اسلام عليكم
«»«»«»«»»»»««»« 10«»«»«»«««««»»«»««
(نمت گعدت الصبح رحنه اني و مها للصالون و كملنه رحنه للقاعة بدت الحفلة دگ و رگص و اخذنة صور و كملنه رجعنه للبيت ضلت مها و هدى و اروى مشغلات اغاني و يرگصن لحد ب ١٢
ثاني يوم چان يوم العرس گعدت من النوم فرحانه نزلت لگيت ماما و عمه سعاد گاعدات صبحت عليهن و رحت گعدت مها من النوم بدلنه و رحنه للصالون كملت و جاي انتاني مهدي ياخذنه)
مها:- ما شالله طالعة تخبلين
اروى:- اي ولله ما شالله عليج
مها:- يلة امشن مهدي اجه
(رحنه للبيت اجه بابا سلم علية و مهدي و ماما اجت الزفة كلش چبيرة اخذني ارسلان و رحنه للمزرعة بس اني و ارسلان چان يوم حلو و غريب بنفس الوقت)
(بقينه هناك اسبوع و قررنه نرجع ما طلعنه شهر عسل لان ارسلان عندة شغل رجعنه للبيت)
فاطمه:- هلا بالعرسان
ارسلان:- هلا بيج
فاطمه:- تعالي توفان اوديج الغرفتج
-جاية
(صعدت الغرفتي ملابسي بالجنطة رتبتهم و نزلت
لگيت برهان سلم علية و گعدنه صبو غدة تغدينه و صعدت الغرفتي مشة الاسبوع عادي برهان و ارسلان بالشغل بس اني و فاطمه يوم ارسلان طلع عندة شغل بقيت گاعدة قررت انزل للحديقة اني و نازلة سمعت صوت صياح بغرفت فاطمه رحت امشي على كيفي سمعت )
فاطمه:-برهان كافي ترى تعبت
برهان:- فاطمه انسي كلشي انتي بعد مالج رجعة لو يمي لو بالنجف فهمتي
فاطمه:- برهان فدوة اخذ ارسلان بس خليني ارجع بعد ما اتحمل
برهان:- عبالچ ترجعين سهل اصلن اهلچ بس يشوفونچ يذبحوچ
فاطمه:- لا اني افهم فدوة برهان
برهان:- فاطمه اني احبچ و ما اگدر اعيش بدونج اني ضحيت بعلاقتي وية اخوي علمودج فاطمه انسي و عيشي حياتچ فاطمه بس انطيني فرصة و حبيني ولله ما راح اعوفج
فاطمه:- برهان ما جاي اگدر اريد ارجع الحياتي اريد ارجع المدرستي اريد انام بحضن امي
برهان:- فاطمه اني اصير امچ و ابوچ و ارجعچ للمدرسة بس انتي ابقي هنا
فاطمه:- بعد ما اتحمل خليني اروح اعيش حياتي
برهان:- حياتچ وياية
(اني اسمع و مصدومه من الكلام حسيت واحد من عدهم راح يطلع خليت و رجعت الغرفتي ضليت افتر الكلام السمعته حسيته مثل الصدمه فاطمه ليش هيج تحچي نزلت جوة لگيت فاطمه گاعدة هية و ابنهة)
-ها فاطمه
فاطمه:- ها حبيبتي
-شبيج
فاطمه:- ما بية شي
-فاطمه
-ها
انتي اشلون ازوجتي برهان
-ها زواج تقليدي
-فاطمه انتي و اني نعرف مو زواج تقليدي
فاطمه:- لا تقليدي
-فاطمه اني سمعت كلامچ انتي و برهان ماكو داعي اضمين علية
(باوعت عليه فاطمه و عيونهة مليانات دمع و نفجرت من البچي ضلت تبچي احاول اسكتهة اخذته و رحنه الغرفتها بدت تحچيلي)
فاطمه:- اني چنت طالبة صف ثالث يوم من الايام ضربتني سيارة الي ضربني برهان اخذني و وداني للمستشفى و صار عندي كسر برجل اهلي ما اخذ شي من عندة لان گالو قضاء و قدر مشت الام صرت زينه و رجعت للمدرسة بس بقة برهان دائما يجي للمدرسة مرات اطلع علي مرات ما اروح اجة طلب ايدي من اهلي بس اهلي ما قبلو چنت صغيرة عمري ١٤ بقة يحاول مرة مرتين لحد ١٠ مرات طلب ايدي و اهلي رفضو يوم رحت للمدرسة و من حليت رجعت للبيت و كفت سيارة برهان و اخذني ويا غصبن ما علية و داني المكان ما بي اي احد بقاني هناك مدة چبيرة يجي وكت الاكل و بس مرة اجه و جاب الشيخ و اني ضليت اعيط و هوة خلة المسدس براسي و افقت و گطعت مهر بقيت هناك يمكن سنه احاول اطلع ما اكدر صارت بيناتنه علاقة مرة وحدة و حبلت ب ارسلان لحد ما اجة اليوم الي شفت زوجچ ارسلان ما اعرف حسيته راح يساعدنه چلبت بي و اجيت ويا هوة صار اخوية و ابوية حماني من برهان و گطع علاقته ابرهان بقيت هنا يمه هوة ساعدني و ما خلة احد يأذيني و چان دائماً ياخذني اشوف اهلي من بعيد كل ما اريد اشرد و ا برهان يرجعني ميخليني و يكول لو يمي تبقين لو تبقين بالگبر اني تعبت لا عشت ايامي ولا ابد عشت ايام قهر بقهر اريد ارجع اريد اشوف حياتي اريد ارجع للمدرسة اريد ارجع على امي)
-حچت فاطمه واني مصدومه من كلامهة معقولة هيج ضليت صافنه عليهة من شفتهة تبچي اني هم حضنتهة و گمت وبچي وياهة انقهرت على وضعه بنية عمرهة ١٤ سنه كل هذا صار وياهة
-فاطمه حبيبتي كافي باعي علية اني يمچ راح اساعدج بس كافي تبچين
فاطمه:- ماكو احد يسمعن الهم الي بگلبي كبر
-اني يمج و اسمعچ
فاطمه:- ساعديني اشرد منا
-فاطمه انتي اذا رجعتي اهلج ما راح يتقبلوج
فاطمه ابنچ هذا شلون تعوفينه
فاطمه:- اعوفة يمچ و يم ارسلان انتم ناس زينين ما راح تقصرون
- فاطمه اني ما اكدر اشردج ولله اذا اهلچ شافوچ راح تموتين ابمكانچ
فاطمه:- زين شسوي لعد ها
-فاطمه برهان يحبچ و هوة جاي يعتذر سامحي و عيش
فاطمه:- كل ما اكول راح اسامحة و عيش حياتي ما اكدر ما اكدر
- انتي سباعية تگدرين
«»«»«»«»«»«»«»«»««»«»«»»»»«»«»«»
تتوقعون فاطمه و برهان علاقتهم تتحسن
و توفان تكتشف شغل ارسلان
انتضرو البارت الجاي
الكاتبه الاء
793 كلمه
