©©في منزل عائلة سهيلة بمصر ...
#كانت تجلس في غرفتها وهي تبكي مرتدية فستاناً أبيض كبير وتنتظر تنفيذ حكم جدها الصارم بالإعدام على روحها وتزويجها من رجل عجوز خمسينياً ...
"الجد" بنبرة صارمة :- جوازك هيكون الليلة يا سهيلة وهتقعدي مع جوزك في الدوار بتاعه وإياكي تكسري كلامه وإلا هكسرلك عضمك سمعتي .
"سهيلة" ببكاء وتتوسله :- أبوس إيديك يا جدي أنت بتعمل معايا كده ليه وعايز تجوزني لواحد قدك كذا مرة في السن وبعدين ماما سابت ورثي ليك علشان تخليني أكمل تعليمي وهي وافقت وسمعت كلامك .
"الجد" بغضب :- ملكيش دعوة إنتي بالكلام ده إنتي عيلة مطلعتيش من البيضة وبتتكلمي في الورث زي الكبار وتعليم إيه إللي بتقولي عليه وإنتي عارفة إن عندنا البنت ملهاش غير بيت جوزها .
"سهيلة" بإنفعال وصراخ :- جوووز مييين وهو عنده خمسين سنة هيتجوز عيلة عندها عشرين فين العدل حرااااام عليييككك أنت بتموتني ناقصة عُمر معاه أنا حفيدتك أنت المفروض سندي بعد أبويا بترميني ليه لواحد عمره أكبر من عمرك حرام عليك ليه كده .
"الجد" بحِدة ونظر لوالدتها :- شايفة بنتك البجحة بتعلي صوتها على كبيرها إزاي عاجبك كده وأنا كان لازم أكسر ضلوعها أكتر علشان تخرس وتكتم وتقبل تتجوز العمدة من سكات لكن كيف تسكت وإنتي هنا قاعدة معاها وبتشحنيها علشان ترفض .
"والدة سهيلة" بحزن ونظرت للأرض :- وأنا مقولتش حاجة ليها وحاولت أقنعها بالجواز وهي رافضة زي ما أنت شايف يا حج وعايزة تكمل تعليم وتكون مصممة وعندها شغل وأديك هتجوزها من واحد عجوز .
"الجد" بغضب وضرب بعصاه الأرضية أسفله :- آخر كلام هقوله ليكم أنتو الاتنين مفيش تعليم وهتتجوز من العمدة دلوقتي وبعد ساعة هاجي أخدها علشان نكتب الكتاب ونعلي الجواب والراجل ياخدها عنده الدوار بتاعه وإياكم تكسروا كلمتي .
"والدة سهيلة" بإيماءة وبكاء :- حاااضر ياحج حااضر هخليها تجهز وتستنى حضورك مع عمها حاااضر بس أبوس إيديك متضربهاش ولا تزعق فيها تاني .
"سهيلة" ببكاء وهي تنظر إلى أمها :- عاجبك كده يا ماما بقى جدي إللي كنت فكراه هيكون حمايتي بعد بابا يعمل فيا كده وعايز يجوزني لواحد قده علشان الورث يا شيخة ملعون أبو الفلوس إللي تخليه يعمل في حفيدته كده هو معندوش إحساس .
"والدة سهيلة" بحزن :- هعمل إيه يابنتي كان عندي محاولات إيه ومعملتهاش علشانك معاه وتنازلت عن الورث وريحته وبرضو مش عايز يسيبنا في حالنا .
"سهيلة" بغضب ونهضت من مكانها :- بقولك إيييه يا ماما أنا مش هقعد هنا وأستناه يجيب الراجل العجوز ده ويخليه يتجوزني أنا هنتحر لو حصل .
"والدة سهيلة" ببكاء وتمسك بيديها بحزن :- وحياتي عندك متقوليش كده على نفسك ياقلب ماما أنا مش هسمحله يجوزك بالعافية لراجل زيه وهخليكي تمشي وتسافري المنحة بتاعت كوريا بس توعديني إياكي ثم إياكي ترجعي الصعيد هنا وتدوري عليا وإلا جدك ده مؤذي ومش هيسيبك تهربي منه .
أنت تقرأ
قدري مرتبط بك❤️ (زوجتي طفلة)
Romanceرجل أعمال كوري يتزوج فتاة مصرية صغيرة ضِعف عمرها بعد أن كانت خادمة في منزل أخاه الصغير ليقوم بحمايتها من عائلتها الصعيدية التي تود قتلها بعد هروبها منهم قبل أن يقوموا بتزويجها لرجل كبير في الخمسين وجعلتها أمها التركية التي تعيش قهراً في منزل والد زو...
