Sa kwentong ikaw ang pamagat

Ang pagpapakilala

Sa unang pagtatagpo nating dalawa
Ngiti bakas na bakas sa aking mukha
Tila ito'y tunay na saya na hindi ko noon nadama
May ikaw na siyang sigla ko sa tuwing umaga.

Saad ang pasiya ng puso at isipan
Ikaw ang babaeng aking iibigin ng tapat
At siyang nanaisin ko ng sapat
Habang may buhay pang natitira.

Sa ganda mo ako'y natutulala
Bakas ang saya na di maipinta sa aking mukha
Pahiwatig na ikaw lang ang aking gusto
Mula sa umpisa hanggang sa dulo.