#شَارع الظلام (العَنقاء)
#لاتنسون التصويت
#مآرب ألـ حمدان
________________________________________
2007
جيت امشي من بداية الفرع مالتنا جانت بيوتنا بيت بسد بيت وبيت جدي بالوسط دحچت على الجهة الثانية من فرعنا وشفت البيوت الي متروسة سواد مثل اهلها
وصلت بيتنا ودحچت على الحُراس وفتحت الباب وطبيت جان چدي عندو عزيمة والعالم كُلها بالمضيف مالو وجانن اليشتغلن بيتنا جاي يطبخن وامي تشرف عليهن
دحچت عليهن وطبيت للبيت على حبوبتي جانت هيَ امي الثانية ما اصيحلها حبوبة لان جانت مرضعتني ويا عمي الصغير عمي (هذال)
بستها من راسها
الشيخة: هلا يمة شو توج تجين صارت بالوحدة
_والله يايمة عَبن ياخذونا اضافة درس سابع وتوهم طلعونا خما ما اخذ الدرس السابع واجي؟
الشيخة: لا يمة اخذي دروسج روحي بدلي يلا وعود تعالي علمود تتغدين
رحت على غرفتي جانت غرفتي يم الخلفية مالت البيت والباب الخارجي فتت عليها ذبيت جنطتي بالكاع وبدلت هدومي ورحت اغسل وجهي وكفت چدام المراية وكعدت ادحچ على نفسي
_اني العَنقاءَ اصغر وحدة بأخواني وماعندي خوات بگد عمي هذال سماني چدي الشيخ الچبير العَنقاءَ علمود امثل طائر العَنقاءَ الي يشبهة النار
طلعت من غرفتي ورحت على المطبخ جانن الشغالات العدنا چاعد يصبن بالغدا وعمامي والويلاد واكفين يكولولهن شيسون وكفت يم الكونتر وچعدت اكُل خيار
هذال: شبيج ماتعاونين بس تاكلين
العَنقاءَ: انتَ ماعليك لاتدخل
ضحك وتگرب يمي وحضني
هذال: احبج واحب اشاقة وياج
شالو الصياني وودوهن للمضيف واحنا هم كعدنا نتغدة خلصنا وشالو المُواعين وكامن يغسلنها واني رحت على غرفتي لبست عباية وجريت ملفعي وكعدت اتلفع وتلثمت وطلعت بالقبوية على البُستان من ورى البيت
وصلت للحصان جاي اجرو من السرج جان واحد لزمني من ظهري چفلت وانداريت
العَنقاءَ: صدك تحجي هُذام اكو واحد هيج يسوي؟
هُذام: هههههه شبيج يولو شعندج بالقبوية جاية هين ها؟
دحچت علي وحجيت ببراءة وكمت ارمش
_مو كلت اجي اشوف الحصان خطية صايرلي يومين ماجايتو
راح يمشي صوب الحصان الثاني مالتو وجرا من السرج
_چدي مو معاقبج ماتركبين الحصان هاي الايم بس يلا اصعدي حصانج وامشي نتسابق
ضحكت وجريت الحصان وصعدت فوكو وطلعنا نتسابق بي وصلنا النهاية البستان جان الحراس فتحو الباب مال البستان وطلعنا للچرية نتسابق وصلنا النهاية المنطقة مالتنا ورجعنا
أنت تقرأ
شَارِع ألظلام (ألعَنقاءَ)
Fiction généraleغابة الصفصاف لازالت تُعانق الرياح.! ماذا جنينا نحُن؟ لنموت مرتين مرة في الحياة ومرة عندما نموت؟ _من انتِ؟ _انَا العَنَقاءَ التي تلطَخت بالدَماء _دماَء؟؟ _دمائي طاهرة تُشفي الأمراض ولكن تلطُخت بدمَاء البُشعاء وجئت اقتل الاموات انا ذلك الطائر...
