Writer:حِوار آل سُليمان
تصويت لُطفاً سويتي + كومنتز
سُورَ قَلبي هَشٌ خطواتُكِ تُزلزِلهُ.
◇.◇.◇.◇.◇.◇.◇.◇.◇.◇.◇.◇.◇
بقوا يتناكرون بيناتهم وانا اخذت آمنه و ولاية وصعدنا فوك نسولف وحدنا واستوقفنا صوت هورنات عاليه كُلش جايه من برا..
آمنه: شكو بنات خاف صاير شي
نسُل: لا اوكفي خلي نشوف
كُمنا كلنا للشباك العريض وخرنا البرده وجان نشوف المنظر..
فوك ال 4 سيارات وسيارة غِياث و صيهَد وفرقة موسيقية و كومه ولد و ولد المنطقه يركصون وصوت الموسيقى عالييييي ويدكون كُل قوتهم ..
ضحكنا بفرح وآمنه كامت تكمز و ولاية خربت علينا تريد تذب روحها من الشباك
ولاية: ولكم خلوني اطلع وياهممم هلا هلا بويه عاشو انچخ انچخ بعد ايدي
آمنه: ولچ عزه باعي شلون يركصون حموت شكد حلوين
انفتح باب بيتنا وطلع يسُر وادهم واعلان انطلقوا وياهم حرفياً ركصوا المنطقه كلها ..
شويه وصعدوا صيهَد وغِياث على اكتافهم يفترون بيهم ويركصون ويهوسون واحنه من يمنا نهوس ونركص وياهم
فرحتنا چبيييرة حيل ...
شويه وطلع جدي يصيح ما سمعنا شنو يكول لان من الشباك بس ما طولت الفرقه وراحت وكذلك السيارات والناس وبقوا بس غِياث وصيهَد واكفين ويه الولد
ولاية: ياا ليش وكفوا ولكم ارجعوا عمو صدك تحجووون
تحجي وياهم من وره الشباك وتطفر بقهر
_ارجعوا عفيييه لا تروحون يااااااا ولكم وين مولين شنو نتوسل بيكم ياااااا شكد ما يستحون
آمنه: وجع ما كفاچ الركص هذا كله
ولاية: وين كفاني وين
نسُل: مهيلگه وعلي
ولاية: دنچبي هيَ الحياة شلون تخلص بالنويح؟ اذا مو واحد يركص ويهوس ويفرح ويضرب الحزن چلاق وطُز بالراح وطُز بالاجه
آمنه: اتفق احلى شي واحد هچي يعيش
ولاية: أي والله هسه لو يگولولي ابوچ مات هم ما أحزن هواي كم يوم وارجع لنمطي الحياة حلوه
كفختها آمنه على راسها وحجت
آمنه: مو لهالدرجه يمعوده اذا صرتي هجي يشوفونچ خفيفه مو منفتحه للحياة
ولاية: ما تهمني نضره الناس وكلامهم
آمنه: بالعكس ولاية ميصير البنيه اهم شي سُمعتها لازم تثگلين وتتصرفين برزانه مو حلوه يكولون على بنيه خفيفه لو ما تستحي واكو ناس من تشوفچ هجي ما يكولون دمها خفيف لو هيَ شخصيتها مرحه يكولون ملطلطه هايَ وماعدها تربية ف لازم شي ضروري تثگلين
أنت تقرأ
نسل السلطان
General Fictionنسَل ليسَ كَسائِر الانسَال ! طُغيان ليسَ لهُ مُلان جَبروت يغطَي عالماً رِجال يُنادون برَجل واحِد ! لا يُلهَيهُم رحَمان ولا تُغريهُم أمّوال لا يحَملون سَواءّ السُلطان كأن سلاطِين العَالم تجَمعوا بهِ ليتسَلط عَليهُم يحَملون أقصَى الجُنون لينث...
