السلام عليكم شلونكم حبايب انشالله تمام اسفه لن تاخرت بل نشر اعذوني عيوني انتوا انشالله بهذا البارت اعوضكم.... احبكم
بسم الله الرحمن الرحيم
ـــــــــــــــــــــــــــــــــــــــــــــــــــــــــــــــ
انتَ روحي وياهوه ينسى روحه؟
انتَ سري وشلون للعالم ابوحَه..
امجد: شلون مريضه قلب دكيت على مرتضى الووو
مرتضى: هاا امجد
امجد: جيلان ليش صار بيه هيج
مرتضى: بسببي
امجد: ليش انته سويت (بحده)
مرتضى: نزلت دكيت الباب كالت منو محجيت راحت دخلت للبيت ودكيت الباب من جوا ولبدت هم رجعت كالت منو اجيته من وراهه وكتله بووو
امجد: اني اعلمك ياكلب حقير ادبسزز شلون تسوي هيج انته بشر لو حيوان شحاط بعقلك انته اني اعلمك بس ارجع لك حيوان البنيه مريضه كلب تعرف لو ما متلاحكينه جان صار بيه شي اني الك
مرتضى: ردت اجي وسد الخط بوجهي حيل خفت عليه طلعت مريضه قلب
امجد:جبت العلاج ورجعت دخلت للغرفه معلكين الهه مغذي وجهه صاير اصفر كعدت يمهه واللمس بشرته الناعمه والملائكيه
جيلان: بعد منززني مرتضى كلبي راد يوكف نغزات صارت بكلبي قويه بعد مكدرت اتوازن وغوشت الدنيا بعيني ومحسيت على شي…… فتحت عيوني وكوه فتحت احس بعيوني ذگال…م. ي…مي
امجد: كعدت على كيف وشربته ومسحت حلكه تريدين بعد شي
جيلان: هزيت راسي بمعنى(لا) …وين اني
امجد: بالمستشفى
جيلان: امجد
امجد: عيون امجد روح امجد كولب
جيلان: كلبي يأذيني
امجد: يبعد كلبي عسى بيه ولابيج
جيلان: ضلبت اباوع على امجد واني كوه مفتحه ورجعت غفيت حسيت علة لمسات دافيه على خدودي باوكتله امجد
امجد: هاا
جيلان: من شوكت اني هناا
امجد: صارلج هنا من الـ6العصر
جيلان: وهسه بيش الساعه
امجد: ساعه10بليل
جيلان: عزاا هسه اهلي خايفين عليه
امجد: لا اهدي خليت رزان تحاجيهم وتگلهم حتباتين يمنه مگتلهم بالمستشفى حتى ميقلقون
جيلان: اممم
امجد: اني راح اطلع اجيب اكل
جيلان: لا لتجيب
امجد: شلون لا باوعي وجهج اصفر
جيلان: مو هسه من نطلع اخذ الي اكل
امجد: تمام
جيلان: يلا كوم سوي اوراق الخروج
امجد: تمام رحت للدكتور حجيت ويا علمود اخرجه
الدكتور: اي عادي تكدر بس انتبه عليه اي صدمه اوشي يخوفه القلق العصبيه ذني تبتعد عنهن لان خفقان حاد وممكن يسبب الي جلطه
أمجد: تمام اشكرك دكتور
الدكتور: لا العفو هذا واجبي ماعليه غير العافيه
امجد: سويت اوراق الخروج …كملت
جيلان: اي
امجد: يلا …طلعنه وكفت كبال المطعم شتردين اجيبلج عشى
جيلان: اي شي
امجد: ما بنفسج شي
جيلان: لااا
امجد: تمام …رحت جبت اكل ورجعت للبيت نزلته وسندته تمشي سوا فرق الطول شي ثاني واول مره اصير قريب منه لهل درجه اعرف حرام بس شحلات الحرام وياهه.. كعدنه بالمطبخ على الطاوله وخليت الاكل وكعدت تاكل واباوعلة
جيلان: اكل وياي
امجد: لا اني شبعان
جيلان: على الواهس وياي
امجد: تمام (ولج بس شوفت عيونج اشبع استغفرالله العلي العظيم)
جيلان: كملت
امجد: اي
جيلان: كمت اريد الم الامواعين
امجد: شدتسوين
جيلان: اريد الم الامواعين
امجد: لاعوفيهن اني المهن
جيلان: لااا
امجد: كمت لزمت ايده عوفيهن
جيلان: والله عيب عليه اكل واعوف الامواعين
امجد: عيب عليه اني اخليج تلمين الامواعين
جيلان: بس
امجد: خليت ايدي على شفايفه اششش
جيلان:(🤐🤐)
امجد: سحبت ايده وبسته محلا الحرام وياج
جيلان: سحبت ايدي شدا تسوي …بصياح
امجد: اسف اسف موقصدي(بس لا تعصبين)
جيلان: عفته وصعدت للغرفه غفلته عليه وابجي ورا الباب ليش يربي
امجد: اااااافف اني شسويت صعدت ودكيت الباب جيلان اسف
جيلان: روح منا ماريد اشوف وجهك
امجد: لستوين هيج
جيلان: ضليت ساكته
امجد: فدوه اروح لعيونج لتسكتين لتخوفيني
جيلان: امجد روح منا
امجد: تمام رايح بس لتبجين موزين عليج
جيلان: الله ياخذني علمود ارتاح
امجد: اطلعي صيحي عليه اضربيني بسس لتدعين على نفسج
جيلان:(😶😶)
امجد: ضليت احجي وياهه مردت عليه كعدت كبال الباب ورجعت راسي على الحايط
جيلان: كلام امجد يدك براسي شلون هيج شلون يبوس ايدي ويكلي محلا الحرام وياج اااف ضليت افكر بحجيه وغفيت على الباب كعدت جسمي متكسر وفتحت الباب اريد اروح اصلي وطلع بوجهي امجد اباوعله نايم يم الباب…امجد…امجد
امجد: هاا(بنعاس)
جيلان: ليش نايم هنا
امجد: جيلان اسف على الى صار البارحه
جيلان: ليش شنو صار البارحه
امجد: شبيج جيلان
جيلان: مابيه شي وما اتذكر شصار البارحه واني ما تذكر الاشياء التافهه
أمجد: الي صار البارحه تافه
جيلان: اي وكلت سخيف
امجد: تمام اخذي راحتج عفته ورحت لغرفتي شلون تكول هيج الي صار تافه هذا اكبر دليل انو متحبني ولاعدهه ذره المشاعره تجاهي.. تعبت من كد التفكير اختنكت بالغرفه طلعت برا الدنيا كلهه مواسعتني مخنوك حيل خليت وطلعت بالسيارة ساعه6:00الصبح دكيت على رزان ساعه 7:00الوووو
رزان: الووو هان امجدي
امجد: رزان روحي على جيلان شوفيهه محتاجه شي ديربالج عليه وخليه تاكل ولتكولين اله اني كتلج
رزان: تمام
جيلان: رحت لغرفه رزان دكيت الباب
رزان: تفضل
رزان: لك هلا بالضلع الحمدلله على السلامة
جيلان: اهلا بيج الله يسلمج
رزان: شلون صرتي
جيلان: الحمدلله بخير
رزان: يلا تعالي نتريك
جيلان: لالا مجوعانه
رزان: لاحبي احنه ماعدنه واحد مياكل
جيلان: لا والله بس مجوعانه
رزان: انجبي وانزلي خليني محترمتج
جيلان: هوو انتي بقيتي احترام
رزان: هههه يلا يلا امشي
جيلان: خليت ونزلت وياهه لكيت الريوك لاحضت امجد مموجود على الاكل
ام رزان: الحمدلله على السلامة
جيلان: الله يسلمج
ام رزان: بنتي ليش متاكلين
جيلان: مجوعانه عمه
ام رزان: لابنتي اكلي هو اهم شي وجبه الريوك
جيلان: تمام
امجد: صباح الخير ورحت بس راس امي
ام رزان: صباح الخير حبيبي
الكل ماعدا جيلان صباح النور
ام رزان: الله يرضى عليك ويوفقك تعال اكل يمه
امجد: لا يمه اكلت براء واجيت
ام رزان: اول تالي تاكل برا
امجد: لا بس صاحبي خابرني وطلعنه
مرتضى: صباح الخير
الكل: صباح النور
مرتضى: بس راس امي صباح الخير نبع الحنان
ام رزان: صباح النورات حبيبي
مرتضى: شلون صرتي جيلان
جيلان: الحمدلله احسن
مرتضى: يلا مع سلامه
جيلان: لحضه اخذنب وياك للبيت
ام رزان: وين شنو مطروده ورايحه من الصبح
جيلان: لا بس اريد اروح ادرس
ام رزان: ادرسي انتي ورزان سوا وعود بليل امجد يوديج
جيلان: لا مرتضي يوديني
مرتضى: والله اني مااودي احد عندي طلعه ويه جماعتي
جيلان: لعد احمد يوديني
احمد: والله ياقلبي اني اليوم اروح للدوام
مرتضى: يمعودين اتاخرت منو يوديني
امجد: انته شبيك تطلك يلا امشي اني اوديك
مرتضى: هههه يلا جيلان
جيلان: هاا
مرتضى: اكلي زين مو تضلين بدون اكل ترا وجهج اصفر
امجد: امشي يمعود
جيلان: لمينه الامواعيين اني ورزان ومخلتني اشتغل وياهه
رزان: جيلان ولو اتعبج وياي بس جيبلي ملابس اخوتي من فوك
جيلان: تمام صعدت فوك جبت ملابس احمد ومرتضي ورحت لغرفه امجد شلون راح ادخل للغرفه خليتت وفتت للغرفه ابواع للغرفه مبرعثره وهوسه
لميت الهدوم الي جان لابسهن رتبت الجربايه سديت الباب الكنتور واخذت الملابس واريد اطلع وطلع بوجهي امجد …امجد
امجد: جيلان شسوين هنا
جيلان: اني راح اروح
امجد: لزمت ايده اوكفي
جيلان: دير بالك تلزم ايدي
أمجد: تمام اسف بس اسمعيني
جيلان: امجد ماريد اسمع منك حرف
امجد: جيلان وداعت امي احبج
جيلان: امجد
امجد: عيونه
جيلان: اريد اروح لاهلي هسه الله يخليك
امجد: بس جاوبيني
جيلان:(😶😶)
امجد: تعرفين اني راح اسافر
جيلان: ويين
امجد: اروح اسافر كمل الماجستير برا
جيلان: يعني حتكمل الماجستير براا
امجد: اي راح ادرس الماجستير براا
جيلان: اتمنالك التوفيق
امجد: اسف على الي صار البارحه
جيلان: (😶😶) عفته ورحت
امجد: اااخ منج يلعنوديه
جيلان: رزان ذولي الهدوم بالغسالة
رزان: خلي هدوم احمد ورمتضى بالغسالة وامجد لااا
جيلان: ليشش
رزان: ميقبل ينغسل هدومه ويه هدومنه
جيلان: تمام
رزان: لهيت جيلان بالهدوم ورحت الـ امجد دكيت الباب
امجد: تفضل
رزان: دخلت لكيته متمدد على الجربايه …امجد اكدر احجي وياك هسه
امجد: اي تعالي حبيبتي
رزان: امجد شكو شصاير البارحه طلعت لكيتك كاعد باب غرفه جيلان ومسئلتك واليوم اول مره تتريك برا البيت وخابرتني وكتلي اجبر جيلان على الاكل حتلو مترضه
امجد: اكعدي كبالي يبعد روحي خل احجيلج
رزان: احجي يروح اختك
امجد: اني هاوي رزان واعشكه
رزان: يهووو صدك والله
امجد: اي والله وغلاتج
رزان: يعني حيصير عدنه عرس
امجد: مااعتقد لان البارحة مدري شصارلي بست ايده وكتله يامحلا الحرام وياج وهيه عصب وضلت تبجي وتدعي على روحة ومن البارحه واليوم متحجي وياي كوليلي شسوي اقسم بالله رايده بالحلال نيتي وياهه صافية
جيلان: صعدت اريد اروح اسبح وغرفتي بص غرفت امجدواريد افتح الباب واسمع يحجي رحت وكفت قريب على الباب واسمع
امجد: ولج هيه النفس ليدخل لريتي وغلاتج وعلات امي اعشكه
جيلان: اذا يحب وحده شلون حجه وياي البارحه هيج شكد حقير انته اكرهك مستحيل ادخل لهذا البيت بعد…خليت ورحت
امجد: رزان كوليلي انطيني حل شسوي
رزان: روح اطلبه
امجد: بس اني باجر بالخمسه اسافر وماكدر ائجل سفرتي لان تدرين صارلي سنين احاول وماعوله تصير واطلع اكمل ماجستير واني اصلن متاخر حيل يعني اني تركت سنتين ضيعت من عمري
رزان: اعرف يروح اختك روح سافر وهيه بأمانتي
امجد: اكيد
رزان: وغلاتك أمن بس يصير شي اخابرك
امجد: زين تكدرين تخليني اشوفه
رزان: هههه يمي
امجد: شلون يلا هيه خلقتي متريد تشوفه
رزان: راح اروح واسوي نفسي مالي خلك واخليه تجي تكوي ملابسك وتحضر جنطتك
امجد: ههه خرب يومج مااجذب الي كال كيدهن عظيم
رزان: هههه يلا خل اروح
رزان: رحت لغرفه جيلان ودخلت وهيه توهه طالعه من الحمام
جيلان شبيج رزان
رزان: ولج خيه بطني موتتني
جيلان: كومي خل واحد ياخذج للمستشفى
رزان: لا لا طبيعي هذا الشي معرفتيه شنيه
جيلان: اااااء عرفته
رزان: اريد مسكن علمود اكمل الشغل لسه ممكمله
جيلان: انعل ابو الشغل اني موجوده
رزان: لاخيه انتي مراح تقبلين تشتغلين
جيلان: عيب عليج والله شنو ما اقبل لا اقل وغصب عليه
رزان: اني لازماسوي اكل الـ امجد ولازم اوكي ملابسه واحضر غراضه
جيلان: غراضيش تحضرين
رزان: الصبح يسافر ولازم اكويهن وهسه لازم اسوي غدا وامي راحت لخالتي
جيلان: تمام اني راح اسويهن
رزان: اكيد
جيلان: اكيد
رزان: ترا هو يحب يدقق لازم تكويهن زين
جيلان: تمام رحت سويت اكل رحت لغرفه امجد بخطوات ثكيله دكيت الباب
امجد: تفضل
جيلان: الاكل صار كوم اتغده
امجد: وين رزان وامي لعد
جيلان: رزان مريضه ومعه راحت لاخته
امجد: تمام رحت كعدت اكل
جيلان: رحت وصاح وراي
امجد: وين
جيلان: اروح اكمل الشغل
امجد: وينج وين الشغى ترا بعدج مريضه
جيلان: لا صرت زينه اني
امجد: اكلتي
جيلان: لااا
امجد: لازم تاكلين علمود العلاج
جيلان: مجوعانه
امجد: جيلان
جيلان: هااا
امجد: تعالي اكلي
جيلان: كتلك مجوعانه
امجد: اكلي شويه علمود العلاج
جيلان: اكلت شويه وكمت اخذت العلاج وصعدت فوك رحت لغرفت امجد طلعت ملابسه وبلشت اكوي
امجد: كملت اكل ولميت الامواعين وغسلتهن وصعدت لغرفتي…جيلان
جيلان: هاا
امجد: شجاي تسوين عوفيهن اني اكويهن
جيلان: لاا اني اكويهن
امجد: بكيفج اني راح انام شوي وكعديني
ـــــــــــــــــــــــــــــــــــــــــــــــــــــــــــــــ
اتمنى لكم قراءة ممتعى واسفه مره ثانيه لن تاخرت بتنزيل البارت اتمنى منكم تصوتون وتقدرون التعب فدوه عيوني انتو يعني كلمات البارت1651كلمه اني كاتبه بهذا البارت وعوضتكم على الاقل صوتوا وقدرو تعبي احبكم…حسابي الانستاwq_u16اي شي تحتاجونه تلكوني هناك
