لقاء واحد يكفي بقلم غدير وسام

البارت الرابع والاربعون

#لقاء_واحد_يكفي
البارت الرابع والاربعون
بقلم الكاتبة غدير وسام

💚 🦋 🦋 ✨ ✨ ✨

اجة شامت يكلي شلونك فلان
شخبار التحبة وينة مـــــا وينة
كتله الحمد لله بخير الاحباب
انكسر خشمة بجوابي ودمعّت عينة
ما بعتك تــــــــــــرة كدام شمات
رغم كونك رحت ومـــــا تجينــــة
لان طبعي الوفة ما انطي بانسان
اهلنا مـــــــن الزغر هيج معلمينة
💐 💐 💐 💐 💐 💐

شرايده

منو

نسيتي صوتي لو تاهت عليج الاصوات

تاهت  عليه مو  تدري هواي الاحجي وياهم

ليش تخليني اجي افرك حلكج

مو انت تكول  عموما. زين انت جاوبت   عندي حجي وياك

كولي

وصلك  الكلام   الدزيته ويا خاله

ياكلام

من هجيت من البيت ومفتتله لمن طلعت  عموما يمكن ناسي او مواصلك. الطفل الك شوكت مااجيب تعال اخذه حاب هسه تنهي كلشي  حاب تنتظر ولادتي  متفرق

بقه ساكت.. انت ردت  تعرف كلشي، موو

هم مجاوب.  بس نفسه ياكدلي هو موجود ويسمع

شوف كلامي  هذا راح ينكال للمره الاخيره..

من تقدمتلي  رفضتك   محد سمع مني   الكل جان موافق عليك 
ومثل متعرف ماعندي صديقات بس زوجة خالي  بسام حجيتلها كالت تعالي، يمي. رحت  خالو تكفل  باقناع بابا

راح احجيلك أشياء مو من حقك  تعرفها  ومالك انت علاقه بيها اصلآ لكن  منها بدا كللشي وياك  وراح توضحلك   الامور

عمتي  جانت خطيبة خالو بسام تعرفه

همس.. امم

تركها من زمان وخطب  مرام  الي جانت متزوجه خالو انور الله يرحمه

عماتي  بقن حاقدات  على مرام اعتبرنها اخذته منهن

اني شعليه بكل هذا

انتظر  جايك الحجي، ادري بيك ممتحملني بس  عزي نفسك هاي اخر مره تسمع صوتي
كملت  ولجئت للجذب بحجي وياا  حتى انقذ نفسي او زواجي جان مستحيل اكله اكو علاقه سابقه بيني وبين شخص. لااحد يكلي  الزواج مبني على الصراحه لان راح يشك ويعير بيه لاخر يوم بعمره اذا الله كتبلنه نستمر

وينج كملي

المهم...  فكرن يضربن عصفورين بحجر يكسبن  ثقة عمي وتفقدها مرام  ويطلكنها فلفقن  قصة  اني عندي تلفون واحب شخص  ومرام تعرف وهي الي  جانت  تساعدني  مراح اكلك واحلف الك بريئه بس  اسال واعرف شصار   الله كشفهن يعز عليه احجي هيج على اهلي بس انت خليتني بموقف ابرربي افعال غيري وبابا جان موافق عليك قبل لاتصير المشكله مو مثل متهمته  راد يورطك بيه  حاب تجي ويحجولك  اهلا وسهلا.   حاب تنهي كلشي، من يمك هم براحتك  بعد منك لابويه اني خلصت  ذمتي كدامك وكدام االله.. حابه ابينلك شي وادري طولت عليك..... اني لو مثل مكلت   مرايدتك جان اكدر بالخطوبه احجي وياك اكلك ماريدك غصبوني.. ولو  محابتك جان متحملت ذلة اختك  وحجيهن واتهاماتهن ومسؤلية مريه جبيره ومريضه ولا عفت  منطقتي وديرتي ولحكتك  لغير محافظه وغير بيئه  مفاركت امي وابويه واخواني واهلي كلهم  لان انت مكدرت تعيش بالبيت بعد والدتك الله يرحمها  ولحتك. وعشت شبه مسجونه لمن ترجع انت  يله اطلع
وقبلت وسكتت مدام شفتك ارتاحيت  ومدام  اني  اطمنت ومكمت اشيل هم طريق روحتك ورجعتك جان كلت اكعد بنص اهلي وغصبن ماعليه ياجرلي يمهم ويروح ويرجع عليه ولاوكفت بوجه بابا وكتله لا اروح ويا واتبعه وين ميروح    فكر بكل هذا  اكعد واصفن ويا نفسك. مدا اكلك هذا الحجي حتى ارجع الك.. لا.. لا متوهم بس حتى تعرف نفسك   ظلمتني  اكعد وفكر   واسال نفسك انت مقابل كل هاي التضحيات  الي قدمتها اني انت شقدمت