اسلام عليكم اكتبو رأيكم بالقصة
و توقعاتكم بنهايت كل بارت.
««««««««««««« 4««««««««««»»»»»»»»»»
كعدت الصبح باوعت بصفي شفت ورة
شلتهة و ضليت صافنه عليهة دخلت عليه ماما
حنان:- هاي شنو بأيدج
-وردة شفتها اهنا من مخليهة
حنان:- خاف واحد من الجهال
-يمكن
حنان:-يلة يمه هذا ريوكج تريكي و نزلي جوة كومت خطار هنا اكو وحدة من كرايبنه هاي الي جانت بتركية و اجتي هم خطية البارحة راجعين و اليوم اجت يلة حبيبتي
-تمام ماما گايمه
(كمت سبحت و تريگت و لبس دشداشة نيليه و شال ابيض رتب نفسي شوي و خليت عطر و نزلت
-صباح الخير للجميع
مها:-يا صبح هذا ب ١٠
-ولله تعبان البارحة بالحنه هواي تعبت
مهند:- من الركص هذا
سعاد(مرت عمي جاسم):-يمه خاف محسودة البارحة النسوان كلهة تباوع عليج و يسولفن
مهند:-يكولن هذا الولد شدخله للحفلة
مها:- اسكت غير البارحة اتجنن
مهند:- لا تسمعين كلامهن ذني ياكلن ب عقلج حلاوة
حنان:-يمه تعالي سالمي على هاي مو فارس
-جاية ماما
(رحت كلت سلام عليكم و باوستهة)
ام فارس:-هلا بلحلوة اشلونج
-زينه الحمد لله خاله
ام فارس:-نسيت اسمج شنو اسمج
-توفان
ام فارس:-شنو هل اسم منو سماج
-بابا معنى اسمي اول قطرات المطر
ام فارس:- ابو مهدي عندة ذوق
(صبو الغدة و تغدينه و غسلنه الماعين و رحنه ركض انبدل لان تأخذرنه لبست فستان ازرق طويل و شال ابيض و تمكيجت و كملت توي اريد انزل اجتني رسالة
«اشلون الوردة يا وردة»
(وجهي تغير لون هذا منو و الوردة شلون اجتي اليمي ضليت افتر بالغرفة اجتي رساله ثانية)
«ليش متردين خايفة»
رديت علية «منو انته متجوز من هاي السوالف مو گتلك لا تراسلني بعد كم مرة انطيتك حضر متفهم»
اشوية و رد علية برساله
«ما اكدر لو حتى متقبلين البيه ميخليني»
دزيتله رسالة «هاي اخر مرة تحچي وياي ترى ولله اسوي شي ميعجبك»
رد علي «انتي كلشي تسوينه يعجبني»
دزيتله رساله «كافي كافي متفهم انته»
رد علية«اني افهم مو شوي هواي بس من اسمع بيج اصير اكبر غبي يمكن تشوفينه»
(قريت الرساله و انطيته حضر گلت اذا راسلني بعد راح احجي وية اهلي)
نزلت جوة الكل فرحان و يضحك و يركصون و مهند و مهدي علكو الجو سحبني مهند و بدينه نركص توهة تريد تمشي الزفه طلعو الكل من البيت نسيت تلفون رحت اجيبة دخلت للغرفة دخل علي وراية
علي:-توفان اريد احچي وياج
-اعتقد ماكو شي نحچي بي
علي:- اكو هواي
-مثل شنو (احچي ويا بحدة و بقوة بدون ما اتأثر)
علي:- توفان اني احبج ولحد الان احبج
-باوعت علي و ضحكت حلو الي يحب احد هيج يسوي
علي:- لا تحكمين علي و انتي متعرفين شي
-اعرف شنو مثلن
علي:- الي راح اتزوجهة مهددتني و ما اكدر اذا متزوجتهة راح يكتلوني
-انته شنو جاي تحجي علي
علي:-اسمعي راح اتزوجهة سنه و اطلگهة و اتزوجج بس انتي خليج وياي
-علي ميهم شنو هية او شنو اساس زواجكم الي بيناتنه انته واني مراح اتانيك
علي:- انتي ليش متفهميني
-شنو افهم انته ليش هسة چاي تحچي وين چنت قبل ها و لو حتى قبل حچيت مستحيل اغير رأي
(صاحو علينه و نزلنه رحنه للزفة و جبنه العاروس همة طلعو للفندق و احنه رجعنة للمزرعه تعشينه و كملنه و مشت العالم كلهة تجمعنى اني و مهدي و مها و بدت التعلولة نسولف و نضحك بقينه لحد ال ٢ رحنه نمنة
««««««««««الصباح»»»»»»»»
كعدت من النوم غسلت و نزلت جوة تريگنه احنه و بيت عمي كلهم على سفرة وحدة جانت كعدة كلش حلوة كملنه
عمي جاسم:- يلة كملو حتى نرجع
مهند:-هسة شيرجعنه للدوام
مهدي:-اي ولله
-ليش اكو هواي اسباب تخلي مهند يرجع للدوام باوعت علي و غمزته
مهدي:-اي مو ذاك السبب باجر ما ايداوم
-يا من هاي النفسية تعبانة
مهند:-يلة امشو كافي سوالف
(لمينه غراضنه و كملنه و طلعنه ركبنه بالسيارة و مشينه و صلنه البيت تعبانين صعدت سبحت و كعدت افكر بكلام علي و بكلام هذا ابو الوردة هذا منو و شلون طب ضليت بس اتكلب بفراشي لحد ما ماما صاحت علية
حنان:-توفان كلبي انزلي
-چاية ماما
حنان:-ابوج عازم هذا الي شترى مزرعت عمج
تعالي نسوي عشة
-تمام ماما
(بدينه انسوي عشة سوينه اشلون اكل يخبل كملنه و صبيتلهم چاي و طلعت اغسل الماعين برى جاي اغسل و طلع واحد من الاستقبال شفته حسيت گلبي وگف هذا نفسة ابو الاچلاب و ابو المزرعة فزيت ورحت ركض طبيت للمطبخ مشة الخطار و اني صعدت الغرفتي اليل كله منمت افكر بهاي الاشياء الي جاي تصير مرة اكول علي هوة نفسة الي بالتلفون مرات اكول لاء
زين ابو التلفون منو ضليت لحد الصبح اني هيج)
««««(((((((»»»»»»»)))))»»»»»»»»»»»
انتم هم شنو تكولون
منو ابو التلفون و وشنو سالفه علي وية زوجته
انتضرو البارت الجاي
