قوقعة الارواح "الأصلية"

قوقعة «37» 🦅

#قوقعة_الارواح

بقلمي: أية الـ عباس

لاتنسون

المتابعة + التصويت + التعليقات ؏ جميع الفقرات

♡____________________________

موج///

موج:- واكفة وكلشي كدامي ابيض اريد اعرف اني وين ليش ماكو بشر وكلشي ابيض سمعت صوت طفلة وراي التفتت شفتها بنية صغيرة تلعب وتضحك ضحكت ؏ ضحكتها جانت ضحكته تخبل اشوف البنية شعرها طويل اشكر عيونها اوساع وبيضة لابس فستان ابيض ناصع
ما اشوف غير اجت سحلتني من ايدي تضحك وتكول

: ماما تعالي العبي وياي

موج:- ماما شنو قصدها ضلت تفتر وهية تضحك وجان صوت ضحكها مملي المكان بعدين باوعتلي بنضرات زعل وهية تحجي

: انتِ متحبيني ليش متلعبين وياي اني اكرهج ما احبجج روحيي عنييي صيحي مامااا هية تلعب وياي

موج:- ضلت تصيح وجان صوتها يوصل للطبلة الاذن ضليت اني هم اصيح لحد ما سمعت صوت امي

الام:- اسم ﷲ الرحمان شبيج يمه

موج:- فتحت عيوني اني بلبيت وتحديداً بغرفتي وامي فوك راسي وهية تمسح ؏ راسي وتقرا قرآن حتى اهدء نزلن دموعي حارت ويچون وچون خدي وهية تمسحهن وتهدي بية واني ما احجي غير بس دموعي ينزلن بغزارة

ماعرف ليش ساكتة وشنو المغزة من هذا الحلم ضليت بس اباوع للسكف ودموعي تنزل وشفت امي طلعت دقايق ودخل قصي واني باوعتلة بطرف عيني نوب رجعت نضري للسكف حسيتة كعد يمي وحط ايدية ؏ شعري متلمس شعري القذر سمعت صوته هو يحاجيني

قصي:- ليش هيج تسوين بية اني اذيتج بشي

درت وجهي حسيت شي بيدي يوجعني شفت كانونه بيدي نوب باوعتلة بس شفتة رجعني للزمن من ضربني راشدي ومن سحلني واني ختلت بس ورة منو ختلت منو حماني منه وليش مسويت شي خزرتة وعيطت

موج:- اطلعععع بررره اطلععع ياحقيرررر اطلععع اكرهكك ﷲ ينتقم منككك ... ضليت اعيط وهو يحاول يهديني

قصي:- وﷲ طالع بس اهدي اهدييي

موج:- رجعت اعيط باعلى صوت ما عندي كرهت وجودة يمي هو سبب كلشي منعني من شوفت روح ومن وكفتي يمها ... اطلعععععع برةةةةةةة دخلو امي وابوي والعائلة الكريمة كلها حتى الشباب دخلو مستغربين اجت امي تركض علية

الام:- اعوذ بالله شكووو شبيجج

موج:- طلعووو برهههه عنيييي اطلعوو كلكمممم ابتعدووو عنيييي

الاب:- هيثمم وينكك تعال اضربها ابرةة مهدءء

هيثم:- صار عمي بس الزموها

موج:- ضليت ؏ هاي الحالة شفت الشباب اخذو وطلعو واجة هيثم ضربني ابرة وهنا بدت اعصابي تهدء وعيوني تغمض واحاول افتحهن بس ماكو استسلمت للواقع واخذني هذا للعالم الثاني.............