شيخه : ههههههههه عمر عيب لا تقول جي عن الناس
عمر : شسوي انتي شوفي شلون قاعد يلعب قهرني
شيخه : ماعليه بس لا تقول جي
عمر : يعني انتي المحترمه ولا كيف ههههههههههه
شيخه بعصبيه : شقصدك يعني انا شو؟
عمر : ولا شي انتي اعز انسانه على قلبي
ملاحظه :- مجرد ربع وعمر كان جدا محترم معاها
فالصاله :-
بو شيخه : شيخووووه تعالي
شيخه وهي متنرفزه : عمر شوي وبكلمك ابوي يزقرني
عمر : خذي راحتج
شيخه : ها ابوي
بو شيخه : شو تسوين هالكثر داخل؟؟!
شيخه : يالسه اذاكر
بو شيخه : واضح ماشاءالله عليج من زود الذكاء هالكثر تذاكرين وبعد ترسبين تبارك الرحمن
شيخه : اوووه ابوي خلاص ليش زقرتني؟
بو شيخه : سيري جوفي اخوج حمود وينه
شيخه : تراه خبرك انه اليوم بيروح فندق فدبي ويا ربعه
بو شيخه : انزين خلاص اذلفي
ام شيخه : ياريال عامل البنت بحنان شوي ليش جي؟!
بو شيخه : يعني شو تبيني اقولها؟؟؟ حبيبتي وعمري؟؟!
ام شيخه : ماقلنا جي بس حسسها انه فيك شوية حنيه يعني
بو شيخه : هاييل بنات ماينفع معاهم الدلع والحنان لازم نكون شديدين وياهم
فالغرفه:-
عمر : شفيج بوزج واصل عندنا سوق المباركيه هههههههههه
شيخه وهي مبوزه : عمر مايضحك اتنرفز اذا كل شوي ينادوني هاي يمكن سابع مره يزقروني
عمر : اهل جذي يتطمنون عليج انهم كل شوي ينادونج ولا تبينهم يدشون عليج الغرفه مره وحده؟؟
شيخه : لا طبعا شو الي يدخلون الغرفه هم حتى قفل حق بابي مب حاطين
عمر : خلاص عيل تحملي
شيخه : يالله خلنا ندش قيم واحد وعقبها نلعوز الناس
عمر : احب الي يفهموني ههههههههههههههه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
تمنيتك
General Fictionبنت بعمر المراهقه كانت ترتكب اختطاء كلفتها وايد اشياء في حياتها من الدراسه والحب والاهل
