#احببت عيناها
بّـقَلَمِـيّ: مِـهِرَهِ
.:كيفَ لا أُحِبُّكِ وأنا أرى ليليّ يلتفُّ بجدائِلِ شعرِك
لتنسون التصويت+والتعليقات بين الفقرات+متابعه لحسابي عيناي 🧿🐆
عيناي صوتوا دوسوا على نجمه مهم 🌹🕊
ــــــــــــــــــــــــــــــــــــــــــــــــــــــــــــــــــــــــــــــــــ
رزان: اكلي تبن
جيلان: خلينه نقرا بين ميوصل الاكل
رزان: هوب اندك الباب واخيرا
جيلان: يلا كومي
رزان: دكيت على اكرم اول رنه جاوب
اكرم: ها بويه
رزان: اندك الباب وكتلي اتصل عليك
اكرم: لبستي حجاب
رزان: طبعا
اكرم: يلا افتحي الباب
رزان: عزه
اكرم: شكو
رزان: خل اجيب الفلوس
اكرم: لا اني دافعه بس اخذي الاكل
رزان: شكرا
اكرم: انجبي
رزان: هههههه
اكرم: فديت الضحكه
رزان: اححم خل افتح الباب
:. تفضلي اختي
رزان: شكرا
:. واجبي
رزان: سديت الباب
اكرم: شنو شكرا شكو تحجين
رزان: اي غير اشكره
اكرم: ميحتاج ترا
رزان: ليش تعصب شبيك
اكرم: مابيه.... وسديته بوجهه
رزان: خوش والله انعال اطلع اذا ارد عليك
جيلان: وين صرتي
رزان: تعاركنه
جيلان: ههههه بعدكم بل بدايه
رزان: والله لن كلت شكرا عصب
جيلان: يغار ههه
رزان: رتبنه الاكل وكعدنه ناكل
جيلان: كملت اكل وخابرت امجد ميجاوب دكيت على بابا
ابو جيلان: ها بنتي
جيلان: بابا تعال اخذني اريد ارجع للبيت
ابو جيلان: تمام حبيبتي نص ساعه واني يمج
جيلان: خل اسبح قبل ليجي
رزان: عابت
جيلان: سبحت وكملت لبست الحجاب ودك عليه بابا الووو
ابو جيلان: تعاي يلا بابا
جيلان: هياتني راح اطلع
ابو جيلان: تمام
جيلان: سديته يلا حب باي
رزان: الله وياج كلبي
جيلان: بشريني بالاحداث الي تصير وغمزتلهه
رزان: هههه تمام
جيلان: رحنه اني وبابا للبيت ومجنت اعرف بالي راح اشوفه
ابو جيلان: لج زعلان عليج
جيلان: هههه بوسه ترضه
ابو جيلان: ههههه
جيلان: بابا شنو هذي هوسه باره
ابو جيلان: يالله دخيلك
جيلان: عزهه بابا هاي نار بيتنه امي...... امي جواا
ابو جيلان: ياعلي دخيلك
جيلان: ابو وكف السياره اريد اركض اريد رجليه يعنني ماكو اريد اسمع صوت امي تمنيت هل شي
ابو جيلان: الووو خويه الحك بيتي احترك
ابو رزان: جاي جاي دخيلك ياعلي اكرم سيف وينكم
اخذتهم وطلعت
اكرم: الله ليستر وصلنه هوسه وعالم مكلوبه ويه وصولنه طلعوا جثه من البيت اباوع لجيلان كلبت الدنيا ملخت نفسهه وابوه بعد ازيد منه مالومهم هاي امه وهم زوجته
جيلان: لا لا لا يممممههههه عوفني بروح الحسين خل اطلع امي جوا
سيف: ولج بويه نار واجه وين طبين
جيلان: بغلات امك عوفني ولج يممهه
سيف: طلعوا جثه امه لو ماسيطرت عليه وكبل راحت ملخت نفسهه
جيلان: ولججج يمههه عزا العزاني يارت بمكانج اني ولج يمه ليش رحتي سوده عليه يمهههه
سيف: كابله ابوه وشبعوا بجي.... شد حيلك
ابو جيلان: ولك عمي هاي الغاليه راحت شمعت البيت راحت
سيف: اخذو جثه بسياره الاسعاف وكوه وخرو جيلان عنه اخذته هيه وعمي بسيارتي ورحنه وراهم
ابو رزان: اني راح احضر كلشي بلبيت اكرم روح وياهم
سيف: رحنه للمستشفى وكملنه كل الإجراءات اباوع لعمي عيونه مورمه ويهدي بجيلان الي بعد مسعمت الصوت حته بجي بعد متبجي اكرم تعال
اكرم: هااا
سيف: امجد يتصل
اكرم: لا اله الا الله جاوبه
سيف: الووو
امجد: زين والله من واحد بيكم رد
سيف: اني جهازي صامت توني فتحته
امجد: ورزان وابوي وامي وعمي وجيلان وعمتي كلهم صامت رحمه للحسين ليش تخوفوني
سيف: صراحه شوف امجد يعني
امجد: احجي يمعود
سيف: ام. جيلان توفت
امجد: انته شداتحجي لتشاقه خالتي مثل الورد مابيه شي
سيف: صاير تماس بالكهرباء والبيت محترك وهم بيه
امجد: جيـ.... جيلان صاير بيه شي
سيف: البنيه لا صوت ولاشي مصدومه
امجد: اني راجع
سيف: خويه ودراستك
امجد: لتكفرني اني راجع لو باجر لو عكبه بين ماكمل الإجراءات ياربي شلون هيج اااااخ الله جيلان محتاجتني كبل حضرت غراضي وسويت الجواز وكل الإجراءات وكوه صارت وطيارتي بـ3بليل
رزان: جابوا خالتي اباوع على جيلان مو احسن مني وامي كلبت صايح وملخت نفسه وجيلان لابجيت ولا سوت شي عينهه على التابوت سوينه طريق حته يشيلون تابوت وامي كوه لزمته وابجي على بجيه وجيلان لا صوت ولا دمعه نزلت شالوا تابوت وراحت للغرفه
ام رزان: يمه روحي يمهه البت مصدومه
رزان: رحت يمههه جيلان يروحي حاجيني
جيلان:،،،،،،،،،،،،،
رزان: جيلان لاضلين ساكته ابجي صيحي بس لا تسكتين
جيلان:،،،،،،،،،،،،،،
رزان: ضليت حاضنتهه وغفت بحضني عفته على جربايه ونزلت جوا .. اجوا الجنايز وحضرت الحمام الابوي يسبح سيف بين بس اكرم مختفي ساعه واجه اكرم
اكرم: رزان
رزان: ها عيني
اكرم:اباوع على رزان عيونه مورمه وكوه واكفه تعاي احجي وياج
ــــــــــــــــــــــــــــــــــــــــــــــــــــــــــــــــــــــــــــــــــ
.
.
.
.
.
.
.
.
.
ولهنا خلص البارت السابع صح مو طويل بس هم تصبيره للبارت القادم اتمنى لكم قراءه ممتعى واهم شي تصوتون وتعلقون شكد متعدرون واسفه لن تاخرت هيج عليكم التقيكم بارت جديد ممح احبكم وها فراشاتي خاصه للي سئلوا احبكم عمري انتو 🧿❤❤
