LoST IN YoUR SoUL | Horror | Fantasy | 🌘

23.

කොහොමහරි ඉතින් ජීයුන්ලා ආසාවෙන් බලන් හිටිය ඒ මොහොත මේ වෙද්දි ළං වෙලයි තිබුනෙ.

යූජින්වත් එක්කන් ජීයුන් පෙරමුණ අරන් තමන්ගෙ පංතියට යන අතරමගදිම එයාලට බෙල් එක වැදෙන සද්දෙත් ඇහුණා.

ඒත් එක්කම ළමයි ඔක්කොම කඩාගෙන බිඳගෙන පංතිවලින් එලියට දුවන් එද්දි ජීයුන් යූජින්ව තව ටිකක් ළඟට ගත්තෙ කොල්ලව මගෑරෙයි කියලා හිතන්.

ඒ දෙන්නා පෙරමුණ අරන් යද්දි මින්සො මින්හි ඩබලත් එයාලගෙ පස්සෙන්ම ආවෙ එයාලගෙ බෑග් දෙකත් තවම පංතියේ තිබුණ නිසා.

Jiyun : කොහෙද මනුස්සයෝ යන්නෙ !? පාර බලන් ඇවිදිනවා මෙතන ගාල කඩාගත්තු හරක් ටික වගේ දුවන්නැතුව ‍!

ගෙදර යන්න හදිස්සියේ දුවන් ආව ජීයුන්ගෙම වයස කොල්ලො සෙට් එකක කොල්ලෙක් ජීයුන්ගෙ සපත්තුව පාගන් දුවපු නිසා එයා එහෙම කීවෙ ඒ කොල්ලොන්ට හොඳ විරිත්තිල්ලකුත් දාගෙනමයි.

ඒ සෙට් එක ඒක දිහා බලන් ගිය පාර පිටිපස්සෙන් ආව මින්සොගෙයි මින්හිගෙයි ඇඟේ හැප්පුණා.එතනින් එහාට මින්සොයි මින්හි ඒ සෙට් එකට හොඳ සපත්තු පාරවල් දෙක තුනක් දුන්නෙ වැරැද්ද හදලා ගන්න ඕනි නිසා.

කොහොමහරි ඉතින් ජීයුන් අන්තිමට යූජින්ගෙ පුංචි පොත් බෑග් එකත් එක අතකින් අරන් අනික් අතින් යූජින්ගෙ අතකුත් අල්ලන් තමන්ගෙ පංතියට ගියා.

එයාලා යනකොට ඒ පැත්තෙ කිසිම ළමයෙක් හිටියෙ නෑ.ඒක නිසා කවදාවත් නැතුව මෙච්චර ඉක්මනට ළමයි ගිය එක ගැන ජීයුන් හිටියෙ පොඩි සැකේකින්.

සැකේ කෙසේ වෙතත් ජීයුන් වැඩ්ඩා වගේ පංතියට ඇතුළ් වුනේ බෑග් එක අරන් ඉක්මනට ගෙදර යන්න බලාපොරොත්තුවෙන්.

ඒත්..

Jiyun : ක්.. ක්... ජ්..

ඒ මොහොතෙ පංතිය මැද්දෙ තිබුණු දෙයක් දැකලා ජීයුන් ගොළු වෙලා ගියා.

ඊට තත්පර ගානකට පස්සෙ තමයි අර ඩබල එතනට ආවෙ.

Minseo : යාහ්හ් !!! මොකද්ද !!?? මොකද්ද මේ වෙලා තියෙන්නෙ??

Minhee : ජ්.. ජීයුනාහ්හ්..!? ම්.. මේක.. හීනයක් නේද?

ඒ දෙන්නත් දොර ළඟදිම වෙවුලන්න පටන් ගත්තෙ ඒ දේ ඇස් දෙකෙන් දකින්න ලැබුණ එකත් පවක් නිසා.