من شفتها صرت ارجف وجمرات انتقامي زاد لهبها

الفصل 24

بعد مرور يومين..!!
كندا-الساعه-9:00ص ..!!

الوليد.. من يوم هدد ميس..
قبل يومين...صار مره مشغول ...
مايرجع الا متأخر..!!
وتكون ميس نايمه....الوليد .
.مستغرب هدوء مرام...وعدم تآففها..
من انشغاله عنها.. مثل كل مره...!!
وميس ...متطمنه.. لانها ماتقابله ابداا
...يصلي الفجر...ويلبس ويطلع.
.بدون حتى.. مايشرب قهوته...بس تخاف.
. وتحس انه..مايسمى الهدوء.. قبل العاصفه.
...صحت اليوم بدري...الساعه 7:00ص..!!
ونظفت ورتبت...واخذت شاور
..لبست بنطلون ابيض...وبلوزه أسود..
.اكمامها طويله..وتوصل لنص الفخذ..
...ماسكه على جسمها قوه...جففت شعرها.
..ورفعته بكماشه...بشكل عشوائي..
وتناثرت بعض الخصل...
حطت مرطب شفايف.. لونه وردي خفيف
...كانت بتحط ماسكارا...بس رموشها ماتحتاج.
..وخافت من الوليد...بخت من عطرها..
اللي باقي له.. كم بخه.. ويخلص..
.لفت بتطلع..شافت دبدوبها الابيض.!!
.ابتسمت.. وراحت ..شالته.. وضمته..
.وتطالع فيه.. وبالقلب الاحمر...
واسمها المنقوش عليه...ابتسمت بحزن..
...اخذت نفس...فتحت السحاب..
اللي ورا الدبدوب..وطلعت السلسه..
ولبستها...رجعت الدبدوب مكانه..وطلعت!!
..نزلت للصاله....راحت المطبخ
..وسوت حليب ..وطلعت...
.وهي تفكر بنفسها..وبالالم اللي صار .
.يزيد عليها هالفتره..بشكل مخيف...
وادويتها.. باقي بس 4حبات.. ويخلص...
.والله يستر.....جلست ..فتحت الشاشه..
المعلقه ...وماخذه نص الجدار...كان برنامج
..عن المشاهير...كل حلقه يستضيفون.
.نجم..او مشهور...بلقاء مباشر....!!
بدأ البرنامج.. موسيقى حماس..
.وصور مشاهير..وفنانبن وفنانات..
.ميس تحمست...رفعت الصوت ..وتربعت
...بدأ البرنامج....المذيعه...بدت بالمقدمه.
..للبرنامج..المذيعه..واقفه ...وتتكلم بحماس
..بالانجليزي..راح اكتب بالفصحى..!!
المذيعه..تطالع للكاميرا :مرحبا ..
بكل متابعي برنامج..نجوم.. ومشاهير....!!
لفت لليمين ....اليوم...سيكون نجمي..
غير عادي...نجمي اليوم...نجم .
.سطع بسما الشهره وسما ..شخصيات
..صنعت نفسها...وصعدت سلم الشهره...
درجه درجه...حتى وصل للقمة..!!
.المذيعه تلف للكاميرا اليسار...
.نجمي اليوم...يختلف عن كل النجوم الذين.
.استضفتهم هنا...نجمي يختلف عنهم ..
..ب3 اختلافات....لا بل 3 مميزات....!!
المذيعه تطالع للامام....سأعرفكم .
.على مميزاته..واترك لكم تخمين ..
من هو نجمي...!!
الميزه الاولى لنجمي....
.انه عرررربي....!!
لفت لليمن...الميزه الثانيه...
..انه مسلم....!!
لفت لليسار...الميزه الثالثه....
سعودي الجنسة...وبحمااااااس..
.هل عرفتموووووه....؟؟!!

ميس دق قلبها....وبتوتر:
معقول هووووووو....؟
جاء صوت.. من وراها:يب....هووووو
...انا متأكده...انه هوووو.!!
لفت للصوت...مرام.. توها صحيت.
. حتى شعرها منكش...ميس ضحكت..
على شكلها..:هههههههه..!!
مرام كشرت.. وجلست بقوة بكسل:
ضحكتي بلا ضروس.....ازعجتيني ترااا.
.الصوت واصل لعندي..!!
ميس:ههههههه...سوري....!!
ولفت للشاشه..وهي تفرك ايديها ببعض
....تتوقعين هووو..؟؟
مرام ..لاحظت حركت ايديها..
وتوترها...هزت راسها:يسسس...
وترا ماقال لي شيء...بس حاسه انه هو..!!
المذيعه بحمااس:هل عرفتمووووووه..
..سيكون معي ..هنا بعد قليل..
.لكن اولا.. وحتى تخمنوا...سنشاهد معا.
.تقرير مميز.. عن ضيفي..اااء..اقصد..
عن نجمي المميز...هيا بنا...!!
قلب ميس يدق..مع الموسيقى الحماسيه
....حست بكهرباء تمشي بجسمها....
صور للوليد..بدت تعرض....صووور.
..للملياردير الوليد...صوره بمكتبه...
.وصوره يصافح ناس...وصوره بسيارته
..وهاهي.. صوره مع عبدالعزيز..
.وصوره مع بعض رجال الاعمال...
صوره..ورا صوره ورا صوره...!!
توقفت الشاشه ..على صوره بزواية..
الشاشه اليسار...الوليد.. لابس..
جينز سماوي...وتي شرت ابيض
ضيق.. ومفتوح لنص الصدر....
.شعر بشكل عشوائي...على وجهه..
.وفي خصل.. طايره بالهواء...وثابته..
مع ثبوت الصوره.....نظراته الحاده...
وعيونه الواسعه..رموشه الكثيفه...
حواجبه المرسومه...انفه الشامخ..
.شفايفه ...اللي تلمع بالصورة..
.ماسك نظارته من ديور بيده....
.وجزء منها.. بين شفايفه...وعاض عليها.
..بحركه مثيره....!!
ميس قلبها يدق....وتحس بنظراته
..موجهه لها...وكآنه حتى بالصورة...
يطالعها بحده....في عيونه شيء..
يخلي جسمها ينتفض....بس مو خوف.
..لا حب...ايه تحبه..وتحبه..!!
مرام ملاحظه...نظرات الحب..
بعيون ميس...ماحست بالغيره.
.بالعكس ..حزنت على ميس....!
بجنب الصوره.. جهت اليمين للشاشه.
..بطاقة الوليد الشخصيه.....بالانجليزي..!!
الاسم:الوليد عبدالعزيز ال...!
الكنيه/اسم الشهره:الجنتل مان...!
العمر:33 سنه..!!
الدوله:المملكه العربيه السعودية..!!
الحاله الاجتماعيه:أعزب.!!
الاسره:ام...اخ...اخت....اب متوفي.
..اخ متوفي..!!
المجال المهني:أعمال حره...!!
الهوايات:القراءه...السباحه..ركوب الخيل.
..الصيد....السفر....الاستجمام....
...رياضة الجري...
التزلج.....الاسترخاء....الموسيقى الهادئه....!!
ميس ...بنفسها..والتعذيب...والتجريح..
.والاهانات....والانتقام....نعم الانتقام..
.رجل انتقامي...يالوليد..!!
ஜღ.ஜღ.ஜღ.ஜღ.ஜღ.ஜღ.ஜღ
بالسعوديه...!!
الوقت كان الساعه-3:00م ..
..قبل العصر..!!
طبعا عزوز.. من هواة هالبرنامج..
..غير ان الوليد.. قاله..انه راح يكون..
بمقابله بهالبرنامج.....بعد ماأصر عزوز.
..انه يقوله اخباره ..مع الاعلام ...قاله.
..ولا الوليد ...مايحب يقول لاي احد..
.بطلع بهالبرنامج....مسسسستحيل يقوله.....!!
عبدالعزيز.. مع اهله.. توهم تغدوا .
.وجالسين بالصاله....ماعدا خالد...
اللي بالشركه...وطبعا..عزوز ..خبر الكل .
..وارسل رساله بالقروب.....وعائلة الوليد.
. كلها عرفت ..عن المقابله...
والكل يتابعها......!!
ساره بحماس:والله اشتقت لميس...!!
عبدالعزيز..عطاها نظره ..جمدت الدم ..
بعروقها..تذكرت ..ان المفروض محد يدري
...ان الوليد ..متزوج ميس..
.....مثل ماهي مفروض ..انها للان بالظل..
.مثل ميس...سكتت..!!
سحر:من ميسسسس..؟
ساره توهقت....لينا بحماس:
مين هي...؟
ساره ابتسمت بتوتر:ههههه....أختي
...طرت ببالي بسس..خلونا نتابع بسسس..!!
لينا بهيام:وووه..ياربييييه...
وش هالجمال....اووو ماي قااد.....!!
سحر مثلها:وووه ..شووووفي الخقققه
..اه ياقلبي..!!
عبدالعزيز.. لف لهم:يالخايسات..
وقدامي بعد ....صدق ماتستحون..!!
سحر بتطنيش:وووويه عاد...
كل بنات العالم.. خاقين عليه...ووووه..!!
ام عبدالعزيز:بس انتي.. واياها..
فشلتووونا...!!
عزوز.. وامه...يخاصمونهم....
ساره ..ابو عزوز..يضحكون...
لينا ..وسحر ...تطنيش.. وخاقات بقوه...!
ஜღ.ஜღ.ஜღ.ஜღ.ஜღ.ஜღ.ஜღ.ஜღ
ببيت ام الوليد..!!
سامي...وامه ..يتابعون البرنامج..
بعد ماقرأ سامي ..رسالة عزوز ..ع القروب....!!
سامي:هههههههههه...قسم بالله..
حتى المذيعه.. شكلها خقت.. على ولدك
..هههههههه..!!
ام الوليد:بسم الله على ولدي..
من هالشهبه...!!
سامي:هههههههههههه...ماشفتي .
.كيف قدمت الحلقه...شوي بيغمى عليها..!!
ام الوليد:هههههههه...هذا وهو..
باقي ماجلس معها.. ههههههههه..!
سامي:ايه...الله يعين قلوب..
بنات حواء..،على نجم هاليوم..!!
ام الوليد:بسم الله عليه...وووه فديته.
..طالع على امه اكيد..!!
سامي.. بقق عيونه:هاه...يمه..
تقصدين نفسك...قصدك الوليد يشبهك...
اووووووه...لايسمعونك البنات...
غير يقولون ..مستحيل ذي أمه...
وين لوين...،هههههه..!!
ام الوليد.. ترميه بالمخده:
انطططم بسسس...ياقليل الحيااا..
..مو ماليه عينك ..؟؟
سامي:هههههههههههههه....قسم انك.
. اجملهم كلهم ...لبى ام سامي بسس..!!
ام الوليد ابتسمت:قصدك.. ام الوليد..!
سامي.. يسوي انه زعل:خلاص ..ام الوليد..!!
ام الوليد:هههههههههههههههههههه..!!
ஜღ.ஜღ.ஜღ.ஜღ.ஜღ.ஜღ.ஜ
ببيت ابو طلال..!!
الكل أجتمع بالصاله ...والصوووووت.
. مالي المكان.. ومزعج....!!
طلال :ههههههههه...لبيه والله..
.وصل.. ابو عبدالعزيز ههههههه..!!
مشعل:خخخخخخخخخخخخ...
ماشاء الله عليه...هالشقراااا ..ماتت ..
وهو مادخل...يارب اوعدنا..!!
ام طلال ..ترميه بالمخده:يوعدك بشنووو
...بهالشقرا ..اليهوديه....؟؟!!
الكل:ههههههههههههههههههه..!!
سلاف بهيام:اوووووه.. ياربي..
.قسم انه خقققه...وووه بسسسس....وووه..!!
فارس.. بقق عيونه:هين...لحظه..
ارسل لخلوووود....!!
سلاف.. شهقت.. وقامت اخذت الجوال
:لالا....قسم توووبه..!!
الكل:ههههههههههههههههههه..!!
طلال:ايه ..اعقلي..ههههههههههه..!!
مشعل.. يهز راسه:والله البنات مخفات...
..ليش كل مزيون.. يروحون فيها ..
.ويذوبون....ويقلد البنات...حط ايديه..
على خدوده....وغير صوته.. مثل البنات:
اوووه...ياربي ..وش هالخقه.. ...ااااه..
.جررح...اوووومبيه..
.يالبيييييييييه....وش هالمزيووون...!!
الكل:ههههههههههههههههههه..!!
فارس.. يكمل.. ويقلد البنات:
قلبي الصغير لايحتمل..!!
الكل:هههههههههههههههههههههه..!!
سلاف كشرت.. وبإستهزاء قالت:
مثل اللي يقولون....اووووه صارووووخ.
..ويارب اوعدناااا ...هاه..!!؟؟
مشعل يحك رقبته...الكل يضحك...!!
ابو طلال:بس.. خلونا نشووف.. ونسمع..!!
الكل سكت ...ويتابع بحماس...
..الكل يعرف انقلش....!!
ஜღ.ஜღ.ஜღ.ஜღ.ஜღ.ஜღ
ببيت ابو زياد...!!
الصوت بيهد الفله......ابو زياد .
.وام زياد...وريان ..جالسين على الكنب.
..ويتابعووون..!!
ربى منبطحه.. تحت الشاشه....
وروابي مثلها....وسوسن جالسه..
معهم على الارض....وبحضنها مخده..!!
ام زياد.. بصوت عالي.. عشان يسمعونها
:يابنات..بعدوا عن الشاشه...
راح تعمي عيونكم...!!
ريان:هههههههههه...محد يسمعك...ترا...!!
البنات ماسمعوها..من كثر الازعاج......!!
ربى.. تنسدح ع ظهرها ...
وتحضن المخده:ياربااااااه...وش هالخقه...!!
.
روابي تحرك رجولها...:اوووه...شوفي.
. شووفي...كيف عاض النظاره..
.اوووه ياقلبي...!!
سوسن ..تضرب كل وحده:اقول.
.بلا غزل..بأخوي قدامي..!!
ربى.. ترجع تنبطح:تلايطي بس..
.كل الدنيا خاقه عليه...حتى المعرسات..!!
سوسن:ههههههههههههههههههههه..!!
ريان ...دق قلبه.. وهو يشوفها تضحك
...صحيح يسمعها ..بشويش.
.بس شكلها ..وهي تضحك ...وتره..!!
ஜღ.ஜღ.ஜღ.ஜღ.ஜღ.ஜღ
....
بفلة زياد..!!
توه دخل الفله...والصوت عالي شوي
...استغرب...وبعدها تذكر لما شاف..
.صورة الوليد..ع الشاشه...وبطاقته الشخصيه.
...دخل بهدوء ....وجلس.....!!
سوزان ....حتى السلام ...يازياد ماسلمت...
ايش دعوه...!!
زياد طالعها:مطوله.. تتأمليني....؟
سوزان ارتبكت...وتوترت...ياربي غبيه
...انحرجت....من نفسها..وبهمس:تغديت..؟؟؟
زياد مركز بعيونها:واذا قلت لا...
يعني بتسوين لي...اللحين..؟؟
سوزان بسرعه:طبعا...واصلا
..انا مسويه الغداا....بس انت تأخرت.
..وانتبهت لنفسها..ونزلت راسها..!!
زياد ابتسم..وبعدها بسخريه:سويتي .
.ولا الشغاله سوت..هههههههههههه..!!
سوزان.. بالرغم من ان كلامه.. سخريه..
.بس ضحكته ...خلت قلبهها ..يرفرف...!!
سوزان بهدوء:طيب..اخر كلام.
.أجيبه او لا..؟
زياد.. رجع ظهره ..لورا:ايووه..
اصلا ماتغديت...بعدين أنتبه..
انتي ماتغديتي..؟؟؟
سوزان.. وهي توقف:لا...أتغدا معاك..
..مااحب أكل وحدي...!وابتسمت..
ومشت للمطبخ..!!
زياد..معقول...تستناني...اوووه..
.ايش فيني...وقام غير..ملابسه..
الا الاكل جاهز....برياني دجاج...
.وسلطة خيار. ولبن...وسلطه حاره...
.وعصير برتقال...على الطاوله.
.اللي عند الكنبات...يعني مش..
طاولة الطعام...جلس زياد....
وهو خلاص.. مقتنع ان الشغاله..
هي اللي سوا الاكل..!!
...حطت له سوزان بصحنه..
ومدت له الصحن...والملعقه...
وصبت عصير ..وحطته عنده...!!
اخذت بصحنها...وبدت تأكل بهدوووء.
.ومركزه بالتلفزيون...!!
زياد ..مايدري ليه عيونه..
متعلقه فيها...ويراقبها....لفت له.
.وجت عيونها بعيونه...زياد ارتبك..
.ونزل عيونه...وبدأ يأكل بهدوء...
.جت الشغاله...!!
الشغاله:مدام...انتي في سوي..
.برياني كثير...وين ودي..شيل..
ولا ارمي..؟؟
زياد انصصصدم...يعني فعلا .
.سوزان ..هي الي طابخه....صار يأكل
..اللقمه بتركيز...!!
سوزان:لا...مافي يرمي..\
.حطي ثلاجه...ورجعت.. تأكل بهدوء...!!
زياد...مااصدق...سوزان تطبخ.
.ظنيت بهالعايله...مافي بنت..
تعرف تسوي اندومي.....بس أكلها لذيذ...!!
ஜღ.ஜღ.ஜღ.ஜღ.ஜღ.ஜღ.ஜღ.ஜღ ஜ
ببيت ابو محمد..!!
ريم مدرعمه....ركض بالدرج...
الكل لف عليها...!!
ام محمد:حسبي الله ع ابليسك ....
.بشووويش.. لاتتكسرين..!!
ماجد.. رجع نفسه لورا:
قولي تكسر السراميك....خلي هي .
.ماظنتي شيء يكسرها..!!
محمد.. والهنوف:ههههههههههههههه..!!
ام محمد تضربه:قول بسم الله..
على اختك.. يامويجد..!!
ماجد.. طنشششش....ريم ...وصلت
..وزحلقت....ورجعت ..اخذت الريموت.
من يد ماجد...اللي انصدم..من قوتها :
عمممى بوجهك...بشووويش....ياعربجيه...!!
ريم بسرعه ..وهي تقلب:انطططم ....بس..!!
محمد ..والهنوف:هههههههههه..!!
ريم ..حصلت القناه..ضمت الريموت.
..:وووووه ...يالبيييه....ااه ياقلبي..!!
محمد.. يوم شافه....وشاف حدة عيونه..
.حس ببرد.. يسري بجسمه....!!
ماجد ..يهز راسه:لا حول الله..
..وبعدين معكم...اوووف بسسس..!!
ريم ..جلست مكانها..بنص الصاله..
.بس اقرب.. للتلفزيون ..وانسجمت
..وهي تقرا ..بطاقة الوليد..!!
ماجد ..يقرأ الرساله ..اللي بالقروب:
اووه...والله مرسلين الشباب .
.بس ماانتبهت..هههههه..!!
ريم ..تكش عليه:مالت عليكم...
.قسم متحجرين ...!!
محمد ..بقق عيونه:الله... وليه...!؟؟
ماجد':يارجال تبينا..ننط .
.ونفتح التلفزيون ..ونسوي اعلان..
من الديوان الملكي....!!
الكل ..ماعدا ريم ..اللي منسجمه:
هههههههههههههههه..!!
الهنوف ..بتركيز:ماشاء الله ...عيونه غير..!!
محمد.. بقق عيونه:وشووووو..؟؟؟
الهنوف.. حطت يدها ..ع فمها:
سووري...قصدي..فيها نظره غريبه..!!
ماجد:خخخخخخخخخخ..امحق تصريفه..!!
محمد ..يسوي زعل ..وقف..وراح لريم
..:هات هات الريموت....مافي وليد .
.ولا شيء...هات بس..!!
ريم ..وقفت ..وتخبي الريموت..
وراها:لا والله....لا ياعيوني في...
.بعدين اسمه الوليد...مش وليد..!!
ماجد.. والهنوف ..وامهم:
هههههههههههه..!!
محمد ..مشى للتلفزيون..ريم شهقت.
. وسبقته..وضمت التلفزيون ..وبصراخ
:لااااااا..لاااااا....قسسم ماتطفيه..!!
المتفرجين.. ماتو ضحك..
.محمد يمسكها.. بالبلوزه.. ويسحبها ورا:
بسسس ..يامنحرفه...بنتي بتنحرف.
.من تحت راسك.....شوفي نفسك..
.ضامه الرجال...والشفايف...ع صدره بعد..!!
ريم انتبهت...وشهقت..ضحكوا كلهم.
.حتى محمد....رجع جلس..!!
.
ريم.. بتهديد:هوينف...تعدلي ..
.تراك متزوجه...يعني حاسبي.. بكل كلمه...
الاخ بيموت ..من الغيره...!!
ضحكوا عليها....محمد بتهديد:هااه...
.وشووو..ماسمعت؟
ريم ..بسرعه :لالا..سلامتك...!!
.وطلعت الصوووت...ضحكوا ..
!!عليها...ويسمعون...ام محمد..
مو فاهمه شيء..بس محمد.. يفهمها..!!
ஜღ.ஜღ.ஜღ.ஜღ.ஜღ.ஜღ.ஜღ.ஜ