ثمرة تعب

Part 17

# ثمـرة تعـب

بقلم الكاتبة: ايـات الجاسـم:🫀

lnsta: ayat.aljasim

هيلاً مر الأسبوع هاذ هوسة وخطار وناس تجي تبارك كُلش تـعــبت لان شغل ماريد خــالـة تتعب وحدهة مرة ولي مهون تعبي باهر بكُلشي يساعدني ميخليني وحــدي حرفيا لوما هوة چــــان متت مــن التعب والضوجة كملت شغل وراحو الخطار صعدت الغرفتي ارتاح تـعــبت تمدتت على الچرباية وغفيت مــن التعب شوي وحسيت بحركة يمي فتحت عيني بنعاس عون يفتح بكنتور الي مقفول ماهتميت للموضوع لان هاي الفترة منختلط ولا احجي ويا وخالة حاجز بينة شوي واجة گعد على الچرباية خلى ايدة على شعري صار يمسد على كيف حجيت بانزعاج

:- ايدك شيلهة مــن شعري ولاتسوي نفسك الزوج الحنون خـوش

عون : كافي ماتعبتي مــن تصرفاتج ماتعبتي مــن الجفة هاذ

:- لا ماتعبت وايدك شيلهة مــن راسي يلة

عون : هيلاً ترة گوة متحمل تصرفاتج اگول عروس وماريد اكسر خاطرهة

:- گعدت وصرت گدامة وحجيت واني اضحك ضحكة جانبية

خطية متريد تكسر خاطري مسكين

عون : انسي الصار وكافي تعامليني هــيج مانعتني الزم حتة ايدچ

:- انــتَ الي بديت وتتحمل نتيجة افعالك

گام مــن مكانة وصار يعيط بخبال

عون : انه متحمل گوة كافي الگاعد يصير وياي دايس على نفسي وساكت الخاطر ما اجرحج ولا اغثج لان اعرف السويتة بيج شي چبير وادري كسرت خاطرج بـسہ اگلج مو بيدي

:- گمت وحجيت برود الأرض

موسهلة تكسرني وتجي تريد اتلگاك بلأحضان تعرف شـنـو شعور بنية بيوم عرسهة زوجهة يدير وجهة وينام ويعوفهة ويطلع !
تعرف شـنـو شعور اليوم الي لازم اكون بي بحضنك اكون نايمة واني دموعي تجري وغافية على مصلايتي اطلب مــن ربي يبرد گــلـّبي!

- سكت

:- جاوب عون جاوبني

عون : والله العضيم موبيدي

:- اني مو شي شوكت متريد تجيني وشوكت متريد تبتعد فهمت انــتَ بديت و انــتَ لازم تتحمل نتيجة افعالك

ضل ساكت تقرب على الميز كسر شــكـو عطور والغراض رگع البلازمة واني واكفة اباوع ومچتفة ايدية
طب باهر على صوت التكسير ضل واگف بمكانة مصدوم مــن من شاف اخو وهوة يتنفس بسرعة ويكسر

دار عون وجهة علية وهوة يتنفس بسرعة ويحجي وهوة فحطان

عون : كافي الخاطر اللّٰـــه كافي

هيلاً : صرت اعيط بكُل صوتي

:-انــتَ الي كافي انــتَ شتريد فهمنييي كافي كسرتك الي شتريد بعد شتريدد عون اني داموت تعرف شـنـو داموت كرهت الساعة الوافقت بيهة عليك كرهت نفسي وكرهتك لاتلومني على الشي الداسوي الي ديصير مــن ايدك فهمت