කපිලගේ හඬ ඇහිලා ෂදිල් යාන්තම් ඔළුව උස්සලා බලනකොට තමා දැක්කේ කණගාටුවෙන් වගේම කලබලෙන් එයා දිහා බලා ඉඳපු කපිලව...
ඒත් එයාගේ පිටිපස්සෙන් හිටපු රුව දැකලා ෂදිල්ට ඇතිවුනේ ලොකු පුදුමයක්...එයා කීයටවත් දකින්න බලාපොරොත්තු වුන රුවක් නෙවේ එතන හිටියේ....කීයටවත් නෑ....එයාට හිතාගන්න බැරි වුනා...හීනයක්ද මේ?....
ඇවිත් හිටියේ රෙහාන්...කලිසම් සාක්කු වලට අත් දාගෙන එයා ෂදිල් දිහා බැලුවා...එයා හිටියේ ඔෆිස් කිට් එකෙන්...සීතල බැල්මකින් ෂදිල් දිහා බලාගෙනමයි එයා හිටියේ.....ෂදිල්ව තිගැස්සුනා ඒ බැල්මට....
ෂදිල් ඉක්මනටම බෙන්ච් එක අල්ලගෙන බිම වාඩිවෙන්න හැදුවේ අඬලා රතු වුන ඇස් රෙහාන්ගෙන් හංගගන්න...
පිට මනුස්සයා වුන කපිල එයාගේ කඳුලු මුසුවුන වේදනාව දකිනවට වඩා එයාට ලැජ්ජයි රෙහාන් ඒ කඳුලු දකිනකොට.....ඒත් රෙහාන් කියන්නෙත් පිට මනුස්සයෙක් තමා නමට හස්බන්ඩ් වුනාට...තමන්ගේ කියලා කියාගන්න නම් තව සෑහෙන දුර දෙන්නටම යන්න තියෙනවා.....
"ෂදිල් මහත්තයා ඉන්න මම උදව් කරන්නම්..."
හැමදාම වගේ ෂදිල්ගේ පිහිටට පෙරමුණ ගත්තේ කරුණාවන්ත කපිල....
"ඔයා ගිහින් වැඩක් බලාගන්න කපිල...මම එයාට උදව් කරන්නම්..."
ෂදිල් හිටියේ ෂර්ට් එකේ කොලර් එකෙන් ඇස්වල වේලීගෙන යන කඳුලු පිහගන්න ගමන්...එයාට ඇහුන දේ හරිද කියලා දැනගන්න වගේ එයාට රෙහාන් දිහා බැලුනා...
එයාට හිතාගන්න බැරි වුනා රෙහාන් එකපාරටම මෙහෙම වෙනස් වුනේ ඇයි කියලා...කවද්ද රෙහාන් එයාට උදව් කරන්න ඉදිරිපත් වුනේ?.....
රෙහාන් එයා ඇත්තටම ලෙඩ වෙලාද කියලා සැකහැර දැනගන්න ආවාද එහෙමත් නැත්තම් අනුකම්පා කරන්න හිතුවද?...මේ එකක්වත් ෂදිල්ට නම් තේරෙන්නේ නෑ...
"හොඳමයි රෙහාන් සර්...උවමනාවක් තිබ්බොත් කතා කරන්න...මම ගැරේජ් එකේ ඉන්නවා....මම ගිහින් එන්නම් ෂදිල් මහත්තයා...."
රෙහාන් එක්ක වාද කරන එක කවදාවත් කපිල නොකරන වැඩක්...ඒ නිසා එයා ෂදිල් දිහා දුකින් බලලා ගැරේජ් එක පැත්තට ගියේ බිම තණගොල්ලෝ ඉන්න ෂදිල්වයි ඒ දිහා නිසොල්මනේ බලා ඉන්න රෙහාන්වයි තනි කරලා....
YOU ARE READING
සිධාරණ්‍ය (Complete)✔️
Fanfictionඅහසට පොළොව සේ වෙනස් වූ දෙදෙනෙක්...රන්හුයකින් බැඳුනු බැම්මක්....සතුට විරහව ආදරය වේදනාව අතර හුවමාරු වෙන දෙහදක් ❤ Start - December 02, 2023 End - January 29, 2025
