ليتني يسعود مافتحت له بيبان قلبي ليتني عييت

والله محدن مخاذها غيري

اولا شيء حابه أوضح(اختفيت لاسبابي الخاصه) اتمنى الي يعرفني من قبل مايجب طاري حساباتي القديمه والا والله لانزعل من بعض .
كل شخص وله اسلوبه وبذي الفتره عرفتي اسلوبي الخاص
وبكذا بغير اسلوبي بالكتابه. 
احبكم ي ناقاتي.

--
-
-

دخل سعود وهي سمع كلام الكل وكيف بيخذون الشخص الي حبه من صغره وهو عارفن بحب الثاني له :علي الحرام ان خذت غيري والله لاسوي شيء بنفسي ،وأعطى نظره للجد الي خاف يسويها حفيده صدق لنه يعرفه عنيد وراسه يابس:اقعد أعقد ي ولدي وهاذا نصيب البنت ليش توقفه
رد عليه وهو عيونه حمرا من العصبيه والقهر : لاتسذب علي يا جدي لاتسذب هاذا هو بيملك عليها الحين وهو توه خاطبها!، والله ماتكون حرمن له 
قاطع حديثهم الوافي وهو يرص على شفايفه:بحّر بحّر غاد ، وأشر على الباب وكمل :تدل الدرب والا أدلك اياه ؟
عصب عليه وهو يقول : قسم بالله اذا ماسكت اني لاترك جثه هنا!، نرفزه الوافي وقام له سعود وادشنه ودقه دق بالأرض:ها يالرخمه منهو هلي يدل الدرب؟
وكمل ضرب فيه والكل يحاول يفكه بس محد قادر وعصب ابو الوافي:مانبي بنات من عندكم! فكككو ولدييي، ابتسم سعود ونطق وهو ياخذ نفس من كثر التعب : هه هاا تدل الدرب وانا اخوك؟،وعطاه ضحكه خلته يطق من القهر وسحبه ابوه وطلعو للخارج وهو قبل لا يطلع : والله اني لارجع وتشوف ي سعيدون ابو راس مفلوق
انقهر من مناداته بذا الاسم لكن مارد ولف على العيال الي انهاروا ضحك:تكفى بطني تكككفى
الجد قام ومعه العصى وسعود يحسبه هو والعيال بيسطرهم وبعدو عنه وخلو له مجال يسطر ب سعيدونه،لكن انصدمو يوم قرب ومسك يد سعود وقربها لصدره واحضنه وعيونه تنثر بحر الدموع:تدري هل موقف انعاد علي؟ اذكر ابوك يومه خذ امك وواحدن من هل جماعه وده فيها لتسّنه قام وسوو مثل سواتك بالظبط ، وبعد عنه وطلع لبرا يبكي.