سم الله الرحمن الرحيم
ــــــــــــــــــــــــــــــــــــــــــ
يا بعد روحي وبعد كل الـ يمرون ♥️
جيلان: بابا ماما اني حروح لبيت عمو ندرس اني ورزان
ابو جيلان: بابا خلي اخابر ابن عمج يجي ياخذج
جيلان: بابا فشله اخذ تكسي واروح
ام جيلان: لا ماما خلي يجي امجد ياخذج
جيلان: لاحبابه هذا عصبي خلي مرتضى يجي
ابو جيلان: ههه اي واحد يجي الي موجود يجي
جيلان: تمام
ابو جيلان: الووو
ابو امجد: الوو هاخويه شلونك
ابو جيلان: والله الحمدلله
ابو امجد: بنتي شلونه
ابو جيلان: والله اني خابرتك علموده
ابو امجد: ليش شبيه
ابو جيلان: تريد تجي تقرا يم رزان
ابو امجد: اي هسه يجيه مرتضى
ابو جيلان: اي والله تعبتك وياي
ابو امجد: لايمعود تدلل جيلان
ابو جيلان: رحم الله والديك يلا مع السلامه
ابو امجد: مرتضى بويه وينك
ام امجد: ها حجي مرتضى ماهو بالدوام نسيت
ابو امجد: بويه امجد روح جيب جيلان تريد تقرا يم اختك
امجد: بويه اني اريد اطلع خلى واحد غيري يجيبهة
ابو جيلان: اخوتك وين علي واحمد
ام امجد: يمه احمد وعلي طلعوا من الصبح لسه ماكو
امجد: لا اله الا الله راح اطلع اجيبهه طلعت وصلت لبيت عمي دكيت هورن محد طلع استغفرالله انتظرت ماكو خليت ونزلت دكيت الباب
جيلان: لحضه مرتضى جايه فتحت الباب وتفاجئت من امجد طلع... امجد
امجد: اي لعد منوا
جيلان: لعد مرتضى وين
امجد: بلدوام
جيلان: اليوم جمعة
امجد: راح للمعهد موداخل خصوصي
جيلان: اممممم
امجد: شنو
جيلان: اممم
امجد: امشي امشي يلا وراي شغل
جيلان: معنى الكلمه احبك
امجد: دمشي جيبي عباتج خل نمشي
جيلان: اني ماالبس عباية... بابا ماما اني طالعة
ابو جيلان وام جيلان: الله وياج
امجد: فورت دمي شنو متلبس عبايه خليت وسكتت.. شنو اني سايق عندج وتكعدين ورا
جيلان: اففف نزلت وكعدت كدام اباوعله
امجد: انتي ليش متلبس عباية
جيلان: لان اني مااحب البسة
امجد: ما وهيج تلبسينه
جيلان: بنضرات صفح....انته ليش هيج عصبي
امجد: لان اني عصبي (نضرات اغراء او هيج شي)
جيلان: هسه تقلدني
امجد: اي بويه اقلدج كلامج مدري شلونه
جيلان: ترا كلامي عادي
امجد: اي اني هم ادري
جيلان: عفيه اوكف يم محل اريد غراض
امجد: تمام صفيت يم المحل... ها وين
جيلان: انزل اجيب غراض
امجد: واني شنو زراع خضره
جيلان: اي انزل وياي
امجد: لا ماكو هيج حجي
جيلان: بس مرتضى يقبل انزل وهوه يجي وياي
امجد: مرتضى مو اني
جيلان: اففف هاك ذني فلوس جيبلي جبس وكاكاو وبيبسي.. وبعد زود من يمك غراض
امجد:(نضرات صفح) رجعي الافلوس
جيلان: نزل وعيبتله.. انته شكد عقدة شويه واجه جايبلي الغراض شكرا
امجد: العفو... وصلت للبيت نزلت واني بقيت بالسيارة ضليت اباوعلة اوفف الحمدلله توني كدرت اتنفس عدل بويه لازم البسه عبايه شلون مكدر اخلي الاحبه هيج مبين جسمه انوب اباوع بعيونه احبج مو عيون ضيم
جيلان: السلام عليكم
الكل: وعليكم السلام ياهلا
جيلان: شلونك عمواا...
ابو امجد: ياهلا بالروح والرية
جيلان: شلونج عمه
ام امجد: هلا بعيون عمتج
جيلان:(علاقتي ويه عموا وعمه كلش حلوه) لعد وين رزونه
ام امجد: نايمه فوك
جيلان: تمام حروح اكعده احنه سادسيون ملازم انام
ام امجد وابو امجد: هههه الله يوفقجن
جيلان: صعدت فتحت الباب على كيف لكيته نايمه اخذت المي الي بغرفته وكبيته عليه
رزان:(عزاا العزاني)... خرب يومج اكو واحد يكعد هيج
جيلان: هههه
امجد: فتحت الباب منو هذا الضحك (بصوت عالي) منوا ضحك
جيلان: اني
امجد: نصن اصواتجن.. خليت وطلعت(من اروح فدوه الضحكه هاي)
جيلان: يلا ولج كومي اكو طالب سادس ينام
رزان: تمام اني اسبح علمود اصحصح
جيلان: يلا واني حضل هنا
رزان: تمام
جيلان: ضليت افتر ضجت وطلعت من الغرفة وطلع بوجهي امجد... عزااا
امجد: شبيج شفتي شبح
جيلان: لا
امجد: وين رايحة
جيلان: اكعد يم عموا على ما تكمل رزان سبح
ـــــــــــــــــــــــــــــــــــــــــــــــــــــــــــــــــ
.
.
.
.
.
اتمنى لكم قراءة ممتعى وياريت تدعموني لن تعبت بل كتابه اعرف البارت قصير بس انشالله اعوضكم بل بارت الجايه وصوتوا امانه احبكم
