دفته ودخلت البيت وقالت : لما تتأدب بعطيك مفتاح سيارتك ، دخلت البيت تصرخ باسم امها ولا لقت أجابه ، قفلت عليها بغرفتها وهو وراها ..
يزيد : افتحي ابغا اطلع ! ، سهام : تطلع وانا اجلس بالبيت عشانك غبي ماتعرف تسوق ؟ ، يزيد : طيب قومي نروح لسيارتك الله يا خذك ، سهام : باخذ شور واشرب قهوه بعدين بفتح الباب ، يزيد : اقسسم بالله لأكسر البباب سهاام افتحي ، ضحكت ضحكة مستفزه وفتحت الباب وقالت : طيب يلا قدامي ، سحب المفتاح وقال : اتركي أسلوب الأمر ، سهام : إلا وين امي ، يزيد : امي وأمك راحو يقضون مع أبوك وابوي وأخوانك سافروا مكه ، شهقت وقالت : امانه سافرو مكه ! ، يزيد : اي ؟ ، بكت وسحبت جوالها ودقت عليهم ، رد عبدالله وقال : ايوا سوستي، بكت وقالت : مو قلت انتظروني اخلص فاينل ؟ لييش رحتو ، عبدالله : يروح قلبي انا والشهقات شنسوي يختي طولتي بعدين اجلسي بالخبر وش زينها ، سهام : والله ما اسامحكم، قفلت بوجهه وقال : اوفر انتي دراما كوين ، دفته وقالت : امش بس ، من ركبوا السياره وهي طول الطريق تبكي ، يزيد : خلااااااااااااص ! اسكتي ، سهام : كل سلحك وسوق زين ، يزيد : تراك معي وبسيارتي ، سهام : اي غصصصب عنك ! صادم سيارتي وتسولف ؟ سوق بس ،
يزيد : يارب صبرني
دق جوال سهام وردت : عيوني ماما ، خيريه : وينك انتي ، سهام : مع يزيد بنروح لسيارتي ، خيريه : اتركو كل شي وتعالوا بسرعه بنروح الرياض جدك تميم طاح بالمستشفى، سهام : لاحول ولا قوة إلا بالله خلاص طيب جايين ، قفلت وقال : شصاير ، سهام : جدي تميم طاح عليهم ولازم نروح الرياض الحين ارجع البيت ، يزيد : طيب ، اخذ يوتيرن ورجع للبيت ...
دخلت غرفتها واخذت عبايتين غير الي عليها وحطتهم بالشنطه وسحبت ملابسها وحطتهم بالشنطه وطلعت للحوش ، بوسط الحوش واقفه تدور سيارة أبوها ، دقت على امها وقالت : ماما وينكم ! ، خيريه : مسكنا خط انا وخالتك وزوجها وأبوك روحي مع يزيد ، سهام : خير يا ماما ! ، قفلت خيريه بوجه سهام .. ، لفت عليه وقال : ترا حتى انا مو مبسوط انك بتروحين معي فا اهدأ شوي ، خزته وركبت أغراضها وحرّكوا ..
في قصر تميم ، الرياض ~
الخدامات ينظفون البيت بأمر من منى آخر عنقود ال تميم ... ، منى : كم مرا بقولك امسحي مدخل الحريم ماتفهمين! ، قمر : افهم ، تنظف البيت والجد تميم مع قوّس بالمستشفى وساهره وخيريه على وصول ..
وصل فيصل وعياله للقصر .. ، نزل عياله وانطلق للمستشفى
عند سهام
بحضنها لابتوبها وتتابع مسلسلها الكوميدي وميته ضحك ، يزيد : لفي الشاشه شوي بشوف ! ، سهام : لا انقلع الي يصدم سيارتي ما يتابع معي ، يزيد : ياليل هالطفله ، سهام : يزيد جوعانه ، يزيد : وش تأكلين ، سهام : ابي تكا ساندوتش، يزيد : طريق سفر يااختي اخلصي شتبين من البقاله ، سهام : يلليييلللل خلاص ابي ماك ، يزيد : طولك يا روح ، إذا وصلتي الرياض كلي الي تبين ، ضربت صدره وقالت : الله ياخذك ، رجعت الفشار بحضنها وجلست تاكل ..
