احبك حب تاريخيي🫦

البارت ٣١

شوق:ريما تعالي اكلي
نفت ريما:لا مابي
دينا:انا ابي باستا و سيزر
طلع شادي و شوق شالت دينا و حطتها على الكرسي و جلست تأكلها
ام نجم:شوق انتبهي يمه لا تعورك
دينا:عمه شوق ليه انتي دبه
شوق:ريما امسكي لسان بنتج
ضحكت ريما:دينو مامي عمه شوق فيه ب بطنها نونو ها شوق عرفتي جنس النونو
شوق:ايه ولد
اميره:ماشاءالله يارب ينور الدنيا و تشوفينه معرس
شوق:امين يا عمري
ام نجم:يلا يا بنت ريما قومي اكلي بنتك شوق تعبت و هي واقفه
ريما راحت ل دينا و شوق جلست على الكنب تحط يدها على بطنها
ب بيت رهف شالت دانه
جراح ركض لها:لا تشيلينها بتعورك يا حبيبتي
رهف:حبيبي لا تبالغ
جراح:يا حياتي انتي حامل
رهف:يا حبيبي انا اعرف و قدني مجربه مع دانه سويت كل شي ماقد شي ضرني
جراح:قبل مو الحين الحين انتي زوجتي و حبيبتي والله يا رهف بزعل منك لو اشتغلتي بالبيت
رهف ميلت شفايفها:طيب
جراح باس خدها:يلا عشان ما اتأخر انتي امسكي يد دودي و روحي ل امي
رهف:بجلس هنا
جراح نفى:اخاف تولدين ولا تطيحين انا مو عندك
رهف:اولد و انا توني بالثاني
جراح:يلا حياتي يلا
راحت ل امه و هو راح للدوام
اليوم الثاني الصباح ب غرفة شوق حطت اغراضها:بروح ل امي حبيبي
مالك باس راسها:ليه حبيبتي انا مقصر ب شي
نفت:لا طبعا بس اشتقت ل امي
مالك:مافي نوم شوق مافي يرضيك اشتاق؟؟
شوق:و يرضيك انا اشتاق ل امي برقد حبيبي برقد
مالك:اخلص من الدوام اجي لك
شوق:برقد ملوكي
شالت شنطتها و ركبت السياره
مالك ركب:خلاص نامي بس الساعه ١٠ الصبح انا هناك
شوق:اوكي
وصلها ل بيت الجد
باس خدها و راسها:انتبهي ل وليدي و لك
شوق باست خده:من عيوني
نزلت ل امها و سلمت عليهم و هو رجع البيت
ام نجم سوت الفطور:مالك روح ناد شوق و نجم و زوجته للفطور
مالك:شوق راحت ل عمتي
ام نجم:وش مسوي مزعلها صح
مالك:لا يمه تقول اشتاقت لها و بكره ب اجيبها
فطرو
ب بيت الجد
شوق اكلت من البانكيك:من مسويته
ام فيصل:تصدقين شوقي من رحتي صار البانكيك اكله مهمه نسويها كل يوم بالفطور
شوق:الله الله اينن عاد كان بخاطري
ام فيصل:و انتي شله يايه بهالوقت
شوق:وحشتيني يمه وحشتيني
ام فيصل:يا حبيبتي انتي
شوق:من بيجي اليوم
ام فيصل:بس اخوج فيصل
شوق:ذي بكل مكان وراي
وصلو فيصل و ريمان
ريمان:شتبي ذي
شوق:قسم بالله يمه مافي نفس شادي جاي يتطمن علي و يسالني اذا ناقصني شي و فيصل حتى سلام ما سلم
ضحك فيصل:ودي اطقج بس عشان فيصل الصغير
شوق:انت و زوجتك وايد واثقين ان بسمي ولدي فيصل تبون انجلط
ام فيصل:فطرتو يمه
ريمان:ايه
شوق:فيصل وين بتروح
فيصل:مادري يمكن اقعد هني
فيصل حط يده على بطنها:واااهه ياربي شنو هالكياته
شوق:يمه شيلي البيض عن ويهي
ام فيصل:فيصل برا بدون مطرود
الجده:شوق اجلسي على الارض
شوق نفت:لا يدوه الكنب وايد مريح
غسلت يدها و رجعت:يمه بروح ارقد خلي تلفوني عندج و اذا دق مالك قولي له راقده
كانت بتركب الدرج الا يدق:يا الله
ام فيصل:اخذي تلفونج معاج انا قاعده اشتغل
ردت:هلا حبيبي
مالك:وينك
شوق:انت موديني و تقول وينج
مالك ضحك:امزح طيب وحشتيني
شوق:الساعه عشر الصبح تعال انا الحين بروح ارقد لا تدق
مالك:خلي المكالمه مفتوحه
شوق:اوك
راحت الغرفه و نامت
الليل الساعه ١٠ قفلت المكالمه و غسلت وجها و نزلت
الجده:ماشاءالله كل هاذا نمتي
ضحكت شوق:كنت تعبانه يا يدتي
اليوم الثاني الساعه عشر كان مالك يدق عليها و ما ترد نزل
مالك:خالتي وين شوق و ليه ما ترد
الجده:يسلمون اول شي
مالك:السلام عليكم
ام فيصل:شوق راقده بغرفتك
راح ل الغرفه و فتح الباب و كانت توها طالعه من الحمام و الفوطه مغطيه جسمها
مالك:حياتي ليه ما تردين؟
شوق:تلفوني طافي مافيه شاحن نسيت الشاحن بالبيت
طلعت بجامتها:غمض عيونك بلبس
مالك:شوق لا تحسسيني ما شفتك
ضحكت ترمي عليه المخده و تلبس بجامه عريضه عشان تاخذ راحتها بالحركه نشفت شعرها و لبست عبايتها بدون حجاب لانها مو متحجبه
مالك شال شنطتها و نزلو
الحد:اجلسو افطرو
نفت شوق:لا لا ما نبي بنفطر بالبيت
ركبو السياره:خذنا نفطر بالمطعم
مالك:من عيوني حبيبتي