خليه اتصالات

p4

~في الصباح~
كان يجلس علي مكتبه بحلته الرسميه ويتحدث مع صديقه

لحد الآن وصل تلاته بنتين وولد ابعتلهم ايميل بالموافقه وننتظر لحد ما ال15يكملوا

خلاص تمام ياعمر المهم اننا نحاول نجمع عشان نحدد ال Interview في أسرع وقت عشان التعاقدات اللي جايه والتعاملات

إن شاءلله ياصاحبي المهم انت عامل ايه معلش الأيام دي كنت مشغول عنك بس انت عارف الظروف بقي

ابتسم له: عارف والله ياحبيبي انا اللي المفروض اسألك ايه الأخبار انا اللي مقصر في حقكم ماما نوال بقت بخير

الحمدلله أحسن ادعيلها انت بس

بدعيلها وإن شاءلله تكون أحسن

أخذوا يتحدثون لفتره........

••••••••••••••••••••••
كانت تجلس في الشرفه وهي تبتسم وجدت رساله إلي هاتفها فتحته لتجد ايميل مُرسل إليها أنها تم الموافقه
وسوف يتم إرسال معاد ال Interview

صرخت بسعاده وأخذت. تقفز وتسقي النباتات بفرحه

دخلت والدتها تنظر لها: يا خبر النهارده بفلوس بكره يبقي ببلاش خير ايه اللي مفرحك فرحيني معاكي ياختي

أخذت تلف حول والدتها:دي بركه دعاكي ياما والله

في ايه يابنت المجانين ما تنطقي

أخذت تقص إليها كل شيئ أنهت حديثها براحه وهي تستند علي الكرسي مره أخري

ابتسمت لها والدتها برضا: ربنا يكرمك ياحبيبتي ولو كان خير ليكي تقربي منه ولو شر ليكي تبعدي عنه

احتضنت والدتها ربنا يخليكي ليا ياست الكل

في ايه بقي فرحوني معاكي

ثم قفزت عليهم تحتضنهم: ها بقي فرحوني

لا خلي ماما تحكيلك بقي عقبال ما اعملكوا الفطار

تحدثت ريهام: لا لا دي معجزه ست مريم ذات نفسها هتحضرلنا الفطار

اه ياختي اسكتي انتي بس

قامت لتحضر الفطار

بعد قليل كانوا يجلسون علي الفطار معاً

مبروك يا مريوم وإن شاءلله تتقبلي فيه بس تبطلي الغباء اللي فيكي ده وتفتحي مخك بقي

نظرت لها والطعام في يدها: فصيله

ثم صاحت: ايه رأيكوا في الفطار

لا حول ولا قوة إلا بالله هو الفطار فيه حلو ولا وحش

اه طبعاً ولو

تحدثت ريهام: اه ياحبيبتي جميل

صفقت بيدها حيث كده بقي ان شاءلله لو اتقبلت ليكو عليا حته أكله هتموتو من جمالها