ياسعـُود صـديت من الشـُوق اكـابر ، حـبـيتها وانا قلـبي عن الـحب تـاايَب .

~ 8 ~

بارت ~ 8 ~

،

دخل مستعجل ك عادة كل يوم والقـى السلام بحركه سريعه ل الموجودين ودخل مكتبه ووراه نياف ، سلم عليه وجلس
ملهم : شصار عليه؟
نياف عقد حاجبينه : منهو ؟!
ملهم : من غيره ، ذيب
نياف : للحين المعفن موجود
ملهم ضحك : اي اسمع ، بعد المغرب بنروح البّر بتجي؟
نياف : اول الحضور أفا عليك
ملهم : حياك

،

نزلت مع الدرج تسمع ام سليمان تكلم ، شهقت لما سمعتها تقول ~ تم نجيكم اليوم غيم اعرفها واعتبرها من زمان زوجة ولدي ~
رجعت أديم ل الغرفه والشر راكب راسها ذي المره ، واتصلت على فواز : وينك
فواز : ي مرح.... بسم الله شفيس انتِ؟
أديم بحده : تعال خذني !
فواز : أي من وين؟
أديم : بيت جدتي حصه ! ، من جدك انت ويني فيه يعني !
فواز : خلاص طيب شفيك معصبه
أديم : بعدين اقول لك

،

طلعت من دورة المياه ~ يكرم القارى ~ وشافت ضيدان لابس ثوبه ينتضرها ابتسم : نطلع؟
ردت الابتسامه : تمام بس البس عباتي
لبست رزان عبايتها وطلعت وقدامها ضيدان وفي يده الشنط متوجهين ل المطار

،.

دخل البيت والقى السّلام
ام سليمان : تعال شووي بكلمك
جلس بستغراب وهو يشوف وعد تناضره وتكلمت بهدوء : اقول
ملهم رفع حواجبه : خير شفيكم كذا !!
وعد : انت قايل شيء ل أديم؟
ملهم هز راسه : لا !
ام سليمان لفت على وعد : وش فيها ذي بعد؟
وعد رفعت حاجب : أنا ما اشوفها في الغرفه ولا اشوفها في البيت بكبره اساسا
ام سليمان بكذب : من عوايدها ذي من زمان تسوي كذا
ملهم لف على وعد : صادقه انتِ !
وعد : تأكد بنفسك اذا تبي
قام بستعجال
ام سليمان : اصبر كنت بكلمك بموضوع ترا بخطب لك غ..
ملهم لف عليها بحده : ماتطلع أديم الا و أحد قايل لها كلام لاكن اتصرف بعدين مو الحين
وطلع
وعد لفت على امها : ليش تكذبين !! ، أمكن اي دعوه منها تستجاب
ام سليمان بعدم اهتمام : وش عليس !!
قامت وعد بعصبيه وطلعت فوق ل غرفتها

،

اندق الباب ودخلت ام فواز وجلست جنب أديم ونطقت بحنيه وهدوء : وش صاير ي بنتي عسى ما خلاف
أديم لفت على ام فواز : أقوى من الخلاف
ام فواز : افا ، طيب ويش صاير ؟
أديم قالت الي سمعته وبكت بقهر
ام فواز قربت تحضن أديم : ولا تزعلين محد ماسك ، قلتي ل فواز؟
أديم وهي تمسح دموعها : لا خفت يسوي شيء
ام فواز : كويس ، انا بقول ل ابوك تمام

،

وصل ل البّر بعادته ( متضايق - فرحان - معصب ) يروح له ، وبعد دقايق دخل وراه فواز وجلسو يشربون قهوه وفي انتضار نياف
ملهم وهو يقلب فنجان القهوه : وينها؟
فواز عقد حواجبه بستغراب : وش منهي؟
ملهم ضحك : ترد السؤال بسؤال ؟
فواز ضحك : لا صدق منهي
ملهم : أديم
فواز : كلمتني اجي أخذها ورجعتها البيت بس لما سألتها ساكته ماجاوبت
وكمل وهو رافع حاجب : لا يكون الي في بالي صحيح؟
ملهم : وشهو
دخل نياف في ذي اللحضات
هز فواز راسها ل ملهم : خلاص