𝐌𝐚𝐭𝐜𝐡 𝐌𝐚𝐝𝐞 𝐢𝐧 𝐇𝐞𝐚𝐯𝐞𝐧 : 𝐘𝐔𝐍𝐊𝐈

Prologue

ပတ်ဝန်းကျင်ကမေးတယ် မင်းသူ့ကိုသိပ်ချစ်တာပဲမလား။ မင်းတို့အတွဲကိုတွေ့လိုက်တိုင်း ချစ်ရနံ့တွေထုံသင်းနေတာ...မင်းတို့ရဲ့ အချစ်ဇာတ်လမ်းလေးက သိပ်ချိုမြိန်ခဲ့မှာပဲ။ ဘယ်သူကစချစ်ခဲ့လည်း။ ဘယ်သူကစဝန်ခံခဲ့လည်း။ ဘယ်သူကအချစ်တတ်ဆုံးလည်း။

ကြားရဖန်များတဲ့ စကားတွေ။ခဏခဏမေးခွန်းထုတ်ခံရတဲ့အချိန်တွေတိုင်း ချစ်ရသူကတော့ မေးလာတဲ့မေးခွန်းတွေကို အပြုံးနဲ့ပဲတုန့်ပြန်တယ်။

အဲ့ဒီလူကဘယ်တော့မှအဖြေပြန်မပေးဘူး။စချစ်ခဲ့တဲ့လူက ဘယ်သူဆိုတာလည်းထုတ်မပြောဘူး။ဘယ်တော့မှလည်း စဝန်ခဲ့တဲ့သူကိုမဖော်ပြဘူး။ဒီတိုင်းလေးပဲ ပဟေဠိဆန်ဆန် ပြုံးနေခဲ့တယ်...

ဒါပေမယ့် အဲ့ဒီလို အပြုံးတွေရဲ့နောက်ကွယ်မှာ လူတွေသိပ်သိချင်ကြတဲ့ဇာတ်လမ်းလေးတစ်ပုဒ်ရှိတယ်။

ကာယကံရှင်တွေပဲသိနိုင်တဲ့ဇာတ်လမ်းလေးတစ်ပုဒ်။ တစ်ယောက်သောသူရဲ့လက်ဖျံပေါ်က လူတွေမြင်ခဲတဲ့ တက်တူးလေးရဲ့အဓိပ္ပာယ်။အညိုရောင်ကမ္ဘာငယ်လေးထဲက ခမ်းနားတဲ့ချစ်ခြင်းတွေ။

ချစ်ရသူမဖြေခဲ့တဲ့ မေးခွန်းတွေကိုဖြေပေးဖို့ကသူ့တာဝန်ဆိုရင် ဒီဇာတ်လမ်းလေးရဲ့ စာမျက်နှာနံပါတ်တစ်ကိုစလှန်ရလိမ့်မယ်။စာအုပ်နာမည်လေးက Match made in Heaven တဲ့။

ဘာလို့ဆို မောင်နဲ့ငါကကောင်းကင်ဘုံရဲ့ချီးမွမ်းခြင်းနဲ့ပြည့်စုံတဲ့တွဲဖက်တွေမလို့လေ...

25122023