وجوه مختلفة

الفصل السادس

نهار / داخلي في بيت ميرال

صحيت ميرال من النوم وهي مرهقه وعنيها حمرا من كتر العياط كانت كسلانه جدا ومش قادره تقوم ،مكنتش عايزه تروح المدرسه بسبب البنت اللي بتهددها بس برضو مش عايزه تقعد في البيت قامت لبست هدوم المدرسه ولما طلعت من اوضتها لاقت ابوها قاعد بيشرب قهوه علي الكنبه و بيقرا جرنال بصلها بطرف عينه كأنو بيطمن عليها بس مش عايز يكلمها وهي تجهلته وقالها
ابوها : "رايحه المدرسه ؟"

تصنعت ميرال انها لم تسمعه ، فغضب ابوها من تصرفها وقال: "اظن بكلمك وانت سمعتيني ؟! "

قالت ميرال بنبرة هادئه :" اظن برضو واضح انا رايحه فين .. بعد اذنك "

نزلت ميرال من بيتها بس مراحتش المدرسه وفضلت تمشي في الشوارع وتفتكر لما أبوها ضربها، تدمع وتحبس الدموع في عنيها لحد ما وصلت لشوارع وسط البلد وكانت الساعه ٩ والمحلات بدأت تفتح كانت بتتفرج على المحلات وعلى المباني القديمه والشوارع وفجأه خطر على بالها زياد وكلامهم اخر مره وازاي كان بيتأسفلها مع انو معملهاش حاجه ضحكت وهي بتفتكره واتمنت انها تشوفه دلوقتي وتشتكيله اللي حصل وبتفضل تتمشي في الشوارع ومزجها اتحسن شويه لما افتكرته، واكتشفت ان مفيش طريقه تتواصل معاه غير انها تروح نفس المكان وقررت انها هتتعرف عليه اكتر ، قلبها مال لأول حد كان حنين معاها.

________

نهار/ داخلي في بيت زياد

صحي زياد من النوم وصلي وفطر وفضل كل شويه يبص علي الاب توب بتاعه ويشوف الشركه اللي قد فيها بعتتله رساله ولا لا لحد ما جيه على باله صاحبه ايمن

رفع الهاتف على اذنه وقال: "الو ... اذيك يا ايمن عامل اي ؟"

كانت نبرة صديقه بها شيء من الضيق : "ولله .... دلوقتي افتكرت؟"

استغرب زياد:" اي يالا مالك في اي ؟"

قال ايمن : "ما انت لو مهتم كنت عرفت"
ايمن كان بيتكلم بجد بس زياد فكره بيهزر وقال 
زياد: "هي هبت منك يلا ولا اي ؟"

اخبره ايمن بما يشعره بالضيق قائلًا:"  هو انت مش واخد بالك انك مش بتيجي تقعد معايا بقالك كتير؟"

شعر زياد بالحرج منه فأيمن يعيش وحده ويعتبر زياد اخوه وعائلته؛ قال زياد : "عارف معلش حقك عليا ...بس انت شايف اهو كل ما انزل بدور علي شغل"

تأفأف ايمن :" يابني انت غاوي تعب ما انا قولتلك تعالا اشتغل معايا في الجيم "