ايوا
صقر : برا جيبلي من اول محل نساء عباه ووشاح وسروال وتشرت
نضال : تم
_________
صقر بعت لي أصيل
(القيت سمر وتوا حني بنمشو للمستشفي )
أصيل : ايهم يا أهيم لقها صقر
أيهم : قول وربي
اصيل : وربي وقال ماشين للمستشفي
رندا : ليش ليش خيرها سمر
أصيل : مش عارفه مهم انها بخير ولقوها
رندا : خلي نقول لي ماما ومرت عمي خشت تجري
رندا : عمتي عمتي
فدوا : ها شني سمعتي
رندا : لقهوا لقوها وصقر بيجيبها
فدوا : حمدلله يا ربي هيا وين كانت
رندا : شكلها كانت مع صقر
فدوا : وليش مقالوناش باهي ليش يخوفو فينا
_______
سمر طلعت بعد مغسلت وجها
الباب يطق : ....
صقر مشي فتح وخدي شكاير
سمر بهدو قعمزت
صقر : نوضي غيري حوايجك وهيا
سمر خدت ومشت لدار غيرت ولبست العبايه والوشاح وناضت
صقر : هيا
سمر بتردد : كيف وشني بنقول للعيلا
صقر : خلاها توا نقلهم كانت معاي
سمر : وسياره
صقر : عند صاحبي ورفعها رجعها للمزرعه
سمر من الفرحه حضنت صقر
سمر : شكرآ شكرآ هلبااا
صقر مسح ع ضهرها وتكلم
صقر : مدوريش هيا
سمر : قامت راصها خفت عليا
صقر : غير نضرتا للحاده وتكلم : قدامي
سمر : ههه تمام هي وطلعو
فلمستشفي
ممرضه : قعمزي هني لين نجيب عدت الخياطه
سمر خايفه : تمام
صقر : مش حتحسي شي
سمر : ...
ممرضه جت : هي اكشفي ع كتفك ولا نقولك نحي تيشرت باش نعرف كيف ندير
سمر تحشمت
صقر : خدو راحتكم وطلع وقف برا
سمر نحت تيشرت وقعدت بكنتيره
ممرضه : شويا خلي نديرلك البنج بتش متحسي شي
سمر : تمام
ممرضه دهنت البنج شويا وبدت تخيط
سمر مسكره عيونها
ممرضه : تميت
سمر : الله بجديات
ممرضه : ولله صطحيه 2 بونتو
سمر : تمام مشكوره
ممرضه : توا نساعدك تلبسي هي لبست وكلا وطلعت
سمر طلعت
صقر متكي ع حيط
سمر : تميت
صقر : هي وطلعو للمزرعه
__________
ارهابي : سيدي سيدي
تشارلي لف بهداكه الكرسي المتحرك
تشارلي : تكلم
ارهابي : مساعدك الأيمن حسن مفقود ليه 5 يام
تشارلي حدف كائس الوسكي ع طول يده
تشارلي : وين يعني دورو عليه
ارهابي : الباين مخطوف سيدي والمقر اشمالي تم اصطو عليه
تشارلي قتل العصفور الي فلقفص بيده خلا دنيا دم
تشارلي : كلاب كلاببب
ارهابي خايف : سيدي حنحاول نلقه حسن
تشارلي شدا من رقبتا ولسقا ع ساس ويتكلم
تشارلي : تجيبوووو مش تحاول وطلقه
ارهابي يكح وطلع يجري
صورت صقر ع حيط ورا كرسي اتشارلي ومعبيه ماس ومقطعه
تشارلي : صقر يا صقر لو تعرف ماضيق شني بدير حنوريك يا كلب وحشي الموس الي طلعه من خصره فصورت صقر جهت قلبه
_________
سمر : مزال
صقر : شويا
بعد نص سعه وصلو
سمر : خايفه
صقر : معاي مفيش خوف ونزل ولحقاته سمر
فدوا : بنيتي وحضنتها
سمر تستعبط: خيرك ماما
فدوا : وين كنتي
سمر شبحت لي صقر
صقر : كانت ع فرس وطاحت يدها نفتحت رفعتها خيطوهالها
سمر : اي لكن متوجعش خلاص
فدوا : ي روحي ع بنتي
سمر : مفيه شي خلاص ماما
رندا جت تجري حضنت سمر
رندا : سمر سمر يا قلبي
سمر : مفيه شي خيركم
أيهم جي ضربها ع راصها : هكي تخوفينا عليك
سمر : خيركم خفتو
اب سمر جي عصام : وين كنتي يا بنت
صقر وقف قدام سمر : كانت معاي يا عمي
عصام : وليش علاش
صقر كانت راكب ع فرس وطاحت كتفها نفتخ جت ع رشاده ي عمي مفي شي
عصام : باهي تمام ترا يدك يا بنت
سمر : بابا مفها شي بونتوين
عصام : به ربي ستر يا بنتي هي خشو كلكم
خشو كلهم لصاله
______________
سمر فلمطبخ : جها أيهم وأصيل
أيهم : تكلمي كيف خطفوك
أصيل : جي وقعمز قدامها تكلمي كيف صار
سمر : شني عرفكم انتو
أصيل : صقر قالنا تكلمي
سمر : اني لحقت صقر ولما لحقتا في سياره قصت عليا ونزلوني ورفعوني
أصيل : لا حول لله
أيهم : وكيف صار بعدين
سمر ..بدت تحكي
________
في مكان تاني صقر يدخن فجنان ويتمشا ويفكر وقلبه حارقه لو قتلوها لو صارلها شي يدور وقلبه معبي يبي يعيط يبي يسب علاها يقلها كيف هكي عيط علاها ومشبعش
سمر من تالي
سمر : صقر
صقر دار ونفخ دخانه وشبحلها بغل
سمر : اي بدينا فشبحات
صقر : نبي نعرف منين جاتك هادي جراء ولحقتيني
سمر تربكت وبدت تلعب بصوابعها بتوتر
سمر : اسفاء قتلك بس ولله ما نعرف
صقر قرب بكل غلل ويتكلم
صقر : انتي كيف بس كيف علاش قوليلي
سمر : اسفاء صقر بس وربي خفت فنفس الوقت وندمت
صقر : لو قتلوك هادو ارهاب وخدمتي ضد لرهاب يعني نقتل فيهم وندافع علي لبلاد انتي شني خلاك تلحقيني
سمر حطت يدها ع وجها وتبكي
صقر : هادي اخر مره تدخلي في حاجه مش ليك ومعاش تبكي خلاص
سمر مسحت دموعها
صقر : خلاص خشي بري
سمر خشت وساكته
_____
أصيل خش للمطبخ :
رندا : اهلين
أصيل : بيك قهوا عادي
رندا : هي من عيوني وناضت دير فها
أصيل مشي للمربوعه
رندا دارت القهوا وحسبت الكل وبدت اتوزع وصلت في أصيل ومدتلا
أصيل : مشكوره
رندا : ولو
_________________
صقر فلمقر
ارهابي : خوك عايش
صقر نسدم
نضال : كيففف شنهيا كيف عايش
صقر : تكلم كيفف كمل كلامك
ارهابي : هادا الي نعرفه بئنه عايش وبس
صقر خبط طاولا : خوي من هوا صغير مخطوف عايش ميت منعرفش توا تجي تقولي عايش هادي كيف
ارهابي : القائد تشارلي يعرف مني يكون وين حتي
صقر : كلب مهو نضال لحقني
نضال وصقر طلعو زوز للمكتب وخلو الأرهابي محبوس
___________
صقر : كيف نبي نعرف خوي وين
نضال : حنلقو بدن الله حنلقو وحنعرفو وين
صقر : حنشرب من دمه تشارلي هادا
نضال : كلنا مش انتا بس حنزيدو نعرفو كل شي
______
تشارلي يلود فهداكه المكتب الي معبي قفوصه متع عصفير وصور اعداء كلهم حايطين بيه
تشارلي : اني حنقتلك حنقتلك يا صقر يلي مخرب ختطي كلها
ارهبي خش يجري
تشارلي : تكلم
ارهابي : عرفت عرفت لما هجمو ع مقرنا قتلو جميع حراسنا ورفعو حسن
تشارلي حدف اطاولا بكل غل وشده من رقبتا
تشارلي : كيف كيف عرفت تكلمم
ارهابي : من اقرب شخص قريب لصقر جاسوسنا
تشارلي : هادا لكلام الحلو
يتبع.....
_____
هاي هادا البارت ان شاءلله ينال الأعجاب
منهوا اجاسوس وشني بيصير فلبارت جاي انتضروني
روايت حوش جدي بقلم الكاتبه نوسه❤
أنت تقرأ
حوش جدي ❤
Chick-Litعلي راصهم جدهم هاشم وحناهم خيريه عيلا متكونه من 5 عمات و5 عمام عيلا كبيره وكل حد مشاءلله عندا كدس صغار مهم نقولو اساميهم عمهم لكبير فتحي عندا زوز ولاد وزوز بنات هشام1994 وصقر1995 ورناد 200ورنا2006. سعاد عمهتهم سعاد تلاتا ولاد وزوز بنات خالد1995 إها...
