اللهم صلي وسلم وبارك على سيدنا محمد 🌺
بارت ١٤
الكاتبه والمؤلفه/ دينا مصطفى صابر «عاشقةالكتابه»
لو لقيت ١٠٠ ڤوت (تصويت على النجمة) من هنا لبكره هنزلكم كمان بارت طويل بكره
يوم جديد مليء بالاحداث على جميع الابطال ونذهب في منزل ليث نجد ولادته قلقانه بشده وتجلس بجوارها ايه وعمتها يسرا
يسرا: ها يا كريمه قولتي ايه
كريمه بقلق: انتي عايزاني اقول ايه ده ليث هيخرب الدنيا لو عرف بالكلام ده
يسرا: الله مهو كده كده لازم يعرف
ايه بلهفه: عمتو هو بابا كويس مش كده سأل عليا صح
يسرا ب ابتسامه: اه ياقلب عمتك كويس وسأل عليكي كتير كمان صدقيني يا ايه ابوكي بيحبك انتي وليث جداً دانتم عنده بالدنيا كلها بس الظروف هي اللي خلته يعمل كده
كريمه بحزن: ظروف ايه دي اللي تخلي الواحد يسيب بيته ومراته وولاده وعائلته بالشكل ده مفيش مبرر واحد بس يخلي الشخص يسب اهله ويمشي صح ولا مش صح يا يسرا انتي اكتر وحده عارفه انا عنيت قد ايه ولا ولاد اخوكي اللي اتربوا بدون اب وانتي شوفتي وشاهده علي كل حاجه
يسرا: انا عارفه يا حبيبتي قد ايه عنيتوا وانا والله قولتلوا كل ده وانبته كمان وهو يا حبت عيني زعلان جداً ده اتغير اووي شكله مبقاش بتاع زمان الزعل والحزن غيروه وهو كل اللي طالبه انه يشوفكم ويشرحلكم السبب اللي خلاه يعمل كده وانا واثقه انكم هتسامحوه اول متسمعوا منه ها قولتي ايه يا كريمه
ايه بدموع: وافقي يا ماما علشان خاطري يمكن فعلاً في سبب قوي ويخليكي انتي وليس تسمحو بابا
كريمه: يا جماعه انتم عارفين ليث استحاله يوافق ده ابني وانا عارفاه اللي شافه في الدنيا دي من وهو صغير يخليه يرفض ومش بس كده ده يخليه يخرب الدنيا كلها كمان قولولي انا اعمل ايه بس انا دلوقتي بقيت مابين نارين
يسرا: طب بصي انتي وايه قابلو خالد لوحدك وهو يفهمكم ويشرحلكم كل حاجه حصلت وبكده يكون سهل علينا نحكي لليث بدون ميقابل خالد وبعد ميعرف كل حاجه يبقى يقابله
كريمه: معقول نتكون بالساهل كده
ايه: اه يا ماما عمتو معاها حق وصدقيني ليث بيحبك جداً ولما تحكيله على اللي بابا هيقولنا عليه هيسمعك
كريمه: ربنا يسترها معانا يلا طيب دلوقتي احنا نقوم نجهز الفطار ليث ورامي زمانهم نازلين
يسرا: يلا بس اي كده احدد معاد للقاء
كريمه: تمام حددي وربنا يسترها
يسرا: إن شآء الله خير
ليث: صباح الخير وباس رأس امه وعمته واخته عاملين ايه
كريمه: صباح النور عليك ياحبيبي
يسرا: احنا الحمدلله بخير دامك بخير ياقلبي
ايه: صباح الفل يا ليث
رامي: ايه يا جماعه مفيش صباح الخير لرامي ولا ايه
ليث: خبطه على قفاه منتا اللي نازل مقروب على الاكل صبح عليهم الاول
رامي: ايدك بقت تقيله اوي
ليث: عندك مانع
رامي بخوف: لا لا براحتك يا ابو اليث انت تعمل مابدالك ولا يهمك
ايه بضحك : يا جبان
رامي: لا جبان ايه خطيبك قوي واسد مع كل الناس لاكن مع اخوكي ف انا حياتي غاليه عليا وعايز ادخل دنيا مش اخرج منها بس حني علينا
ايه بغرور مصطنع: اه منا لسه بفكر
رامي: بتفكري في ايه يا مفتريه احنا بقالنا سنتين مخطوبيه
ايه: خلاص صعبت عليا ف ابقى كلم ليث وانا موافقه
رامي بفرحه طب اخلفي
ايه بكسوف: اه والله
رامي بصوت عالي: ليث انا عايز اعمل فرح واتجوز اختك
يسرا: بجد خلاص هتعملوا الفرح اخيراً
رامي: اه خلاص حتى انا مش مصدق بس ليث يوافق
ليث ب ابتسامه: وانا موافق يمكن لما تتجوز تعقل بس خد رأي ماما الاول
كريمه بضحك عليهم: وانا معنديش اعترض اهو نفرح شويه
ليث: خلاص اتفق انت وايه على الوقت اللي مناصب معاكم وانا موافق واول مرجع من الشغل قولولي اتفقتوا على ايه لان دي حاجه تخصكم انتم
رامي: جري عليه وحضنه تسلملي يا ليث بجد مش عارف اقولك ايه علي كل اللي عملته معايا واللي بتعمله
ليث بحب طبطب عليه: بس يا عبيت انت اخويا ويلا بقى على شغلك مش معنى انك عريس يبقى تسيب شغلك كده
كريم: ربنا يخليكم لبعض يارب
الجميع: بفرحه يارب
وذهب كل شخص لعمله
______
عند البنات قاعدين بيفطروا
لينا: لورا ايه اخبار الشركه احنا الفتره دي نسينه شغل المجموعه خالص
وعد بقلق: اه فكرتيني دي كده الدنيا تلقها بايظه خالص في المجموعه بس ليه محدش اتصل
لورا: لا متقلقوش لانا دلوقتي ماسكه الشغل كله وجو بيساعدها وباقي الفريق كمان متابعين معاهم وانا كل يوم بتابع معاهم ساعه على الاقل باليل قبل منام
وعد: اف ريحتيني
لينا: طب كويس بس انتي عارفه لانا فعلاً لوحدها مكنتش هتقدر على الشغل لانها اساسا مبتحبش جو الشركات والشغل
وعد بضحك : اه جداً هي مبتكرهش في حياتها قد الشغل في الشركه بس بتحب شغلها الخاص
لورا ب ابتسامه: لا متقلقوش جو خلاه بريمو وبتحب الشغل جداً كمان هي ذكيه وببعلم بسرعه المهم ابقى كلموها علشان هي زعلانه منكم وكمان يا لينا ابقى كلمي ماكس كان عايزك في موضوع المصنع اللي مش هنخلص منه ده وهاول يكلمك بس واضح انك جهازك كان مقفول
لينا: ده المصنع ده حلم حياتي وحاضره هكلمه بعد منرجع من الشغل
وعد: اه حلم حياتك علشان انتي وماكس زي بعض باردين ومعندكمش دم ف هتفتحو مصنع سكاكين انا اول مره اشوف حد حلم حياته يفتح مصنع سكاكين
انتوا فعلاً انتم الاتنين جزارين
لينا: طب يلا يا حبيبتي على الشغل علشان مجزركيش انتي دلوقتي
وعد: لا وعلى ايه انا ماشيه يا اختي
لورا: يلا وبلاش شغل ناقر ونقير ده
وذهبوا إلى مقر الشغل
________
في عربية جاسر راكب معاه اياد
اياد: انا قرارت اني هفاتح وعد في موضوع الجواز انهارده علشان خلاص مفيش حاجه تخليني معترفش بحبي ليها
جاسر بشرود: لا في
اياد؛ هي ايه دي
جاسر: انت ناسي ان وعد ولينا ولورا مسؤليين عن بعص ولورا صعبه حبتين وعد ولينا بيسمعوا كلامها يعني لو لورا موفقتش وعد مش هتوفق
اياد بقلق: بس لورا بتحبهم جداً وبتحب تشوفهم مبسوطين
جاسر: بس انا خايف بعد المهمه متخلص يرجعوا يسافروا تاني
اياد بخبث: لا مش هيسافروا وانا عارف مين هيساعدنا ويخليها توافق
جاسر: مين يا فصيح
اياد: مفيش غيره
جاسر باستغراب: ليث
اياد: اه هو انت مش ملاحظ ولا ايه
جاسر: بصراحه ملاحظ ومستغرب في نفس الوقت لان ليث عمره معترف بالحب بس بشوف في عنيه حب ل لورا
اياد: وهو ده المطلوب لان ليث فعلاً محتاج حد في حياته علشان يطلع من اللي هو فيه ويعيش بقى حياته بسعاده وحب علشان كده انا هعترف لوعد ولو لورا اعترضت هخلي ليث هو اللي يتكلم معاها
جاسر بفرحه: والله وطلعت ذكي لاول مره في حياتك ياض
اياد: انا طول عمري ذكي يا اخويا بس انت اللي مش ملاحظ
في المقر وصل الجميع وتجمعوا
لورا: ها نبدأ بوضع الخطه علشان خلاص معاد العمليه قرب
ليث: واحنا مش عايزين نضيع اخر امل لينا من ادينا
جاسر: ان شاء الله خير والمهمه هتنجح
لورا: وانا واثقه اننا قدها وهننجح فيها يلا نبدأ
وبدأو بوضع الخطه اللي هيمسكوا بيها فؤاد متلبس وهو بيسلم البضاعه
تتبع.......
أنت تقرأ
إنتقام العنقاء الكاتبه/دينا مصطفى صابر (عاشقة الكتابه)
Actionانا من يخشها الجميع انا القويه انا التي تسعى للانتقام انا التي سوف تدمرهم جميعاً انا التي اصبح قلبها كالحجر انا التي لايستطيع احد ان يقف عائق في وجهها انا العنقاء انا الذي يكره ابيه الذي تركه وهو صغير انا الذي يخشهاه الجميع انا الشجاع انا الذى يسع...
