لك الخيل وانا فارسّته

Part13

لاقت دانه جهاز حمل وهي ترتب شنطتها لانهم مسافرين بيروحون للديره مع اهل عبدالعزيز
قالت ليش ما اجرب خذت الجهاز وراحت تكشف وبهذي الاوقات كان عبدالعزيز ناايم
عند سياف وجوري
كان لهم شهر من الزواج وكان افضل شهر بالنسبه لسياف لانه انتصر وتزوج اللي يحبها
سياف وهو يفطر وقدامه جوري تفطر
سياف : جوري
جوري : عيوني
سياف : يالبى عيونك بس ...  بينزلون الديره اهلي تبين نروح معاهم وترا دانه وعبدالعزيز بيجون يعني مابتقعدين لوحدك وكمان عماني بيجون
جوري : ليه وانت؟
سياف : مابشوفك الا بالغرفه
جوري بحماس : اييه تمام
سياف يقولها بضحك: ايوالله اني داري تبين الفكه باي طريقه
جوري : لاوالله مابي الفكه بس شوي مساحه
ويضحكون
بهذي الأثناء خلص جهاز الحمل عند دانه وتفاجأت لما شافت انه خطين يعني حامل
مسكت على فمها بعد الشهقه قالت بسكت ولا بقول لين اتاكد ماتبي تفرح احد ويطلع كذب قعدت فرحانه بينها وبين نفسها وصحت عبدالعزيز
وكانت بقمة روقانها
بعد ثلاث ساعات
وقفت سيارتين عند باب
عبدالعزيز وهو ينزل الشنط: هلا والله بالمعرس وينك مختفي
سياف نزل وراح لاخوه سلم : هلابك والله اشغال وحياة الزواج وتعرف
عبدالعزيز وهو يبتسم ويربت على ضهر سياف : الله يوفقك يارب
وجوري جلست بالسياره لانها اول مره تجي هنا وتبي سياف يخلص عشان تدخل معاه وشافت سيارة عبدالعزيز نزلت منها دانه
ونزلت معها وسلمو على بعض
دانه: عشان تزوجتي تختفين مالك داعيي
جوري بضحك : نسينا يادنو كنتي بالاشهر تسحبين
دانه: الحين صرنا نسايب مالك عذر
ودخلو وسلمو
كان بيت قدييممم دورين وكبيرر وواسع غير الحوش اللي يحيط فيه اكبر وبزاويه من الحوش فيه مشب للرجال كبير
كان فيه تسع غرف ومجلسين وصالتين  والغرفه كانها جناح يعني قصر ماشاءالله
وجلست دانه وجنبها جوري بمجلس النساء وسولفو وخلصو سوالف وجت شهد
شهد : بنات تبون تشوفون غرفكم؟
دانه: اي ياروحي
وراحو الثلاثه ودخلو غرفهم
دانه دخلت وكان الضهر وتستنى عبدالعزيز يجي لانها اشتاقت له
اما جوري بدلت وخذت لها قيلوله
عند الرجال
الجد : هلاً والله ومرحبا ب عبدالعزيز ولدي
عبدالعزيز: يابعدي انت هلابك(وسلم على راسه ويده)
وجا سياف
الجد وهو يضحك ببطء ويناضر بسياف : انا تزوجت لا تكلمني هاه
سياف يضحك : محشوم ياجد (وسلم على يده وراسه)