His Knight [SeokSoo]

Chapter - 1

"မယ်မယ် ~ ဒီမှာ ကြည့် သားတော် လုပ်ထားတာ"

ဆယ်နှစ်အရွယ် မင်းသားလေး ဟာ သူလုပ်ပြီးတဲ့ မြေအိုးလေးကို သူ့ မယ်မယ် မြင်အောင် မြှောက်ပြ ပြီး ချိူသာတဲ့ အပြုံးတွေ ဝေနေတယ်။

"‌မင်းသားလေး က အရမ်းလက်ရာကောင်းပါလား မယ်မယ့်ကို သေချာပြပါအုန်း အနှစိတ်လေးတွေ လုပ်ထားတာ ကြည့်ရအောင်"

မိဖုရား ဟာ သူမ၏ သားတော်ကို ချီရင်း ပေါင် ပေါ်သို့ တင်လိုက်သည်။

မင်းသားလေး ဟာ မိဖု‌ရားရဲ့ ရင်ခွင်ထဲ မှီ ရင်း ‌သူ့ လုပ်ထားတဲ့ မြေအိုးလေးကို ‌သေးငယ်တဲ့ လက်လေးနဲ့ အသေးစိတ် လေးတွေကို ထောက်ပြရင်း ရှင်းပြနေတော့တယ်။

"ဒါလေးကလေ မယ်မယ် သဘောအရမ်းကျတဲ့ ခွာဝါပန်းလေးတွေ ကို သားတော်က ထည့် ဖော်ထားတာ သိလား "  မင်းသားလေးက သူလုပ်ထားတာကို ဂုဏ်ယူစွာ နဲ့  မိဖုရားကို ပြောပြနေသည်။

"သိလား မယ်မယ် ... သားတော် လေ တစ်နေ့ ကြ မယ်မယ့် အိပ်ခန်းမှာ ပန်းလေးတွေ ထိုးလို့ ရအောင် ဖန်ပန်းအိုးလေး လှလှ လေး လုပ်ပေးအုန်းမှာ .... နေရောင်လေး ကျလာတာနဲ့ သက်တန့်လေးတွေ အခန်းထဲ ဖြာထွက် လာအောင် လှတဲ့ ဖန်အိုးလေးမျိုး ~ " 

ခြေလေး ယိမ်း‌ရင်း ပြောနေတဲ့ မင်းသားလေး ကို တစိမ့်စိမ့်ကြည့် ပြီး ပြုံးနေတဲ့ မိဖုရား ဟာ သူမ ၏ သားတော် ရဲ့ အပြုံး ကို ကာကွယ် ဖို့ ဘာမဆို စွန့်လွှတ်နိုင်တယ် ဆိုတဲ့ ဆုံးဖြတ်ချက် ချရင်း ခေါင်းလေးတစ်ညိမ့်ညိမ့် နဲ့ သူမ ၏ သားတော် ပြောနေတာ ကို နားထောင်နေတော့တယ်။
.
.
.
.
.
.
.
.
.
.
.
.
.
.
.
.
.
.
ညသန်းခေါင် အချိန် လူတွေ အိပ်မောကျနေချိန်မှာပဲ မင်းသားငယ်လေးဟာ တစ်ရေးနိုးလာခဲ့တယ်။

"မယ်မယ် ? " စကားတိုးတီးပြောသံတွေ ကြားလို့ ကုတင်ပေါ်မှ ဆင်းလာကာ တံခါးပေါက်စီ လျှောက်လှမ်းလာတော့သည်။

"မင်း လုပ်ရက်လှချည်လား .... ငါ့ ယုံကြည်မှုတွေကို ဒီလို .....ဒီလို အလွဲသုံးစား လုပ်ပစ်ရလောက်အောင်ထိ ..... ငါ မင်းကို ဘာတွေများ လုပ်ခဲ့မိလို့လည်း " မိဖုရားရဲ့ နာကျင်သံ ကို ကြားမိတဲ့ မင်းသားလေး ဟာ စိုးရိမ်စိတ်တွေ ဖြစ်လာခဲ့တယ်။