وقفت بتعب واضح سوت له الاكل و نست تحط ملح
صارخ عليها:صاحيه انتي صاحيه
رهف اخذت نفس بهدوء:اسمعني زين محمد انا مو خدامه بس انا ما ابي مشاكل اترك حركات المراهقه هاذي و ادري فيك من قبل تنتظر الزله عشان نتهاوش احنا عندنا بنت و حرام تختلق الزله عشان الهوشه انا حبيتك و قلت انت بتكون ابوي و كل شي بحياتي و صرت العكس تبي نتطلق انا بكذب و بقول جاهزه بس انا مو جاهزه افقد شخص ثالث بحياتي و انت تدري و تعرفني بس صدقني مستحيل نرجع زي قبل او مستحيل اعاملك و احبك زي قبل
محمد عض يده بندم:رهف
تركت و راحت غرفتها تبكي
محمد ركب سيارته و دعس بقوه تصطدم سيارته ب شاحنه نقل كبيره تسيل دمانه بالارض تتجمع عليه سيارات الشرطه و الاسعاف
اما بالنسبه ل رهف الي قلبها نغزها حطت يدها على صدرها و ركضت تتطمن على دانه تشوفها تغط بنوم عميق بس ما ارتاحت تحس ب جبال على قلبها و دقت على محمد و رد عليها الدكتور:السلام عليكم احد اقارب صاحب هالجوال
رهف:انا زوجته
الدكتور:صاحب هالجوال صار له حادث اختي لو بتقدري تساعدينا و تجي ل المستشفى دلوقتي حنكون ممتنين ليك اوي
نزلت دموعها بدون توقف تلبس عبايتها و تركض للاسفل تشوف جراح امام عيونها:جراح تكفى خذني ل محمد
جراح:محمد وينه و انا جاي اساسا باخذ لي شي و ارجع
رهف بدموع:محمد صار له حادث و هو الحين بالمستشفى
انصدم يسحبها و يركض للسياره و راحو للمستشفى
بعد ايام العزا تحسبون بقول غير كلمة ترملت رهف للاسف مات احد ابطالي
تخطو البعض بس رهف لا لان دانه كانت قطعه من محمد و كانت تشبه تصرفاته و ملامحه الحاده
شوق كانت تجهز ل جلوتها و حب مالك لها كان ل درجة التملك
فيصل و ريمان كنسلو العرس عشان الظروف بس سوو زفه بينهم
رهف مسكت يد دانه:يلا حبيبتي ننزل
دانه نفت:ابي عمو
رهف:اكيد عمك هنا انزلي يلا
نزلت رهف
مريم:يلا يبه يمه الفطور رهف جراح دودي تعالي
قعدو على الكراسي و مريم الي منوعه بالفطور تبي تغير نفسية رهف شوي
جراح حط دانه بحضنه
ابو جراح:جراح انت و رهف لازم تتزوجون
رهف رفعت راسها لهم
جراح الي ما وده ينفي امامها و امام دانه:ليه؟
ابو جراح:عشان دانه و بعد عشان رهف
رهف:لا يا عمي ماله داعي اقدر الحين اشيل اغراضي و اغراض بنتي و امشي
ابو جراح:قلت كلامي و ما بعيده بنجيب شيخ و تتزوجون
جراح:بس يا يبه....
ابو جراح بمقاطعه ل كلامه:لا بس ولا غيره انا ابي بنت اخوي معي طول الوقت و ابيها زوجتك على سنة الله و رسوله
رهف تركت الاكل:لو طلع جراح نفس محمد الله يرحمه عمي ترا ولدك كان يمد يده علي امام بنته و على اتفه الاشياء يضربني و انا ما ودي اعيش نفس الشي و مع اخوه جراح مافيه شي رجال و النعم فيه بس انا ابي رجال يحترمني و ما يعتبرني خدامته
عدلت نقابها و راحت بيتها
جراح نزل راسه يناظر دانه
ابو جراح:العصر بيجي الشيخ جراح انا اثق فيك يا ولدي و هاذي بنت اخوي و زوجتك لا تسوي الي كان يسويه اخوك الله يرحمه و يغفر له و يسكنه فسيح جناته
ابتسم جراح:انشاءالله
ام جراح:جراح حبيبي انت عاقل و فاهم صح عيشها اميره يا ولدي
مريم ابتسمت:يعني دودوو جراح بيصير بابا اوكي
دانه ناظرت جراح تهز راسها ب ايه:تاخذني للالعاب؟
جراح:ايوه
اما عند رهف الي راحت تستخير و حست بنوع من الراحه
مريم اخذت دانه:وش رايك نروح نشوف ماما
دانه:ابي بابا دراح!!
مريم ضحكت:جراح اسمه مو دراح
راحت ل رهف
رهف رمت شرشف الصلاة:ادخلي
دخلت مريم:بيجي المملك العصر جاهزه؟
رهف تنهدت:ايه
مريم:ما ودك تتجهزين
رهف:الا بس ميكب ما بكثر شعري بسويه ويفي و الفستان بلبس فستان اسود
رهف:مريم ابعترف لك
مريم:وشو
رهف:بصراحه انا قبل كنت احب شخصية اخوك جراح و اقول لو هاذا زوجي بعيش ملاك و كان عكس محمد الله يرحمه و يغفرله
مريم ابتسمت:و الحين جراح بيعيشك ملاك صح ترا جراح ما يشتكي من شي بالعكس يصبر و اكلته المفضله كبستك لان يحب ياكلها بال اوبن داي للرجيم و انتي كنتي تسوينها قليل و ترا جراح يحب الاهتمام الزايد و يحب شخص و كثير و متعلق فيها دانه و تراه جريئ
رهف:دانه وينها
مريم:عند دراح على قولتها
رهف ضحكت:صغيره للحين
مريم:قومي تجهزي بسرعه
رهف وقفت و كانت بتدوخ مسكت مريم
مريم:شفتي انك مو ماكله من فتره مب زين يا بنت
أنت تقرأ
احبك حب تاريخيي🫦
Randomبنتنا شوق عايشه مع امها و اخوانها ب بيت جدها الي مدلعهم لكن ما تخلص من كلام زوجات اخوالها و صديقاتها رغم انها اكثر شخص هادي و يكره الظلم ابوها متوفي يعيشون عند ابو ابوها
