#الخَـازوق الأسـود
ذكرى.
لا تنسون التصويت والتعليق بين الفقرات 🤎.
استمتعوا....
____________________
____________هَرم
بقة يباوع علية بهدوء بدون كلام وانا وخرت أيدي من أيدة وحطيتة على وجهي وگمت ابجي وجسمي جان كلة يرجف.
تقرب مني اكثر ولف أيدة على جتفي وسحبني عليه.
-هَرم..بعدتة عني ونفيت براسي وانا ابجي: ماريد مُعقب خلص بعد انا وياك مو لبعض..
قاطعني بصياح: هَرم انتِ تسمعين شنو دتكولين ؟
راد يحجي مرة ثانية بس اخذ نفس وسكت، كمش أيدي ورجع بيهة الحلقة.
-رجعي لبسيهة وبعدين نتفاهم ونحجي، عاذرج انا كلشي صار أثر عليج وعلى عقلج ومتعرفين شنو تسوين تالي اجيتي علية وتردين تموتيني..قاطع حجية صوت أبوية وهو جاي للمطبخ.
-مُعقب شنو هذا الصياح ؟دخل للمطبخ وانا راساً مسحت دموعي ونزلت راسي ماريدة يشوف وجهي بس الرجفة جانت واضحة كلش علية.
مرد عليه مُعقب بقة ساكت وأبوية كمل: شبيكم ثنينكم ترة اصواتكم جانت واصلة للغرفة !!
من شاف ماكو رد من ثنينة كل لـ مُعقب: تعال وراية بلا تعال.
طلع برة ومُعقب اخذ نفس بصوت واضح وطلع وراه، مسحت دموعي وگمت من مكاني ودخلت للهول وگعدت هناك، وجنت خايفة مُعقب يسولف لأبوية ويسويهة مشكلة جبيرة.
ورطت نفسي هسة بس شسوي وصلت لمرحلة ماريد بيه أي شي..شوية ودخل أبوية: هَرم بنيتي..
رفعت راسي الة مستغربة هدوئة وهو تقرب مني ونزل لمستواية.
-روحي طلعي يم مُعقب تفاهمو بيناتكم ماكو شي مينحل.نفيت براسي بخوف: لا بابا ماريد عوفني هنا !!
شيث: هَرم لازم تتفاهمين وية خطيبج، ماكو هيج مشاكل تصير من ايام الخطوبة، يلا حبيبتي سمعي كلام أبوج وروحي، مُعقب يحبج ويعزج لدرجة مقبل يكولي شنو المشكلة لان يعرف بية راح احجي عليج لا تخسرين هيج رجال ذهب.
نزلت دموعي ونزلت راسي وياهة وأبوية باسني من راسي وكل.
-الله يرضى عليج ويوفقج بحياتج.
YOU ARE READING
الخازوق الأسود
Mystery / Thrillerنحنُ السِراب الذي يلعنهُ التائهون... نحنُ الرصاص العشوائي الذي يستقرُ بكل شيٍ بلا موعد... نحنُ صمتْ المقابر... نحنُ التُراب الذي يقفلُ الشبابيك بوجه الصباح... نحنُ الحظُ العاثِر للسُفن في عرضٍ البحر... نحنُ خليط من الأعمار المتشابهة، نضحكُ مع قلبّنا...